Archives

Please Login to Send Message.

Muzammil Shahzad

From : Pakistan
Followers : 0   Total Updates : 3186
Member Since : Aug 24, 2012
Poetry / Sad

Muzammil Shahzad

Apnay Dil Ko Sambhalo,or So Jao

Apnay Dil ko sambhalo,Or so jao
Aanso ankhon main chupa lo,Or so jao
Kuch nahe Milta ishQ main Siwaye es k
Ghum ke barish main naha lo,Or so jao
Choar do ye Ratoon ko dair tak jaagna
Us ki yaad Dil say mita lo,Or so jao
IshQ main hamesHa bewafai he hoti hai
Ye bat zehan main bitha lo,Or so jao

· 1 Like · May 21, 2017 at 06:05
Category: sad
 
Poetry / Love

Muzammil Shahzad

Tumhain Bhi Ishq Karny K Hunar Aanay Lagay Hain

Tumhain bhi ishq karny k hunar aanay lagay hain
to kya ab khwab din main bhi nazr aanay lagay hain?

na aankhain dekh sakti hain na hathon ki pohanch hai
ye kaisay ab k pairron per samr aanay lagay hain

tmhain kehta nahin tha khaak main taseer bhi hai
udhr dekho musafir lout kar aanay lagay hain

bisat e asmaN se ab meri janib sitary
saf e sayyara gaa ko tod kr aanay lagay hain

bayabaaN paoN se lipty huway hain gard ho kr
hamain dar paish ye kaisay safr aanay lagay hain


abhi to koi aabadi ki sorat bhi nahin hai
abhi se bastiyoun main nauha gr aanay lagay hain

abhi to milny ki saaat Saleem aai nahin hai
abhi se dil main kaisay kaisay Darr aanay lagay hain

· 1 Like · May 20, 2017 at 18:05
Category: love
 
Advertisement
Poetry / Sad

Muzammil Shahzad

Meri Aankhain Mere Dushman Ko Laga Di Jain

Bujhnay lag jain to phr shamaiN jala di jaiN
meri aankhaiN mere dushman ko laga di jaiN

be hunar loog kahaN harf ki sachai kahaN
ab kitabain kisi darya main baha di jain

un ki pehchaan ka dukh jaaN se guzr jata hai
ye shabeehaiN sir e aaina ganwa di jaiN

ab bicharnay ka saleeqa hai na milnay ka hunar
ishq main tohmataiN aaiN to bhula di jaiN

ya to khursheed chamakta rahay peshaani main
ya lakeeraiN mery mathay ki mitta di jaiN

kitni bholi huwi batain hamain aaj us ki Saleem
yaad aai hain to ab us ko bata di jaiN

· 1 Like · May 20, 2017 at 09:05
Category: sad
 
Poetry / Love

Muzammil Shahzad

Teri Khushbu Ka Pataa Karti Hai

TERI KHUSHBU KA PATAA KARTI HAI

MUJH PAY EHSAAN HAWA KARTI HAI

SHAB KI TANHAI MEI AB TO AKSAR

GUFTAGU TUJH SAY RAHA KARTI HAI

DIL KO US RAAH PAY CHALNA HEE NAHI

JO MUJHAY TUJH SAY JUDA KARTI HAI

ZINDAGI MERI THEE LEKIN AB TO

TERAY KEHNAY MEI RAHA KARTI HAI

US NAY DEKHA HE NAHI WARNA YEH AANKH,

DIL KA EHWAAL KAHA KARTI HAI

SHAAM PARTAY HI KISI SHAKHS KI YAAD

KOOCHA E JAAN MEI SADAA KARTI HAI

· 1 Like · May 19, 2017 at 16:05
Category: love
 
Poetry / Sad

Muzammil Shahzad

Hijer Mein Khoon Rulate Ho Kahan Hote Ho

Hijer mein khoon rulate ho kahan hote ho?
Lout ker kyoun nahin aate kahan hote ho?

Jab bhi milta hay koi shakhs baharon jaisa?
Mujh ko tum kaise bhulate ho kahan hote ho?

Yaad ati hain aikele mein TUMHARI neendain
Kis tarah khud ko sulatay ho kahan hote ho?

Mujh se bichre ho tu mehboob e nazer ho kis k
Aaj kall kis ko manate ho kahan hote ho?

Shab ki tanhayi mein aksar yeh khayal ata hay
Apne dukh kis ko sunate ho kahan hote ho?

Mousam e gul mein nasha hijer ka berh sa jata hay
Mere sab hosh churatay ho kahan hote ho?

Sard raaton mein tumhain kaise bhula sakta hon
Aag si dil mein lagate ho kahan hote ho?

