Please Login to Send Message.

Muzammil Shahzad

From : Pakistan
Followers : 0   Total Updates : 3186
Member Since : Aug 24, 2012
Poetry / Sad

Muzammil Shahzad

Dil Ki Baat Laboon Per La Kar

Dil ki baat laboon per la kar ab tak hum dukh sehtay hein
Hum ne suna tha es bastii mein dil walay bhi rehtay hein

Beet gaya sawan ka maheena, mausam ne nazrein badleen
Lakin inn pyaari ankhon se ab tak aansoo behtay hein

Ik hamein aawarah kehna koi bara ilzaam nahi
Duniya walay dil waloon ko aur bohat kuch kehtay hein

Jin ki khatir shehar bhi chora jin ke liye budnaam hoe
Aaj wohi hum se beganay beganay se rehtay hein

· 1 Like · May 16, 2017 at 06:05
Category: sad
 
Poetry / Love

Muzammil Shahzad

Bahut C Besabab Baatain

Bahut c Besabab Baatain

Faqt Tamheed Hoti Hain

Jo Aksar Tumse Kehta Hun

Suno
Aur Kaise Ho ?

Suno

Sardi Bahut Hai Nan?

Naya Mosam To Acha Hai

Chalo Acha ! Main Chalta Hun

"Dubara Phir Milen Gay

Ye Saari Besabab Batain

Faqat Tamheed Hoti Hain

Aur es Tamheed Main Jana

Guzzar Jaate Hain Sab
Lamhe

Guzar Jaate Hain Jab
Lamhe

To Phir Main Sochta Hun

K

Zara C Baat Hi To Hai

Tumhain Jaldi Se Keh Dun Ga

Mujhe Tumse Mohabbat Hai!!

· 2 Like · May 15, 2017 at 17:05
Category: love
 
Advertisement
Poetry / Sad

Muzammil Shahzad

Raat Ka Aakhri Pehar

Raat Ka Aakhri Pehar Tha!

MuJh Se Chand Ne Kaha'

Humnasheen Alvida'

MuJh Ko Neend Aa Rahi Hai'

Kal Milain Ge isi Jagah'

Main Sun Kar Muskura Diya

Us ko Batla diya

Jaanay walay Lottay nahi, Tum nahi aao ge

Mujhe hai yaqeen

Meri bat sun kar woh ruk gaya

Aur kehne laga

Tum se wada karoon phir poora na kron

Aisa mumkin nahi

Sun aey Humnasheen

Main CHAND Hoon

Insaan Nahi!

· 1 Like · May 15, 2017 at 11:05
Category: sad
 
Poetry / Sad

Muzammil Shahzad

Gham E Firaaq Sey Pehlay Shab E Visaal Key Baad

gham e firaaq sey pehlay shab e visaal key baad
hai aur kya jisay dekhien teray jamaal key baad

tamam umr katti intezar mein apnii
koii bhi dukh na milla phir teray malal key baad

jawaab mil gya mujhey teri khamoshi sey
tumharey lafz kyoun khoye meray sawaal key baad

tumharey meray taaluq pey youn khizaan chaie
kabhi urooj nahii hai jisay zawaal key baad

main teri yaad key chehray ko dhaanp doon lekin
bachay ga kya meri jholi mein es kamaal key baad

wo ab kii baar milla es qadar takaluf sey
ke kuch bhii na pooch paya main us sey haal key baad

· 1 Like · May 15, 2017 at 00:05
Category: sad
 
Poetry / Sad

Muzammil Shahzad

Muhabbaton Ke Safeer Ban Kar Jo Chahaton Ke Naqeeb Banna

Adhoore khawabon k jafa ki rut main bahaal rakhna hisaab hoga

Sunehrey jazbon ki qadar karna nafraton mein waqar rakhna
Andhair nagri mein dil jala ke khayal rakhna hisaab hoga

Muhabbaton ke safeer ban kar jo chahaton ke naqeeb banna
Raah e wafa mein na tum kisi se malaal rakhna hisaab hoga

Zamaane bhar ki yeh talkhiyan kyun,yeh jabar kaisa yeh sabar kaisa
Mere liye tum bas apne lab pe Sawal rakhna hisaab hoga
khasta kaghaz sambhaal rakhna hisaab hoga
Wafa ke rishtey

