Archives

Please Login to Send Message.

Muzammil Shahzad

From : Pakistan
Followers : 0   Total Updates : 3186
Member Since : Aug 24, 2012
Poetry / Love

Muzammil Shahzad

Aankhon Ne Kaise Khwab Tarashe Hain In Dino

Aankhon ne kaise khwab tarashe hain in dino
Dil per ajeeb rang utarte hain in dino

Rakh apne paas apne mah o meher ay falak
Hum khud kisi ki aankh ke taray hain in dino

Dast-e-seher ne maang nikali hai baar han
Aur shab ne aake baal sanware hain in dino

es ishq ne hame hi nahi moutadil kiya
Us ki bhi khush mizaji ke charche hain in dino

Ik khushgawar neend pe haq ban gaya mera
Wo rat jage es aankh ne kaate hain in dino

Wo qehat-e-husn hai ke sabhi khush jamal log
Lagta hai Qo qaaf pe rehte hain in dino

· 1 Like · Jun 03, 2017 at 14:06
Category: love
 
Poetry / Sad

Muzammil Shahzad

Aaj Udaasi Nay Phir Chera Hai Saaz

Aaj udaasi nay phir cheRa hai saaz
Aaj dard phir kuch sunaye ga
Tanhai nay baNdhay haiN ghuNgro
Aaj waqt bhi thahar jaayega


ChaNd ! apni chaNdni idhar rakh jana
Aanay haiN aaj kuch bhoolay huay say chehray
Ashko ! aaj tum bhi ji bhar kay beh lena
Behal jaayeN aisay hi shaayad ehsasoN kay safinay
Naghmo !Aaj qadam saMbhal saMbhal kay rakhna
Aaj ki raat khwaaboN kay naam hai
In lamhoN ka hai chalan aisaa
Ki aaj tarpay gi takhleeq lafz dar lafz
Khaamoshi ka zehr sab ko pilaya jay ga


Aaj ki raat zindagi pay bhaari hai
Aaj jalaiN gay khwaahishoN kay alaoo
HaNstay haNstay hoga aaj umeedoN ka qatl
Meri zindagi aaj phir mayzbaan bani hai
Woh baras jab jazbaat nay li thi pehli angRayi
Us baras ki yaad aaj mehmaan bani hai


Woh door ufaq pay uthtay haiN ghubaar
MehmaanoN kay qafilay pounchanay waalay haiN
Dard-e-dil ko saMbhaloon ab main
Ai fazao tum hawaaoN pay likh lena
BehoshioN main nazm jo banaa loon ab main

· 1 Like · Jun 03, 2017 at 08:06
Category: sad
 
Advertisement
Poetry / Sad

Muzammil Shahzad

Rooh K Zakhm Bohat Gehry Hain

rooh k zakhm bohat gehry haiN
pyaas behti hay lahoo ban k inhi zakhmoN se
dard k taar banaty haiN ajab naqsh rafu kaari key
aag hi aag rag-o-pay meiN utar jaati hay
aadmi apny hi sholoN se sulag uThta hay
zindgi moat k maino se ulajh jati hy
aur phir youNhi achanak
koi chupky se nazar Daalta hay zakhmoN pr
aankh bhar deti sab naqsh rafoo kaari key
honT barsatay haiN kuch harf-e-tasalli in pr
haath ban jaty haiN marham
dard miT jata hay lehjay k asar sey yakdam
pyaas bujhti hay to bhar jaty haiN sab rooh k zakhm....

· 1 Like · Jun 03, 2017 at 02:06
Category: sad
 
Poetry / Sad

Muzammil Shahzad

Ye Ajab Khail Hay

ye ajab khail hay
Es meiN hota hay youN
ham jisy chahtay haiN dil-o-jaN se wo
chahta hay dil-o-jan hi se
kisi aur ko
khail k zabtoN k mutabiq hmaiN
donoN janib k jazboN ka
ik sath hi rakhna hota hay pas
laikin aksar ye dekha gaya hay
k es khail meiN
her khilaRi
apny jazbat ki ro mei behtay hoe
aik janib hi rakhta hay apni nazar
dosri samt ka us ko ehsas kya
koi us ki tawajo ka talib rahy
us k wapas palaTnay ki hasrat liay
ik charag-e-sar-e-rehguzar ki tarha
khoon-e-dil ko jalaye, rahy muntazar
laikin us ki shab tar ki
ho na paaye sahar
ye ajab khail hay

ye ajab khail hay
es meiN youN bhi hua
jeet k shoq meiN
kitny hi zorawar khilaRi jo thy
munh k bal wo giray
beshtar in meiN aisy thy jo
na idher k rahy na udher k rahy
sirf chaand ik thy wo
surkhuru jo huay

ye ajab khail hay..

· 1 Like · Jun 02, 2017 at 20:06
Category: sad
 
Poetry / Sad

Muzammil Shahzad

Kuch Kehna Tha Usay Bhi Aur Mujhay Bhi

KUCH KEHNA THA USAY BHI AUR MUJHAY BHI

US NAY YEH CHAHA MAIN KUCH KAHOON

MERI YEH ZID BAAT WOH KARAY

YEHI SOCHTAY SOCHTAY ZAMANAY BEET GAYE

NA USKI ANA TUTI NA MERI ZID

USKI ANA FASEEL THI

TO MERI ZID CHATAAN

ANA AUR ZID KAY ISI TZAD MEIN

SAFAR-E-ZINDAGI YUNHI RAWAN RAHA

WAQT KATTA RAHA DARD BARHTA RAHA

AUR SAFR IKHTATAM KO POHUNCHA

IKHTATAM-E-SAFAR YEH RAHA

MERI AANKHON MEIN HALKI SI NAMI

AUR SHAYAD

USKI ZINDAGI MEIN THORI SI KAMI

USKI ANA SHIKAST KHURDA

OR ,
MERI ZID REZA REZA......

