Archives

Please Login to Send Message.

Muzammil Shahzad

From : Pakistan
Followers : 0   Total Updates : 3185
Member Since : Aug 24, 2012
Poetry / Love

Muzammil Shahzad

Tum Mohabbat Bhi Mousam Ki Tarah Nibhatay Ho

Tum Mohabbat Bhi Mousam Ki Tarah Nibhatay Ho
Kabhi Barastay Ho Kabhi Ak Boond Ko Tarsatay Ho

Pal Main Kehtay Ho Zamanay Main Faqat Teray Hain
Pal Main Izhaar -e- Mohabbat Say Mukar Jatay Ho

Bhari Mehfil Main Dushmano Ki Tarah Miltay Ho
Or Duaon Main Mera Naam Liye Jatay Ho

Dayaar -e- Ghair Main Mujh Ko Talash Kartay Ho
Milon Tu Pass Say Chup Chaap Guzar Jatay Ho

Laakh Mousam Ki Tarah Rang Badaltay Raho
Aaj Bhi Toot Kay Shiddat Say Humay Chahatay Ho

· 1 Like · May 03, 2017 at 15:05
Category: love
 
Jokes / Miscellaneous

Muzammil Shahzad

Roza

· 1 Like · May 03, 2017 at 10:05
Category: miscellaneous
 
Advertisement
Poetry / Sad

Muzammil Shahzad

Awaargi Main Lutf Kahan Ab Azaab Hai

Manzil Bhi Kho Chuki Hay Safar hi Nahin Raha
Meri Kisi Duaa Main Asar hee Nahin Raha

Jab Se Huyee Hai Dil Ko Khabar Hijar e Yaar Ki
Lafzon Ko Jornay Ka Hunnar hee Nahin Raha

Tu Kya Chala Gaya K Main sab kuch hi Kho Chuka
Manzil ko chhorh de K Safar hee Nahin Raha

Awaargi Main Lutf Kahan ab Azaab Hai
Par Kya Karoonga Loat K, Ghar hee Nahin Raha

Ginti K Din Hain Mout Main Lakin Ye Waqt Bhi
Kuchh aisey Tham Gaya Hai Guzar hee Nahin Raha

Dafna Do Mujhko Mout Se Pehle hii dosto
Ab mai Kisi Ka Jaan e Jigar hee Nahin Raha

· 1 Like · May 03, 2017 at 07:05
Category: sad
 
Poetry / Love

Muzammil Shahzad

Rooh K Ander Utar Kar Aaina Daita Hai Koun

khirkiyon ko khol karr taza hawa daita hai kaun
hath main barish k mausam ka pata daita hai koun

meri aankhain band hain aur dhyan k rastay khule
rooh k ander utar kar aaina daita hai koun

tum mujhe ye kon se waqton main aa kar mill gaye
umr k es morh par kise ko sada daita hai koun

koun hai jiss k liye ikk umr se be chain hoon
umr bhar ki be kali pal mai barha daita hai koun

koun hai jo raat bhar aawaz daita hai mujhey
aur din bhar apni khamoshi suna daita hai koun

koun hai jo khowab rakkh daita hai sooni aankh mai
nind mai bhi jagtey manzar dikha daita hai koun

koun hai jis key liye nazmain kahey jaati ho tum
es zamane mai kisi ko youn dua deta hai koun

· 1 Like · May 03, 2017 at 00:05
Category: love
 
Poetry / Love

Muzammil Shahzad

Kitabon Kay Panno Ko Palat Kay Sochti Hoon

Kitabon Kay Panno Ko Palat Kay Sochti Hoon
Yon Palat Jaye Meri Zindagi Tu Kia Baat Hay


Khowabon Main Roz Miltay Hain Jo
Haqiqat Main Mil Jaye Tu Kia Baat Hay


Kuch Matlab Kay Liye Dhoondti Hay Mujh Ko
Bin Matlab Jo Aa Jaye Tu Kia Baat Hay


Qatal Kar Kay Tu Sab Lay Jay Ge DIL Mera
Koii Baaton Say Lay Jaye Tu Kia Baat Hay


Jo Sharifon Ki Sharafat Main Baat Na Ho
Ak Sharabi Keh Jaye Tu Kia Baat Hay


Apnay Rehnay Tak Tu Khushi Don Sab Ko
Ager Kesi Ko Meri Mout Pay Khushi Mil Jaye Tu Kia Baat Hay

· 1 Like · May 02, 2017 at 17:05
Category: love
 
Poetry / Sad

Muzammil Shahzad

Us Ka Milna Na Milna Qismat Ki Baat Hay

Us Kay Bina Ab Chup Chup Sa Rehna Acha Lagta Hay
Khamoshi Say Dard Ko Sehna Acha Lagta Hay


Jis Hasti Ki Yaad Main Aansoo Barastay Hain
Samnay Us Kay Kuch Na Kehna Acha Lagta Hay


Mil Kar Us Say Bichar Na Jao Darta Rehta Hoon
es Liye Bas Dour Hi Rehna Acha Lagta Hay