· 2 Like · May 14, 2017 at 13:05
Category: sad
 
Poetry / Sad

Muzammil Shahzad

Mujhay Aksar Woh Kehti Thi Mohabbat Kuch Nahi Hoti

mujhay aksar woh kehti thi mohabbat kuch nahi hoti
hijr ka khauf be matlab vasl k khawab be maani
koi soorat nigahon main kahan din raat rehti hay
usay kyun khamoshi kahiye k jis main baat rehti hay
yeh aansoo be zuban aansoo bhala kia bol saktay hain
kahan dil main kisi ki yaad se toofaan uthtay hain
kahan palkon k saaye main nami din raat rehti hay
kahan hoti hain woh aankhain jahan barsaat rehti hay
mujhay aksar woh kehti thi mohabbat kuch nahi hoti
magar jab aaj barson baad main ne us ko dekha hay
k us ki jheel aankhon main hijr ka khauf rehta hay
vasl k khawab rehte hain wahan barsaat rehti hay
yun lagta hay kayee raaton se woh soyee nahi shayad
yun lagta hay kisi ki yaad ab din raat rehti hay
or us ki narm palkon k haseen saye bhi geelay hain
or us ki khamoshi aisi k jis main baat rehti hay
mujhay ab woh nahi kehti mohabbat kuch nahi hoti
keh ab shayad mohabbat ki woh sab ramzain samajhti hay

· 2 Like · May 13, 2017 at 16:05
Category: sad
 
Poetry / Sad

Muzammil Shahzad

Mujhay Aksar Woh Kehti Thi Mohabbat Kuch Nahi Hoti

mujhay aksar woh kehti thi mohabbat kuch nahi hoti
hijr ka khauf be matlab vasl k khawab be maani
koi soorat nigahon main kahan din raat rehti hay
usay kyun khamoshi kahiye k jis main baat rehti hay
yeh aansoo be zuban aansoo bhala kia bol saktay hain
kahan dil main kisi ki yaad se toofaan uthtay hain
kahan palkon k saaye main nami din raat rehti hay
kahan hoti hain woh aankhain jahan barsaat rehti hay
mujhay aksar woh kehti thi mohabbat kuch nahi hoti
magar jab aaj barson baad main ne us ko dekha hay
k us ki jheel aankhon main hijr ka khauf rehta hay
vasl k khawab rehte hain wahan barsaat rehti hay
yun lagta hay kayee raaton se woh soyee nahi shayad
yun lagta hay kisi ki yaad ab din raat rehti hay
or us ki narm palkon k haseen saye bhi geelay hain
or us ki khamoshi aisi k jis main baat rehti hay
mujhay ab woh nahi kehti mohabbat kuch nahi hoti
keh ab shayad mohabbat ki woh sab ramzain samajhti hay

· 1 Like · May 13, 2017 at 10:05
Category: sad
 
Poetry / Sad

Muzammil Shahzad

Bohat Farsooda Lagte Hain Mujhe Ab Yaar Ke Kissey

Bohat farsooda lagte hain mujhe ab yaar ke kissey
Gul o gulzar ki batain lab o rukhsaar ke kisse,,

Yahan sab ke mukaddar main fakat zakhm e judai hai
Sabhi jhootay fasane hain wasal-e-yaar ke kisse,,

Bhala ishq-o-mohabbat se kis ka pait bharta hai
Suno ! tum ko sunata hoon mein karobar ke kisse,,

Mere ehbaab kehte hain yehi ik aeb hai mujh main
Sare deewar likhta hon main pasey deewar ke kisse,,

Main aksar es liye logon se ja kar khud nahin milta
Wohi bekaar ki batain ' wohi bekaar ke kisse!

· 1 Like · May 13, 2017 at 04:05
Category: sad
 
Poetry / Love

Muzammil Shahzad

Qurb K Na Wafa K Hote Hain

Qurb K Na Wafa K Hote Hain
Saray Jhagray Ana K Hote Hain

Baat Niyat Ki Sirf Hai Warna
Waqt Saray Dua K Hote Hain

Bhool Jate Hain, Mat Bura Kehna
Log Putlaay Khatta K Hote Hain

Wo Bazahir Jo Kuch Nahi Lagte
Un Se Rishtay Bala K Hote Hain

Wo Humara Hai es Tarah Se MOHSIN
Jaisay Banday Khuda K Hote Hain!



