Please Login to Send Message.

Muzammil Shahzad

From : Pakistan
Followers : 0   Total Updates : 3185
Member Since : Aug 24, 2012
Poetry / Love

Muzammil Shahzad

Mujhe Teri Mohabbat Mein Kho Jaane Do

Mujhe teri mohabbat mein kho jaane do
Har lamha mar ke aaj phir jee jaane do

Isse mahobbat ne dil ko aaj phir dhadkaya hai
Mujhe ishq ki baaho mein so jaane do

Tadap ki aag hai judaai ki baahon mein
Mujhe aaj es mohabbat se mil jaane do

Meri saans chalti hai tere naam ki aahat pe
Mujh benaam ko es naam mein kho jaane do

Kasam tujhe chalne wali hawaon ki mehboob
Mujhe es mohabbat ki aag mein jal jaane do.

· 1 Like · Jun 11, 2017 at 19:06
Category: love
 
Poetry / Sad

Muzammil Shahzad

Meray Haathon Mein Chupay Zakham Say Pehchaan Mujhay

Zulam seh kar bhi samajhta hoon k tu mera hai
Mairay dushman teray chehray pay lahoo mera hai

Subh e dam shehar ki shorish teray dum say ho gi
Raat kay pichlay pehar alam e hoo mera hai

Meray haathon mein chupay zakham say pehchaan mujhay
Teray daaman pay bhi ehsaan e rafoo mera hai

Ghir gaya hoon talatum mein bhi zindaan ke tarha
Halqa e mouj e rawaan toq e galoo mera hai

Dhoop chhaaon ki yeh rutt dil mein thehar janay day
Aks tera hai to sayaa lab e joo mera hai

Pathron say hai mohabbat mujhay youn bhi mohsin
Sungdil shehar mein aik aaina roo maira hai ....

· 1 Like · Jun 10, 2017 at 06:06
Category: sad
 
Advertisement
Poetry / Love

Muzammil Shahzad

Ik Mom Ki Guriya Hae

ik mom ki guriya hae
ik pream kahani hae
ik shaakh hae nazuk c
kaliyon ki jawani hae
wo phul ki titli hae
shola hae k pani hae
hae shaan samndar ki
lehron main rawani hae
wo noor-e-sehar hae
ya shaam suhani hae
dekhon to sapna hae
sochon to kahani hea
kaya naam rakhon us ka
kaya baat kahon us se
wo din ka ujala hae
wo raat ki rani hae
Ik MoM ki guriya hae
ik pream kahani hae

· 1 Like · Jun 09, 2017 at 18:06
Category: love
 
Poetry / Love

Muzammil Shahzad

Karo Tum Mujh Se Mohabat To Kya Baat Ho

Karo Tum Mujh Se Mohabat To Kya Baat Ho
Mil Jae Zindagi Bhar Tumhara Sath To Kya Baat Ho

Saanson Ke Saharay To Jee Raha Hun
Gar Tum Ban Jao Saans Meri To Kya Baat Ho

Dharkan To Chalti Rehti Hain Har Ghari
Gar Tum Ban Jao Dhadkan Meri To Kya Baat Ho

Tumhen Hi Manga Hai Apni Duaon Mein
Gar Tum Ban Jao Dua Meri To Kya Baat Ho

Tumhen Hi Dhoundti Hai Har Soo Meri Yeh Nazar
Gar Tum Ban Jao Nazar Meri To Kya Baat Ho

Maut To Har Kisi Ko Aani Hai, Ik Din Mujhe Bhi Aegi,
Gar Tum Ban Jao Maut Meri To Kya Baat Ho.

· 1 Like · Jun 08, 2017 at 04:06
Category: love
 
Poetry / Sad

Muzammil Shahzad

Asar Dil Per Karay Shikwa

Asar dil per karay shikwa
shikayat ho to aisi ho
Galay lag kar koi roye
Nadamat ho to aisi ho
yehi mehsus ho jaisay
kai sadiyan guzari hain
faqat ek pal ki furqat mein
Aziat ho to aisi ho
mujhe kanta chubhay aur
us ki ankhon se lahu tapkay
talluq ho to aisa ho
MUHABAT ho to aisi ho.

· 1 Like · Jun 07, 2017 at 22:06
Category: sad
 
Poetry / Love

Muzammil Shahzad

Bol Hawa Us Paar Zamane Kaise Hain

Bol Hawa Us Paar Zamane Kaise Hain?

Ujray Shehar Men Yaar Purane Kaise Hain?

Chand Utarta Hai Ab Kis Kis Aangan Men?

Kirnon Se Mehroom Gharane Kaise Hain?

Lab Basta Darwazon Py Kia Beet Gai?

Galiyon Sy Mansoob Afsaney Kaise Hain?

