Please Login to Send Message.

Muzammil Shahzad

From : Pakistan
Followers : 0   Total Updates : 3185
Member Since : Aug 24, 2012
Poetry / Sad

Muzammil Shahzad

Yeh Kaisa Khauf Tha Keh Rakht E Safar Bhi Bhool Gaye

yeh kaisa khauf tha keh rakht-e-safar bhi bhool gaye

woh kaun log thay keh apnay ghar bhi bhool gaye

yeh kaisi qouvat-e-parvaaz dar ne paida ki

parinday urtay huay apnay par bhi bhool gaye

dukhon nay chheen li aankhon ki saari benaye

hum uska sheher tu kya reh guzar bhi bhool gaye

khayal tha keh sunayein ge haal-e-dil laiken

hum uskay saamnay arz-e-hunar bhi bhool gaye

juda huye tu khula hai tumhari basti main

hum ik dil hi nahiin chashm-e-tar bhi bhool gaye

· 1 Like · 5 Hours Ago
Category: sad
 
Poetry / Love

Muzammil Shahzad

Woh Baten Aur Baten Hain

Khuda janay tumahray zehen mein kya hai
mairay baray mein tum kya sochti ho keh nahi sakta
magar mein es liye milnay say katrata hon tum say
kay woh baten jo hum likhte hain aap ne khat mein chahat say

woh baten aur baten hain
woh baten aisi baten hain kay bas baten he baten hain
haqeeqat mukhtalif hai aisi baton say
haqeeqat munkashif hoti nahi alfaaz likhnay say

zabani guftagu say bahami izhaar o arz hal karnay say
bohat si aisi baten hain
jinhein sunay ko kaanoo ki nahi aankhon ki haajat hai
agar tum mujh say milnay par bohat israar karti ho

tou phir aik shart hai
aik lafz bhi kehna na honton say
faqt aankhon say ankhain guftagu karti rahein

in aankhon ki sadayen khud bakhud bharti rahengi
agar milna zaroori hai
tou chhoti si meri yeh shart
apnay zehen mein rakhna

· 1 Like · 11 Hours Ago
Category: love
 
Advertisement
Poetry / Love

Muzammil Shahzad

Chalo Tanha Chalna Theek Nahi

Koi abr uray kisi qalzam se
aur barsay merey viranay pr
koi jalta ho
merey dair se wapis aanay pr
koi bethay merey pehloo main
koi haath dharay merey shaanay pr
koi dabay dabay lehjay main kahay
tum ne ab tak baray dard sahay
chalo tanha chalna theek nahi
chalo sath tumharay chaltay hain