Janta Hoon K Chahat Main Aansoo Hi Miltay Hain
Kuch Bhi Ho Ab es Zehar Ko Peena Acha Lagta Hay


Jee Chahay Sab Khushyan Lay Kar Us Ko Day Don
Us Kay Pyaar Main Sab Kuch Khona Acha Lagta Hay


Us Ka Milna Na Milna Qismat Ki Baat Hay
Pal Pal Us Ki Yaad Main Rona Acha Lagta Hay


Us Kay Bina Sab Khushyan Ajeeb See Lagti Hain
Ro Ro Kar Us Ki Yaad Main Sona Acha Lagta Hay

· 1 Like · May 02, 2017 at 11:05
Category: sad
 
Poetry / Love

Muzammil Shahzad

Kuch Door Hamaray Sath Chalo

kuch door hamaray sath chalo
ham dil ki kahani keh dain ge
samjhay naan jisay tum ankhon say
wo baat zubani keh dain gay
phoolon say jab honton par
ik shokh tabasum bikhray ga
dheeray say tumharay kaanon main
ik baat purani kah dain gay
izhar e wafa tum kia jano
iqrar e wafa tum kia jano
ham zikar karain gay ghairon ka
or apni kahani keh dain gay

· 1 Like · May 02, 2017 at 04:05
Category: love
 
Poetry / Sad

Muzammil Shahzad

Udaas Mousam Main Zard Patay

Udaas Mousam Main Zard Patay

Muntazir Hain Bahaar Teri

Na Janay Kitni Ruton Say Pyasay

Ye Dasht Tum Ko Bula Rahay Hain

Kabhi Tu Louto

Kabhi Tu Paltoo

K Zindagi Main Veeraniyaan Hain

Bina Tumharay Ye Mousamon Ki Addain Dekho

Kabhi Hansayain

Kabhi Rulayain

Tum Hi Kaho Ab Kia Karay Hum

Yaad Rakhay Ya Bhool Jaye

· 1 Like · May 01, 2017 at 22:05
Category: sad
 
Poetry / Sad

Muzammil Shahzad

Us Ko Kia Maloom K

Wo Tou Baarish Ki
Boondain Dekh Kr
Khush Hota Hy
Us Ko Kia Maloom k
Hr Girnay Wala Qatra
Paani Nahi Hota …

· 1 Like · May 01, 2017 at 16:05
Category: sad
 
Poetry / Sad

Muzammil Shahzad

Pyaar Humesha Dard Hi Deta Hay

Pyaar Tu Jis Haal Main Ho Dard Deta Hay

Kabhi Apno Ki Judaii Say

Kabhi Kisi Ki Be Wafai Say

Kabhi Adhoray Khowabon Say

Kabhi Jhootay Waadon Say

Pyaar Humesha Dard Deta Hay

Kabhi Roh Ki Tarap Ban Kar

Kabhi Dilon Ki Kasak Ban Kar

Kabhi Tamasha Ban Kar

Kabhi Bharosa Chura Kar

Pyaar Humesha Dard Hi Deta Hay

· 1 Like · May 01, 2017 at 09:05
Category: sad
 
Poetry / Love

Muzammil Shahzad

Kaala Baadal

Ye Raat Bhi Beet Chuki Hay

Suba Ka Taara Ubhar Raha Hay

Mager Ufaq Pay Wo Kaala Baadal

Gai Hoi Shaam Say Abhi Tak

Na Janay Kia Baat pochta Hay

Jaha Ruka Tha Wahi Khara Hay

· 1 Like · May 01, 2017 at 03:05
Category: love
 
Poetry / Sad

Muzammil Shahzad

Khatm Ye Rooh Ka Aazaar Krna Chahta Hun

khatm ye rooh ka aazaar krna chahta hun
mein apni zaat ka inkaar krna chahta hun

mujhey khabar hae terey raastey ka pathar hun
so teri raah ko hamwaar krna chahta hun

wafa k zikr se honay lagi hae wahshat si
ab apney jhoot ka iqraar krna chahta hun

mein apni ghaat me betha hua hun muddat se
per aaj khul ke zra waar krna chahta hun

mein terey saamney aya hun le kr aaina
ye dekh tujh ko shramsaar krna chahta hun

meri majaal kahan aap ko ghalat keh dun
bus ik khyaal ka izhaar krna chahta hun

agar gunah yehi hae ke sach kaha mein ne
to phir gunaah bar bar krna chahta hun

· 1 Like · Apr 30, 2017 at 20:04
Category: sad
 
Poetry / Love

Muzammil Shahzad

Mohabbat Hoti Hai Kya Mohabbat Kar K Dekh Laina

Kabhi chaho gay to chahat se bulain gy tumhein
dard-e-dill hota hai kya ye dikhain gay tumhein

mohabbat hoti hai kya mohabbat kar k dekh laina
phir mere pass aana kuch or bataain gy tumhien

kabhi na aain ankh mein aanso to aisa karna
ek shaam mere pass aana bohat rulain gay tumhein