· 2 Like · May 12, 2017 at 22:05
Category: love
 
Poetry / Love

Muzammil Shahzad

Her Subha Ka Pehla Ujala Tairay Naam

Surkh Gulaab K Saare Mausam Tairay Naam
Her Subha Ka Pehla Ujala Tairay Naam

Teri Yaad Ka Behta Darya Mere Liye
Behti Jheel Main Phool Kanwal Ka Tairay Naam

Jitne Khowaab Allah Ne Mere Naam Likhe
Un Khowaboon Ka Raisha Raisha Tairay Naam

Tere Bina Jo Umer Beeti Beet Gayi
Ab Us Umer Ka Baaqi Hissa Tairay Naam

· 1 Like · May 12, 2017 at 14:05
Category: love
 
Poetry / Sad

Muzammil Shahzad

Koi Mausam Ho Dil Men Hai Tumhaari Yaad Ka Mausam

Koi Mausam Ho Dil MeN Hai Tumhaari Yaad Ka Mausam
Ke Badla Hi NahiN Jana Tumhaare Baad Ka Mausam

NahiN To Aazma Kar Dekh Lo, Kaise Badalta Hai
Tumhaare Muskuraane Se Dil-E-Na shaad Ka Mausam

KahiN Se Uss HabeeB Aawaaz Ki Khushbu Pukaare Gi
To Uss Ke Sath Badle Ga Dil-E-Barbaad Ka Mausam

Qafas Ke Baam-o-Dar MeN Roshani Si Aayi Jaati Hai
Chaman MeN Aa Geya Shaayed Lab-E-Aazaad Ka Mausam

Mere Shahr-E-ParishaN MaiN Teri Be Chain RaatoN MeN
Buhat Hi Yaad Karta HooN Teri Buniyaad Ka Mausam

Na Koi Gham KhizaaN Ka Hai Na Khawahish Hai BahaaroN Ki
Hamaare Sath Hai Amjad Kissi Ki Yaad Ka Mausam

· 1 Like · May 12, 2017 at 08:05
Category: sad
 
Poetry / Love

Muzammil Shahzad

Agar Koi Talash Karo To Mil Hi Jaye Ga

Agar koi talash karo to mil hi jaye ga
Magar kon hamari tarha tum ko chahy ga



Tumhein zaroor koi chahtoon say dekhay ga
Magar woh ankhein hamari kahan say laye ga



Tumharay sath yeh mosam gulabon jaisa hai
Tumharay bade yeh mosam bohat rulaye ga

· 1 Like · May 12, 2017 at 02:05
Category: love
 
Poetry / Sad

Muzammil Shahzad

Kahin Tum Apna Likha Badal Letay

Kahin Tum Apna Likha badal Letay
Tu Shayed Hum Bhi Apna qissa Badal Letay


Gar Hum Waqaie Kam Hosla Hotay Mohabbat Main
Marz Barhney Say Pehlay Hi Dawa Badal Letay


Tumharay Rah Badalney Ki, Jo Humain Pehlay Khabar Hoti
Bohat Pehlay Hum, Apna Faisla Badal Letay


Tumhain In Mousamon Ki, Kya Khabar Milti Agar Hum Bhi
Ghutan Key Khouf Say Ab o Hawa Badal Letay


Tumhari Tarah Jeenay Ka Hum Ko Hunar Aata Tu Shayed
Makan apna Wohi Rakhtey, Raasta Badal Letay


es Kahani Main Bhi Wohi Kirdar Thay Bas Faqat
Kabhi Chehra Badal Latey, Kabhi Qaba Badal Letay


Aaj Ye Halaat Nahi Hotay, Zindagi Bhi Sehel Hoti
Jo Hum Zid Na Kertay Apna Apna Raasta Badal Letay


Humesha Ki Tarah es Baar Bhi Hum Bol Uthay Warna
Gawahii Dainay Walay Waqiya Badal Letay


Bohot Dhundla Gaye Hain, Yaadon Ki Rim Jhim Main
Woh Mil Jata Tu Shayed Hum Bhi, Aaina Badal Letay

· 1 Like · May 11, 2017 at 19:05
Category: sad
 
Poetry / Sad

Muzammil Shahzad

Youn Hai Teri Talash Pe Ab Tak Yaqeen Mujhey

Youn hai teri talash pe ab tak yaqeen mujhey
jaise tu mil hi jayega phir se kaheen mujhey

maine to jo bhi dil mai tha chehrey pe likh diya
tu hai k aik baar bhi parhta naheen mujhey

dhalte hi sham toot para sar pe aasman
phir mera bojh le gaya zair e zameen mujhey

taabeer, jagti hui aankhon ko kya miley
ik khwab bhi tau shabb ne dikhaya nahi mujhey

kanda hai mera naam jahan aaj bhi "Naseem"
pehchantay nahi usii ghar k makeen mujhey

