Archives

Please Login to Send Message.

Muzammil Shahzad

From : Pakistan
Followers : 0   Total Updates : 3186
Member Since : Aug 24, 2012
Poetry / Sad

Muzammil Shahzad

Qasam Le Lo

Qasam le lo
Tumhare baad
kisi ka khwaab dekha ho
kisi ko hum ne chaha ho
kisi ko hum ne socha ho
kisi ki aarzoo ki ho
kisi ki justujoo ki ho
kisi ki rah dekhi ho
kisi ka qurb manga ho
kisi ko sath rakha ho
kisi se aas rakhi ho
koi umeed bandhi ho
koi dil mai utra ho
koi tum se piyara ho
koi Dil mai basaaya ho
koi apna bnaya ho
koi rootha ho to hum ne
usay ro ro k manaya ho
december ki haseen rut main
kisi ka hijar jheela ho
kisi ki yaad ka mousam
mere aangan mai khela ho
kisi se baat karne ko
kabhi ye hont tarsay ho
kisi ki bewafai par
kabhi ye nain barsay ho
kabhi raaton ko uth uth kar
tere dukh mai na roye ho
Qasam le lo Tumhare Baad
Hum ik pal bhi soye ho
Qasam le lo kabhi jugnu
kabhi tara
kabhi mahtaab dekha ho
Qasam le lo Tumhare Baad
Kisi ka khwaab Dekha ho
Qasam Le Lo………

· -3 Like · Jun 01, 2017 at 07:06
Category: sad
 
Poetry / Sad

Muzammil Shahzad

Teri Yaad Shaakh E Gulaab Ha

Meri Dastan ka urooj tha

Teri Narm Palkon ki chaon main

Mere sath tha Tujhe jagna

Teri aankh kaise jhapak gai

Bhla Hum mile bhi to kya mile

Wohi Doorian wohi faaslay

Na kbi Hamare Qadam Barhay na kbi Tumhari Jijhak gai

Tere Haath se Mere Hont tk wohi intzaar ki Piyas hai

Mere Naam ki jo Sharab thi kahin raste main Chalak gai

Tujhe Bhool jane ki koshishain kbi kaamyaab na ho ske

Teri yaad Shaakh-e-Gulaab hai

Jo hawa chali to Mehak gai..

· 1 Like · Jun 01, 2017 at 00:06
Category: sad
 
Advertisement
Poetry / Sad

Muzammil Shahzad

Suna Hoga

Suna Hoga
Bohat Tum Ne
Kahin Ankhon
Ki Rim Jhim Ka
Kahin Palkon Ki
Shabnam Ka
Parha Hoga
Bohat Tum Ne
Kahin Lehjay Ki
Barish Ka
Kahin Sagar K
Ansoo Ka
Magar Tum Ne
Kabhi Humdum
Kahin Dekhey?
Kahin Parhey?
KISI TEHREER K AANSO ?
Mujhey Teri Judai Ne
Yahi Meraj
Bakhshi Hai
K Main Jo
Lafz Likhta Hon
Woh Sarey
LAFZ ROTEY HAIN
K Main Jo
Harf Bunta Hon
Woh Sarey
BATAIN KARTE HAIN
Mere Sang
es Judai Mein
MERE
ALFAZ MARTaY HAIN!

· 1 Like · May 31, 2017 at 18:05
Category: sad
 
Poetry / Sad

Muzammil Shahzad

Ek Din Mili Wo Mujh Sy

Ek Din Mili Wo Mujh Sy
Bujhi Bujhi Si
Jhuki Jhuki Si
Udasion Main Rachi Basi Si

Jo Main Ny Poocha
Udaas Kyun Ho .. ?

Jhuka K Palkain
Chupa k Chehra
Lagi Wo Kehne !

Udaasion Ka Sabab Tum Hi Ho
Mere Naseebon Main
Tum Nahi Ho!!!

· 2 Like · May 31, 2017 at 12:05
Category: sad
 
Poetry / Love

Muzammil Shahzad

Zindagi Ka Safar Hai Yeh Kaisa Safar

Zindagi Ka Safar Hai Yeh Kaisa Safar
Koi Samjha Nahi Koi Jaana Nahi

Hai Yeh Kaisi Dagar Chalte Hai Sab Magar
Koi Samjha Nahi Koi Jaana Nahi

Zindagi Jo Bahut Pyaar Humne Diya
Maut Se Bhi Mohabbat Nibhaye ge Hum

Roote Roote Zamane Mein Aaye Magar
Hanste Hanste Zamane Se Jaain ge Hum

Jaain ge Par Kidhar Hai Kise Yeh Khabar
Koi Samjhe Nahi Koi Jaana Nahi

Aise Jeevan Bhi Hai Jo Jiye Hee Nahi
Jinko Jeene Se Pehle Hee Maut Aagayi

Phool Aise Bhi Hai Jo Khile Hee Nahi
Jinko Khilne Se Pehle Fiza Kha gai

Hai Pareshan Nazar Thak Gaye CharAgar
Koi Samjha Nahi Koi Jaana Nahi!