Jin K Juhrmat Mien Shamien Dam Torr Gaeen,

Wo Pyary,Pagal,Parwanay Kaise Hain?

MOHSIN,Hum To Khair Khabar Sy Bhi Guzar Gaye,

Apnay Rothay Yaar Na Janay Kaise Hain..

· 1 Like · Jun 07, 2017 at 10:06
Category: love
 
Poetry / Love

Muzammil Shahzad

Apni Mohabbat Mein Dil Ko Thora Khula Rakhna

Tumhein yaad kar lein to sabar haar jaatay hain
Hijer ke musaafir apna safar haar jaatay hain

Thori duur tak teri tamanna le ke chalte hain
us se aagay phir apnay muqaddar haar jaatay hain

Haey wo husn ki chamak, aur dekh raha hoon
isi shauq mein deewane, nazar haar jaatay hain

pehli mulaqaat mein sach wo meri ho gai thi
laikin taez dornay walay aksar haar jatay hain

tamaam umar chah kar bhi aaj tum se duur hoon
raat saari jaag kar hum, sehar haar jaatay hain

Achanak sath chhor kar be bas kar gia aisay
urran mein jaisay parinday, par haar jaatay hain

apni mohabbat mein dil ko thora khula rakhna
tang dareechon walay loag, aakhir haar jaatay hain

· 1 Like · Jun 07, 2017 at 04:06
Category: love
 
Poetry / Love

Muzammil Shahzad

Mohabbat Jaag Jati Hay

Suno ay chand c larki
Abhi tum keh rahi thi na
Tumhain mujh se mohabbat ho nahi sakti
Chalo maana k yeh such hai
Magar aye chand c larki
Mujah itna batao tum
K jab mosam badalte hain
Gulon main rang bharte hain
To phir kiyu muztarib ho kar
Akele pan se ghabra kar
Hawa ko raaz deti ho
Mujah awaaz deti ho
Suno aye chand c lerki
Tumhare saamne koi mera jab naam leta hai
To phir kiyu chonk jaati ho
Chalo maana tumhain mujhse muhubbat ho nahi sakti
Magar itna samajh lo tum
Jahan chahat nahi hoti
Wahan nafrat k hone ka koi imkaan nahi hota
Mera dawa hai chahat main
Jahan nafrat nahi hoti
Wahan aksar yeh dekha hai
Agar kuch waqt kat jaye
Samay ki dhool chhat jaye
Tou wehshat bhaag jati hai
Mohabbat jaag jati hay....

· 1 Like · Jun 05, 2017 at 06:06
Category: love
 
Poetry / Sad

Muzammil Shahzad

Bikhar Rahi Hai Meri Zaat Usay Kehna

Bikhar rahi hai meri zaat usay kehna
Kabhi milay to yehi baat usay kehna

Wo sath thi to zamana tha hamsafar mera
Magar ab koi nahi mere sath usay kehna

Usay kehna k bin us k din nahi guzarti
Sisak sisak k katti hai raat usay kehna

Ussay pukaroon ya khud hi pohanch jaoon us k pass
Nahi rahe ab wo halaat usay kehna

Agar wo phir b na lotay to aye meharbaan
Hamari zeest k halaat usay kehna

Her jeet us k naam kar raha hoon main
Main manta hoon apni haar usay kehna...

· 1 Like · Jun 04, 2017 at 16:06
Category: sad
 
Poetry / Sad

Muzammil Shahzad

Chalo Ishq Nahi, Chaahne Ki Adat Hai

Chalo Ishq nahi, Chaahne ki Adat hai
Kya karein k Hamein Dusrey ki Adat hai

Tuu apne Sheesha-Gari ka na ker Hunar Zaya
Mai Aaina hoon, Mujhe Tootne ki Adat hai

Wisaal mai b wohi Faasley Sarab k hain
Ke Usko Neend, Mujh ko Rat-Jage ki Adat hai

Tera Naseeb hai Ae Dil Sada ki Mehroomi!!
Na Wo Sakhi hai, na Tujhe Maangne ki Adat hai

Ye Khood-Aziyati kab tak FARAZ
Tu b usay na ker Yaad, Jise Bhoolne ki Adat hai

· 1 Like · Jun 04, 2017 at 10:06
Category: sad
 

Muzammil Shahzad

Gender :
Country : Pakistan

Followers : 0  
Total Updates : 3185
Member Since : Aug 24, 2012

More Details

Educaiton : Bachelors
Religion : Islam
Caste : kashmiri butt
Language : Urdu
Coming Soon!


This user has not uploaded any photo.
Coming Soon!
Nice Car Hit LIKE.
Posted by Usama Arshad
Posted on : Mar 02, 2016

Random Post

Muzammil Shahzad Photos

New Pages at Social Wall

New Profiles at Social Wall

Connect with us


Facebook

Twitter

Google +

RSS