· 1 Like · May 11, 2017 at 13:05
Category: sad
 
Poetry / Sad

Muzammil Shahzad

Siyaah Hijr Gaya , Zard Intezaar Gaye

Siyaah hijr gaya , zard intezaar gaye
kisi ka dard gaya dard k hisaar gaye

udaas raat, khizaan humsafar,safar gumnaam
teray khayaal k mausam humain tou maar gaye

naa jaan bharakti hay apni naa raakh hotey hain
humain yeh kaisi museebat main tum utaar gaye

ajeeb dushman-e-jaan tha k bin laray jeeta
ajeeb jung thi hum jis main haar gaye

bohat hee thori see muhallat mili muhabbat ki
hum apna aap magar jaatey jaatey waar gaye

kisi k bhaijey huay aagayey thay dunya main
kisi say maangi hui zindagi guzaar gaye

na chaand atqa kisi jaa na badliyaan atkeen
hum uski raat k aangan main baar baar gaye!!

· 1 Like · May 11, 2017 at 07:05
Category: sad
 
Poetry / Relegious

Muzammil Shahzad

Mukamal Bas Khuda Ki Zaat Hoti Hai

Usay Kehna
Mukamal Kuch Nahi Hota

Milna Bhi Na Mukamal Hai
Judai Bhi Adhoori Hai
Yahan Aik Mot Poori Hai

Usay kehna

Udasi Jab Ragon Main
Khoon Ki Manind Utarti Hai
Bohat Nuqsan Karti Hai

Usay Kehna

Bisat-E-Ishq Main Jab Mot Hoti Hai
Dukhon K Sheher Main Jab Raat Hoti Hai

Mukamal Bas
KHUDA Ki Zaat Hoti Hai.

· 1 Like · May 10, 2017 at 23:05
Category: relegious
 
Poetry / Love

Muzammil Shahzad

Kuch Bhi To Nahi Hay

Maine Hmesha yhi chaha
K tumhen aisa tohfa paish krun
Jo sary jug se nirala ho
Jis men taron ki chamak
Gulabon ki mehak
Or jazbon ki dhanak shamil ho
Mgr Hmesha ki tarha ab bhi
Ae Achy Dost tumhary liye
Mere dareeda daman men
Dua k liye uthti
do Khali hathelion k siwa
kuch
bhi to
nahi
hay

· 1 Like · May 10, 2017 at 14:05
Category: love
 
Poetry / Sad

Muzammil Shahzad

Zindagi Ki Raahon Main

Zindagi Ki Raahon Main
Aik Lamha Lagta Hai
Dil Kise Pay Anay Main
Mujh Ko Bhi Mila Tha
Woh
Jis Ko Dekhtay Hi
Dil
Betahasha Dharka Tha
Mujh Se Keh Raha Tha
Woh
Tum Se Pyar Hai
Mujh Ko
Muskura Kay
Main Nay Bhi
Phool Le Lia Us Say
Haath Haath Main Le Kar
Pyar Kay Ata Karda
Aasman Pay Hum Dono
Chahtay Thay Sath
Urna
Aasman Pay Jeevan Bhar
Koi Urr Saka Hai
Kia
Haath Haath Se Chott Gia
Aik Sitara Jo Toota
Tab Khabar Hui
Mujh Ko
Aik Lamha
Lagta Hai
Dil Kay Toot Janay Main
Aur
Umar Lagtee Hai
Kirchian Uthanay Main

· 1 Like · May 10, 2017 at 08:05
Category: sad
 

Muzammil Shahzad

Gender :
Country : Pakistan

Followers : 0  
Total Updates : 3186
Member Since : Aug 24, 2012

More Details

Educaiton : Bachelors
Religion : Islam
Caste : kashmiri butt
Language : Urdu
Coming Soon!


This user has not uploaded any photo.
Coming Soon!
Musalman k Mushabah
Posted by Muzammil Shahzad
Posted on : Feb 14, 2016

Random Post

Muzammil Shahzad Photos

New Pages at Social Wall

New Profiles at Social Wall

Connect with us


Facebook

Twitter

Google +

RSS