Tum tu khushion ki rafaqat k liye bichre the
Ab ager ashk bahate ho tu kahan hote ho?

Shaher k loog bhi Wasiq yahi kerte hain sawal
Ab bohat Kam nazer ate ho kahan hote ho?

· 1 Like · May 19, 2017 at 06:05
Category: sad
 
Poetry / Sad

Muzammil Shahzad

Wo Udas Dhoop Samait Kar Kahin Wadion Mein Chal Dia

Wo Udas Dhoop Samait Kar Kahin Wadion Mein Chal Dia
mere dil tu na day sada jo guzar gaya so guzar gaya

Yeh safar kitna taveel hai, yahan waqt kitna qaleel hai
Kahan laut kr koi aye ga,jo guzar gaya so guzar gaya

Wo wafain thein jafain thein, Yeh na soch kis ki khaatain thein
jo tera hai ussay galay laga, jo guzar gaya so guzar gaya

Yeh dunia aik faraib hai, yahan koi kisi ka apna nahi
Yeh ujaar mehlon ki sun sada, Jo Guzar Gaya so guzar gaya

· 2 Like · May 18, 2017 at 21:05
Category: sad
 
Poetry / Sad

Muzammil Shahzad

Es Dar Pe Thikana Kabhi Uss Raah Main Deera

es Dar Pe Thikana Kabhi Uss Raah Main Deera
Hum Khaana Badashoon Ka Yehi Sham Sawera

Be Mehar Duniya Ka Gila Hai Tere Lab Pe
Ab Kaisay Bataon Tujhe Main Bhi Nahi Tera

Woh Chaar Qadam Hai Yeh Kiran Ham Safri Ki
Phir Aagay Wohi Shahr-e- Judai Ka Andhera

Mil Jaye Jo Ghurbat Main Faraz Ab Wohi Hamdam
Ho Jaye Jahan Sham Wahin Rehan Basaira

· 2 Like · May 18, 2017 at 03:05
Category: sad
 
Poetry / Sad

Muzammil Shahzad

Zakhm Muskurate Hen Ab Bhi Teri Aahat Per

Zakhm Muskurate Hen Ab Bhi Teri Aahat Per
Dard Bhool Jate Hen Ab Bhi Teri Aahat Per

Shabnami Sitaroon Per Phool Khilne Lagte Hen
Chand Muskurate Hen Ab Bhi Teri Aahat Per

Umar Kat Di Lakin Bachpana Nahi Jata
Hum Diye Jalate Hen Ab Bhi Teri Aahat Per

Teri Yaad Aaye To Neend Jati Rahti Hai
Hum Khushi Manate Hen Ab Bhi Teri Aahat Per

Ab Bhi Teri Aahat Per Chand Muskurata Hai
Khwab Gungunate Hen Ab Bhi Teri Aahat Per

Tere Hijr Me Hum Per Aazab Taari hai
Chonk Chonk Jate Hen Ab Bhi Teri Aahat Per

Ab Bhi Teri Aahat Per Aass Lout Aati Hai
Ashq Hum Bahate Hen Ab Bhi Teri Aahat Per

· 1 Like · May 17, 2017 at 19:05
Category: sad
 
Poetry / Sad

Muzammil Shahzad

Jis Shaks K Bagair Guzara Na Ho Saka

Jis Shaks K Bagair Guzara Na Ho Saka
Ye Kiya Sitam K Who Bhi Hamara Na Ho Saka

Ankhoon Ne Jis K Wasta Sadiyon Safar Kiya
Wo Youn Mila K Us Ka Nazara Na Ho Saka

Main Na Har Ek Rukh Pay Nigahain Bekhair Deen
Lakin Badal Koi Bhi Tumhara Na Ho Saka

Jo Rah-E-Guzar Ishq Main Pathar Banay Rahay
Un Sa Kisi Bhi Toor Kinara Na Ho Saka

Mujh Ko Kis Liya Shikwa Ho Gair Say
Khud Jub Main Apnay Dukh Ka Sahara Na Ho Saka

· 1 Like · May 17, 2017 at 12:05
Category: sad
 

Muzammil Shahzad

Gender :
Country : Pakistan

Followers : 0  
Total Updates : 3186
Member Since : Aug 24, 2012

More Details

Educaiton : Bachelors
Religion : Islam
Caste : kashmiri butt
Language : Urdu
Coming Soon!


This user has not uploaded any photo.
Coming Soon!
Tasveer bhi zaban rakhti hai
Posted by iJunoon
Posted on : Feb 13, 2015

Random Post

Muzammil Shahzad Photos

New Pages at Social Wall

New Profiles at Social Wall

Connect with us


Facebook

Twitter

Google +

RSS