har pal raho gay bechain mohabbat mein
khayal ban kar pal pal satain gay tumhein

pochtay ho jo zinda rahne ka sabab
chalo kisi roz zindagi se milwain gay tumhein

· 1 Like · Apr 30, 2017 at 12:04
Category: love
 
Poetry / Love

Muzammil Shahzad

Chehra Mera Tha Nigaahain Uski

CHEHRA MERA THA NIGAAHAIN USKI

KHAMOSHI MEI BHI WO BAATAIN USKI

MERAY CHEHRAY PAY GHAZAL LIKHTI GAEEN

SHAIR KEHTI HUI AANKHEN USKI

SHOKH LAMHON KE PATA DENAY LAGEEN

TAIZ HOTI HUI SAANSEN USKI

AISAY MOUSAM BHI GUZARAY HUM NAY

SUBHAIN JAB APNI THEEN SHAAMEN USKI

KHUD PAY BHI KHULTI NA HO JISKI NAZAR

JAANTA KAUN ZUBANAIN USKI

NEEND ES SOCH SAY TOOTI AKSAR

KIS TARHA KATTI HAIN RAATEN USKI

DOOR REH KAR BHI SADAA REHTI HAIN

MUJH KO THAMAY HUAY BAANHAIN USKI

· 1 Like · Apr 30, 2017 at 05:04
Category: love
 
Poetry / Sad

Muzammil Shahzad

Anchal Teri Yadon Ka Bighoo Deti Hai Barish

Anchal teri yadon ka bighoo deti hai Barish
Sochon pe jami gard ko dho deti hai Barish

Hans hans ke sunati hai jahan bhar k fasaney
Poochon tere baray me to ro deti hai Barish

Lagtey hain paray meri aankhon ko manazer
Hairat mere ehsas ko wo deti hai Barish

· 1 Like · Apr 29, 2017 at 23:04
Category: sad
 
Poetry / Love

Muzammil Shahzad

Jab Sajan Baat Karay Inkaar Nhi Kartay

TU HE MERA HEERA HAI
DUNIYA K SAMANDAR MEI
TERA PYAR JAZEERA HAI

JUGNU K SITARA THA
TERAY BAAM PAY JO CHAMKA
WOHI NAAM HAMARA THA

DARIYAOON K DHAARAY HAIN
TUM MANO KEH NA MANO
HUM DIL SAY TUMHARAY HAIN

PHOOLON KI KAYARI HAI
TERAY DIL KI KHUSHI SAJNA
HAMEN JAN SAY PYARI HAI

QISSAY NHI DOHRATAY
JO LAMHAY GUZAR JAAEYN
WO MURR K NHI AATAY

DUNIYA MERAY SATH CHALAY
HER CHEEZ THEHAR JAAEY
JAB TUM SAY BAAT CHALAY

TAKRAAR NHI KARTAY
JAB SAJAN BAAT KARAY
INKAAR NHI KARTAY

· 1 Like · Apr 29, 2017 at 11:04
Category: love
 
Poetry / Love

Muzammil Shahzad

Bohat Acha Sa Lagta Hai

ACHA SA LAGTA HAI

WO TERA KHAFA HO JANA

AUR MUJHAY NA BATANA

ACHA SA LAGTA HAI

BOHAT ACHA SA LAGTA HAI

PHIR MUJHAY NAZARANDAAZ KARNA

AUR DOOSRON SAY BAATEN KARTAY JANA

ACHA SA LAGTA HAI

BOHAT ACHA SA LAGTA HAI

WO TERA NAZAR NA UTHAANA

AUR CHUP CHAAP MERI SAARI BAATEN

SUNTAY JANA

AUR PHIR

TERA AIK DUM SAY MAAN JANA

AUR ACHI ACHI BAATEN KARNA

ACHA SA LAGTA HAI

BOHAT ACHA SA LAGTA HAI

· 1 Like · Apr 29, 2017 at 04:04
Category: love
 
Poetry / Love

Muzammil Shahzad

Aaj Jab Barish Hui

AAJ JAB BARISH HUI

YEH BHI IK KHAYAL AAYA

KYUN NA IK BAADAL KO

RAAZADAN BANAAUN MEIN

JO BHI MUJH PAR GUZRI HAI

USKO SUB SUNAOON MEIN

TUM SAY JO BHI KEHNA HAI

USKO SUB SUNAOON MEIN

PHIR TUMHARAY DIL PAR WO

AAJ HE BARAS JAAEY

· 1 Like · Apr 28, 2017 at 22:04
Category: love
 

Muzammil Shahzad

Gender :
Country : Pakistan

Followers : 0  
Total Updates : 3185
Member Since : Aug 24, 2012

More Details

Educaiton : Bachelors
Religion : Islam
Caste : kashmiri butt
Language : Urdu
Coming Soon!


This user has not uploaded any photo.
Coming Soon!
Shopper's True Story
Posted by iJunoon
Posted on : Dec 16, 2014

Random Post

Muzammil Shahzad Photos

New Pages at Social Wall

New Profiles at Social Wall

Connect with us


Facebook

Twitter

Google +

RSS