Search

Tere Baare Mein Jab Socha Nahin Tha
Main Tanhaa Tha Magar Itna Nahin Tha

Teri Tasveer Se Karta Tha Baaten
Mere Kamre Mein Aaina Nahin Tha

Samandar Ne Mujhe Pyaasa Hi Rakha
Main Jab Sehra Mein Tha Pyasa Nahin Tha

Manaane-Roothne K Khel Mein Ham
Bichhar Jaaynge Ye Socha Nahin Tha

Suna Hai Band Kar Li Us Ne Ankhen
Kayi Raaton Se Vo Soya Nahin Tha

Mujhey Yaad hai....

pichlay saal enhi dinon me..

main ne tumein apney andr..

Saatviein bar Qatl kr ke wohi kahein

kisi viraney me Dafan kr dia tha..

aur Tumari Qaber...

Framoshi ki bhari pathron se bhar di thi..

Aur uss se bhe pehley aik bar..

Door draz se aney waley kisi Deo haikal prindey ke
pairon se...

Tujhay baandh ke osey orha dia tha..

Aur phir uss se bhi pehlay bilkul enhi dinon me..

Main ne tujhey mokamal tor per Jala ke..

Tumari Raakh aik Tez raftar Daryya me baha di thi..

Lekan es sari Jankaahi ke bawajood...

Tum aaj phir..

Hamesha ki trah..

Meri Aankhon me Aankhen daley..

Aur mery Dil ko apni muthi me jakrey, meray

samney kharey ho

Tarz jeene kaa sikhati hai mujhe
tashnagi zahar pilaatii hai mujhe
raat bhar rahti hai kis baat ki dhun
na jagaati hai na sulaati hai mujhe
ruthta hon jo kabhi dunya se
zindagi aake manaati hai mujhe
aaina dekhun to kyon ker dekhun
yaad ik shaKhs ki aati hai mujhe
band kartaa hun jo aankhen kyaa kyaa
roshni si nazar aati hai mujhe
koi mil jaaye to rasta kat jaaye
apni parchai Daraati hai mujhe
ab to ye bhool gayaa kis ki talab
des pardes phiraati hai mujhe
kaise ho Khatam kahaani Gham ki
ab to kuch nend si aati hai mujhe

Suno

Mujhe rona nahi ata
Mujhe khona nahi ata
K tum bin jeeena mushkil hai
Jo dard tum dena chahte ho mujhe sehna nahi ata
tum to reh lo gy saath Kisi or k magar
Main kia karon k mujhe rasta badalna nahi ata
tum to waaqif ho andaz-e-guftugo se
Mujhe to baat karne ka salika nahi ata
Tum to jeet jate ho lar jhagar kr bhi
dekho mujhe to larna bhi nahi ata

Mumkin Ho Aap Se To Bhulaa Dijiye Mujhe
Patthar Peh Hun Lakeer Mita Dijiye Mujhe

Har Roz Mujh Se Tazaah Shikaayat Hai Aap Ko
Main Kyaa Hun Ek Baar Bata Dijiye Mujhe

Mere Sivaa Bhi Hai Koi Mauzu-E Guftugu
Apna Bhi Koi Rang Dikhaa Dijiye Mujhe

Main Kya Hun Kis Jagah Hun Mujhe Kuchh Khabar Nahin
Hain Aap Kitni Door Sadaa Dijiye Mujhe

Ki Main Ne Apne Zakhm Ki TashHeer Jaa Bajaa
Main Maanta Hun Jurm Sazaa Dijiye Mujhe

Qaayam To Ho Sake Koi Rishtaa Gauhar Ke Saath
Gehare Samundaron Mein Bahaa Dijiye Mujhe

Shab Bhar Kiran Kiran Ko Tarasane Se Faayada
Hai Teeragi To Aag Lagaa Dijiye Mujhe

Jalate Dinon Mein Khud Pas-E-Diivaar Baith Kar
Saaye Ki Justuju Mein Laga Dijiye Mujhe

"Shehzad" Yun To Sholaa-E-Jaan Sard Ho Chuka
Lekin Sulag Uthun To Havaa Dijiye Mujhe

Wo Sunta To Main Kehta, Mujhe Kuch Aur Kehna Tha
Wo Pal Bhar Ko Jo Ruk Jata, Mujhe Kuch Aur Kehna Tha

Kamai Zindagi Bhar Ki, Usi K Naam To Kar Di
Mujhe Kuch Aur Karna Tha Mujhe Kuch Aur Kehna Tha

Kahan Us Ne Suni Meri Suni Bhi Un Suni Kar Di
Usay Maloom Tha Itna,Mujhe Kuch Aur Kehna Tha

Meray Dil Main Jo Dar Aya Koi Mujh Main Bhi Dar Aya
Waheen Ik Rabta Toota Mujhe Kuch Aur Kehna Tha

Rawan Tha Piyar NUS NUS Main, Bohat Qurbat Thi Apis Main
Usay Kuch Aur Sunna Tha Mujhe Kuch Aur Kehna Tha

Ghalat Fehmi Ne Baton Ko Barha Dala Younhi Warna
Kaha Kuch Tha Wo Kuch Samjha,Mujhe Kuch Aur Kehna Tha

Jab se tu ne mujhe diwana bana rakha hai
sang har shaks ne hathoo mein utha rakha hai

uski dil per bhi kadi ishq mein guzri hogi
nam jis ne bhi muhabbat ka saza rakha hai

pathroo aaj mere sar per barste ku ho
main ne tum ko kabhi apna khuda rakha hai

pi ja aayam ki talkhi ko bhi hans ke nasir
gham ko sahne mei qudrat ne maza rakha hai

Ek nanhi si masoom chidiya mili thi mujhe chehekte hue
aankhein shayad uski thaki nahi thi mohabbat karte hue,

puchha maine teri shokh palken hai kis dard ke bojh tale
kyon simat rahi hai teri awaz teri dhadkanein sisakte hue,

yehi daal thi jab dekha tha tera aashiyaana maine pehle
kahan gaya wo gharonda tere piya ki khushbu se mehekte hue,

ye sunke ek thaka hua sa aansu jhalak aaya uski aankhon mein
khaak mein mil gaya wo uske chehre par aawara safar karte hue,

kaha usne ke maine mohabbaton se paala tha is shaakh ki har dali ko
aaj usi shaakh ne fanaa kiya mere armaano ko jo rahe bilaktey hue,

kaha usne ke dekh mere pankh jo bharte the udaan mere piya ke sath
aaj wohi pankh hai zakhmi kuch parwaazon se zakhmi rotey hue,

kaha usne, ke mohabbato ne ye hashr kiya hai mere haalaaton ka
ke har saans meri reh gayi ehsaanon ki numayish bante hue.