· 1 Like · 17 Hours Ago
Category: love
 
Poetry / Love

Muzammil Shahzad

Teri Chaahat Teri Ulfat Teri Yaad Bhulanay Ki

TERI CHAAHAT TERI ULFAT TERI YAAD BHULANAY KI

DIL NAY BAYHAD KOSHISH KI HAI TERAY NAQSH MITANAY KI

IK MUDDAT SAY ROOTH GAYA HAI MUJH SAY MERA DILBAR LOGO

OR MERI BAYKAAR HO GAEE HAI HER TADBEER MANANAY KI

APNAY TAJ KO BAHIR RAKH KAR QADAM RAKHO MAYKHANAY MEI

SAARAY LOG BARAABAR HAIN YAHAN,YEH RASM HAI MAYKHANAY KI

PHIR TERI TAKHLEEQ BHI JOBAN PAR AA JAEY GI

ABHI TALAK HAI TUM KO ZAROORAT DIL PAR CHOT KHANAY KI

APNAY PARWANO MEI MERA NAAM BHI SHAMIL KAR LENA

IK FARYAD SUNO SHAMA APNAY ES PARWANAY KI

MEIN ES JHOOTI BAAT PAY APNAY DIL KO RAAZI KAR LOON GA

IK FARZI TAAREEKH BATA DO MERAY GHAR MEI AANAY KI

KESAY ES NAY MERAY JISM MEI APNAY DAIRAY DAAL DIAY

SARDI MEI BHI NHI ZAROORAT PAL BHAR AAG JALANAY KI

· 1 Like · 23 Hours Ago
Category: love
 
Poetry / Sad

Muzammil Shahzad

Rooh Mei Teri Muhabbat Ka Asar Hai Ab Tak

ROOH MEI TERI MUHABBAT KA ASAR HAI AB TAK

JISM TO KHAAK HUA AANKH TO TAR HAI AB TAK

RANG JO CHHOR GAEE HAATH PAY MERAY TITLI

MERAY NAGHMON MEI WOHI RANG E HUNAR HAI AB TAK

CHAND KA TUKRA KAHA THA TUJHAY MAIN NAY IK SHAB

JUSTAJU MEI TERI SARKARDAAN QAMAR HAI AB TAK

BUN GAEY FARISHTAY SUB HE JO THAY INSAAN YAHAN

DAR PAR TERAY JO KHARRA HAI WO BASHAR HAI AB TAK

CHHOR K JA BHI CHUKA MUJHKO WO TANHA LEKIN

DEKHTA HOON TO TA HAD E NAZAR HAI AB TAK

· 1 Like · 1 Days Ago
Category: sad
 
Poetry / Sad

Muzammil Shahzad

Tamam Umr Wohi Qisa E Safar Kehna

TAMAM UMR WOHI QISA E SAFAR KEHNA

KE AA SAKA NA HAMEN APNAY GHAR KO GHAR KEHNA

JO DIN CHARHAY TO TERAY VASL KI DUA KARNA

JO RAAT HO TO DUA HE KO BAY ASAR KEHNA

YEH KEH K DOOB GAYA AAJ AAKHRI SURAJ

KE HO SAKAY TO ISI SHAB KO AB SEHAR KEHNA

WO SHAKHS MUJH SAY BOHAT BUDGUMAAN SA REHTA HAI

YEH BAAT US SAY KAHO BHI TO SOCH KAR KEHNA

KABHI WO CHAND JO POOCHAY KE SHEHAR KESA HAI

BUJHAY BUJHAY HUAY LAGTAY HAIN BAAM O DAR KEHNA

WO AIK MEIN KE MERA SHEHAR BAHR KO APNAY SIWA

TERI WAFA K TAQAZOON SAY BAY KHABAR KEHNA

WAFA KI TARZ HAI MOHSIN KE MASLEHAT KYA HAI

YEH TERA DUSHMAN E JAN KO BHI CHARAGAR KEHNA

· 1 Like · 1 Days Ago
Category: sad
 
Poetry / Love

Muzammil Shahzad

Us Nay Kaha Mujh Say Tumhen Kitna Pyar Hai

US NAY KAHA MUJH SAY TUMHEN KITNA PYAR HAI

MEIN NAY KAHA SITARON KA BHI KOI SHUMAAR HAI

US NAY KAHA KON TUMHEN HAI BOHAT AZEEZ

MEIN NAY KAHA DIL PAY JISAY IKHTIYAR HAI

US NAY KAHA KON SA TOHFA HAI MANPASAND

MEIN NAY KAHA WO SHAM JO AB TAK UDHAAR HAI

US NAY KAHA KHIZAAN MEI MULAQAT KA JAWAZ

MEIN NAY KAHA QURB KA MATLAB BAHAAR HAI

US NAY KAHA SAINKRON GHAM ZINDAGI MEI HAIN

MEIN NAY KAHA KEH GHAM NHI JAB GHAMGUSAAR HAI

US NAY KAHA SATH KAB TAK NIBHAO GAY

MEIN NAY KAHA JITNI YEH SAANSON KI TAAR HAI

US NAY KAHA MUJH KO YAQEEN AAEY KIS TARAH

MEIN NAY KAHA KE NAAM MERA AITBAAR HAI

· 1 Like · 2 Days Ago
Category: love
 
Poetry / Sad

Muzammil Shahzad

Azmat E Zindagi Ko Bech Diya

azmat-e-zindagi ko bech diya
ham ne apni khushi ko bech diya

chashm-e-saqi k ik ishare pe
umr ki tishnagi ko bech diya

rind jam o subu pe hanste hain
shaikh ne bandagi ko bech diya

rehguzaron pe lut gai radha
sham ne bansuri ko bech diya

jagmagate hain wehshaton k dayar
aql ne adami ko bech diya

ishq behrupiya hai ai 'Sagar'
ap ne sadgi ko bech diya

· 1 Like · 2 Days Ago
Category: sad
 
Poetry / Sad

Muzammil Shahzad

Ek Muddat Hoi Ek Zamana Hua

ek muddat hoi ek zamana hua
Khaak-e-gulashan men jab aashiyaana hua

zulf-e-barham ki jab se shanasai hoi
zindagii kaa chalan mujremana hoa

phuul jalate rahe chand hansta raha
aarazuu ka muqamal fasana hoa

daaG dil ke shehanshah ke sikke bane
dil kaa muflis kada jab Khazana hoa

rahbar ne palaT kar na dekha kabhi
rah o raaste ka nishana hoa

ham jaha bhi gaye zauq-e-sajdaa liye
har jagah aap kaa aastana hoa

pahale hoti thi koi vafaa par vari
ab to "SaaGar" ye qisa purana hoa

· 1 Like · 2 Days Ago
Category: sad
 
Poetry / Sad

Muzammil Shahzad

Chupaye Dil Men Ghamon Ka Jahan Baithe Hain

chupaye dil men Ghamon ka jahan baiThe hain
tumhari bazm men ham bezabaan baiThe hain

ye aur baat ki manzil pe ham poanch na sake
magar ye kam hai ki raahon ko chhaan baiThe hain

ab aur gardish-e-taqadiir kyaa sataye gi
luTaa ke ishq men naam-o-nishan baiThe hain

vo ek lafz-e-mohabbat hii dil kaa dushman hai
jise shariat-e-ehasaas maan baiThe hain

hai maikadon ki bahaaron se dosti Sagar
barhaye had-e-yakeen-o-guman baiThe hain

· 1 Like · 2 Days Ago
Category: sad
 

Muzammil Shahzad

Gender :
Country : Pakistan

Followers : 0  
Total Updates : 3185
Member Since : Aug 24, 2012

More Details

Educaiton : Bachelors
Religion : Islam
Caste : kashmiri butt
Language : Urdu
Coming Soon!


This user has not uploaded any photo.
Coming Soon!
How many Likes??
Posted by Abdul Waheed
Posted on : Oct 20, 2016

Random Post

Muzammil Shahzad Photos

New Pages at Social Wall

New Profiles at Social Wall

Connect with us


Facebook

Twitter

Google +

RSS