· 1 Like · May 31, 2017 at 06:05
Category: love
 
Poetry / Love

Muzammil Shahzad

Mohabbatein Jab Yaad Karna To Sazishain Bhi Yaad Karna

Mohabbatein Jab Yaad Karna To Sazishain Bhi Yaad Karna
Jo Mere Hisse Me Aaye Hai Wo Azeytain Bhi Yaad Karna

bichaye Rakhun gi Main Subah Tak TuMhare Rasto Me Apni Aankhein
Magar Kahin Sabar Toot Jaye To Baarishein Bhi Yaad Karna

Jo Sardiyon ka Udaas MausaM Me Dhadkanein Barf Hogayi Hai
Jab Ye Ho Jaye Banjar To Bin MausaM Inka Barasna Bhi Yaad Karna

TuM Apni Majbooriyon Ke Kisse Zaroor Likhna Wazahatoon Se
Jo Meri Aankhon Mein Jal Bujhi Hia Wo Khwahishein Bhi Yaad Karna...

· 1 Like · May 31, 2017 at 00:05
Category: love
 
Poetry / Love

Muzammil Shahzad

Teri Sarhad Se Jo Niklon To Bikhar Jata Hun

Sham Ko Yaadon K Aangan Mein Utar Jata Hun,
Aur es Bazam Se Phir Waqt-E-Sehr Jata Hun.

Mujh Ko Maqsood Hai Her Haal Mein Rahat Teri,
Bojh Hun Gar To Tery Dilse Utar Jata Hun.

Main To Qaim Hun Faqt Teri Kashish K Baais,
Teri Sarhad Se Jo Niklon To Bikhar Jata Hun.

Gumbad-E-Zaat Se Jo Sada Aati Hai,
Shab Ki Tanhai Mein Sunta Hun To Darr Jata Hun.

Main To Qaim Hun Abhi Ahd-E-Wafa Per Apne,
Gar Tujhe Raas Nahi Hai To Mukar Jata Hun..

· 2 Like · May 30, 2017 at 17:05
Category: love
 
Poetry / Sad

Muzammil Shahzad

Rudaad E Muhabbat Kyaa Kahiye Kuchh Yaad Rahii Kuchh Bhuul Gaye

rudaad-e-muhabbat kyaa kahiye kuchh yaad rahii kuchh bhuul gaye
do din kii masarrat kyaa kahiye kuchh yaad rahii kuchh bhuul gaye

jab jaam diyaa thaa saaqii ne jab daur chalaa thaa mahafil men
vo hosh kii saat kyaa kahiye kuchh yaad rahii kuchh bhuul gaye

ehasaas ke maiKhaane men kahaaN ab fikr o nazar kii qandelain
aalam kii shiddat kyaa kahiye kuchh yaad rahii kuchh bhuul gaye

ab apanii haqiiqat bhii "Sagar" berabt kahani lagatii hai
duniyaa kii haqiiqat kyaa kahiye kuchh yaad rahii kuchh bhuul gaye

· 1 Like · May 30, 2017 at 11:05
Category: sad
 
Poetry / Sad

Muzammil Shahzad

Musalsal Rokti Hoon Usko Sheher E Dil Main Aanay Se

Musalsal rokti hoon usko sheher-e-dil main aanay se

Magar wo koh-e-kun rukta nahi deewaar dhanay se

Bhala kia dukh kay aangan main sulagti larkiyan janain

Kahiin chuptay hain aansoo anchaloon main chupanay se

Abhi tu fasal taaza hai humaray hurf o maani ki

Abhi dartay nahiin hum mausamon kay aanay jaanay se

Abhi tu ishq main aankhein bujhi hain dil salamat hai

Zamenain baanjh hoti hain kabhi faslein jalanay se

Tujhay tanha mohabbat ka yeh dariya paar karna hai

Nadamat hogi us kay hoslon ko aazmanay se

Humein kis zarf kay kirdaar kay qissay sunata hai

Tujhay ay shehar hum bhi jantay hai ik zamanay se

Tujhay bhi zabt-e-ghum kay shoq nay pathar bana daala

Tujhay ay dil buhut roka tha rasm o rah nibhanay se

· 1 Like · May 30, 2017 at 05:05
Category: sad
 

Muzammil Shahzad

Gender :
Country : Pakistan

Followers : 0  
Total Updates : 3186
Member Since : Aug 24, 2012

More Details

Educaiton : Bachelors
Religion : Islam
Caste : kashmiri butt
Language : Urdu
Coming Soon!


This user has not uploaded any photo.
Coming Soon!
Faraib
Posted by maria waheed
Posted on : Nov 10, 2016

Random Post

Muzammil Shahzad Photos

New Pages at Social Wall

New Profiles at Social Wall

Connect with us


Facebook

Twitter

Google +

RSS