· 1 Like · Jun 02, 2017 at 14:06
Category: sad
 
Poetry / Sad

Muzammil Shahzad

Ab Na Vo Shor Na Vo Shor Machane Vale

ab na vo shor na vo shor machane vale
Khaak se baiTh gaye Khaak urane vale

ye alag baat mayasar lab-e-goya na hoa
dil me vo dhoom ki sunate hain zamaane vale

dil hTa vahashi kabhi qaaboo me na aya yaaron
haar kar baiTh gaye jaal bichhaane vaale

terii qurbat me guzaare huye kuchh lamhe hain
dil ko tanhai ka ehsas dilane vale

· 1 Like · Jun 02, 2017 at 08:06
Category: sad
 
Poetry / Sad

Muzammil Shahzad

Suno Yeh Waqt E Rukhsat Hai

Suno Yeh Waqt-E-Rukhsat Hai,Sakoot-E-Safar Tari Hai
Khatam Umron Ka Zar,Baqi Lamhon Ki Raizgari Hai

Suno Aankhain To Gumsum Hain,Dilon Main Aah O Zaari Hai
Suno Ye Zabt Ka Mousam Nahin,Bay Ikhtiari Hai

Suno Ye Aas Ki Dori Utha Lo Hath Say Meray
Mere Hathon Main Kache Dhagon Ki Be Aitbari Hai

Suno Main Khuwab Ab Bhi Dekhti Hoon Dil K Kehne Se
Meri Aankhon Main Ab Bhi Zakhm,Dil Me Be Qarari Hai

Suno Ye Raz Bhi Sun Lo Ke Dil Ka Khel Jitna Tha
Ye Bazi Tum Ne Jiti Hai,Hamesha Hum Ney Hari Hai

Suno Tum Sath Rehte Thay Meri Har Ek Sans Main
Tumhare Naam Karti Hoan Jahan Jitni Guzari Hai

Suno Aankhon Se Parh Lena Wo Sari An Kahi Batain
Koi Pochay To Keh Dena,Bohat Hi Razdari Hai

Suno Palkon Pe Jitne Khuwab The Unko Utha Lena
Meri Aankhon Pe In Ka Bojh Meri Taqat Sey Bhari Hai

Suno Hum Lotne Wale Nahi ,Sab Keh Lo Sun Lo Aaj
Bohat Hi Door Jana He,Barri Lambi Udaari Hai

Suno Ye Waqt-E-Rukhsat Hai,Suno Ye Hurf-E-Aakhir Hai
Suno Ye Dard Hijar Ka Har Eik Hijrat Se Kaari Hai

· 1 Like · Jun 02, 2017 at 01:06
Category: sad
 
Poetry / Sad

Muzammil Shahzad

Mai Ne Roka Bhi Nahi Wo Thehra Bhi Nahi

Mai Ne Roka Bhi Nahi Wo Thehra Bhi Nahi
hadsa kia tha jisy dil ne bhulaya bhi nahi

jany walon ko kahan rok saka hay koi?
tum chaly ho to koi roknay wala bhi nahi

Mein to sadiyon ka safar kar k yahan pounchi thi
tu ne monh pher ke mujh ko dekha bhi nahi

ek musafir hai jisy teri talab hai kab se
Ehtraman tery koochay se guzarta bhi nahi

· 1 Like · Jun 01, 2017 at 19:06
Category: sad
 
Poetry / Sad

Muzammil Shahzad

Ek Bewafa Se Aik Mulaqat Bohat Hai

Ek Bewafa Se Aik Mulaqat Bohat Hai
Jitna Diya Humnay Tera Sath Bohat Hai

Duniya Ko Dil Ke Daagh Dikhaon To Kis Tarah
Aye Zindagi Yeh Raaz Chupaon To Kis Tarah

Apni Tabahiyoon Mein Mera Haath Bohat Hai
Jitna Bhee Diya Humnay Tera Sath Bohat Hai

Toota Jo Dil Ka Aaina Tootay Sabhee Bharam
Hoti Hai Umar Pyaar Ki Jeenay Ke Liye Kamm

Marnay Ke Liye Dard Ki Raat Bohat Hai
Jitna Bhee Diya Humnay Tera Sath Bohat Hai

Ek Bewafa Se Ik Mulaqat Bohat Hai
Jitna Bhee Diya Humnay Tera Sath Bohat Hai.

· 1 Like · Jun 01, 2017 at 13:06
Category: sad
 

Muzammil Shahzad

Gender :
Country : Pakistan

Followers : 0  
Total Updates : 3186
Member Since : Aug 24, 2012

More Details

Educaiton : Bachelors
Religion : Islam
Caste : kashmiri butt
Language : Urdu
Coming Soon!


This user has not uploaded any photo.
Coming Soon!
Sky Racers - Dubai
Posted by Interesting Videos
Posted on : Oct 10, 2017

Random Post

Muzammil Shahzad Photos

New Pages at Social Wall

New Profiles at Social Wall

Connect with us


Facebook

Twitter

Google +

RSS