Poetry / Love

Saans Tak Nahin Lete Hain Tujhe Sochte Waqt

Saans Tak Nahin Lete Hain Tujhe Sochte Waqt
Hum Ne es Kaam Ko Bhi Kal Pe Utha Rakha Hai

Rooth Jaate Ho To Kuch Or Haseen Lagte Ho
Hum Ne Ye Soch K Hi Tum Ko Khafa Rakha Hai

Tum Jise Rota Hua Choar Gaye The Ek Din
Hum Ne Us Shaam Ko Seeney Se Laga Rakha Hai

Chain Lene Nahin Deta Ye Kisi Tor Mujhe
Teri Yaadon Ne Jo Toofaan Utha Rakha Hai

Jaane Waale Ne Kaha Tha K Wo Laut Aaey Ga Zaroor
Ek Isi Aas Pe Darwaaza Khula Rakha Hai

Tere Jaane Se Jo Ek Dhool Uthi Thi Ghum Ki
Hum Ne Us Dhool Ko Aankhon Mein Basa Rakha Hai

Mujh Ko Kal Shaam Se Wo Bohat Yaad Aane Laga
Dil Ne Muddat Se Jo Ek Shaks Bhula Rakha Hai

Aakhri Baar Jo Aaya Tha Mere Naam Mohsin
Mein Ne es Khat Ko Kalejey Se Laga Rakha Hai

· 1 Like · Jun 30, 2017 at 06:06
Category: love
 
Poetry / Love

Yeh Hade Na Toor Dena, Mairay Dairay Mein Rehna

Yeh hade na toor dena, mairay dairay mein rehna
mujhay apnay dil mein rakhna, mairay hafzay mein rehna

mairay lams mein samana, meri khushboon mein basna
meri guftagu mein hona, mairay zoaq mein rehna

mera hukum khud sunana, meri mohar khud lagana
mairay mashwaron mein hona, mairay faislay mein rehna

kabhi dhoop kay safar mein mera sath chhor jana
kabhi mera aks ban kar mairay aaiine mein rehna

kabhi manzlon ki soorat meri dustarus say bahar
kabhi sang mail ban kar mairay rastay mein rehna

· 1 Like · Jun 29, 2017 at 17:06
Category: love
 
Poetry / Love

Aghaz E Ishq Jab Tera Anjaam Aay Ga

Aghaz-E-Ishq Jab Tera Anjaam Aay Ga
Kia Kia Na Apni Zaat Par Ilzaam Aay Ga

Kesi Aziyatoon Se Guzar Jaay Ga Ye Dil
Kis Dukh Se Mere Lub Pay Tera Naam Aay Ga

Jaa To Raha Hai Dil Tere Iqraar Ki Taraf
Main Jaanta Hoon Lout Key NaKaam Aay Ga

Honton Ka Lamas De Key Mujeh Os Ny Ye Kaha
Lay Jaa Ise Safar Mein Tere Kaam Aay Ga

Jub Mustahib Hoga Duaon Ka Silsila
Ik Aur Dasht-E-Hijr Mere Naam Aay Ga

· 1 Like · Jun 29, 2017 at 11:06
Category: love
 
Poetry / Love

Manzil Ka Shoq Tha Na Nighain Safar Pe Theen

manzil ka shoq tha na nighain safar pe theen
bus awargi hi karna mera kaam ho gia

shaher_e_tamam main main koi us sa tha na dana
kar ke muhabat wo bhi badnaam ho gia

rafta rafta her ada qatil si ho gaye
pehle kali phir gulaab phir wo jaam ho gia

youn to marasim the zamane se us ke shakir
jab hum ne kia sawal tab wo raam ho gia

· 1 Like · Jun 28, 2017 at 09:06
Category: love
 
Poetry / Love

Kabhi Tm Khud B Aa K Dekho Ye Manzar Sham Se Pehly

kabhi tm khud b aa k dekho ye manzar sham se pehly
ye lab kesy larazty hain tmhary nam se pehly
nhi mumkin main raah e shoq se palat jaon
pArinday to nhi lotay kbi ghar sham se pehly
nahi malum kb se hai taluq ustawar apna
tmhara aks tha dil main tmhary naam se pehly....

· 1 Like · Jun 28, 2017 at 02:06
Category: love
 
Poetry / Love

Shaam Ho Jaam Ho Subuu Bhii Ho

shaam ho jaam ho subuu bhii ho
tujh ko paane kii justajuu bhii ho

dil se dil ki kahaaniyaaN bhi sune
aaNkhon aaNkhon me guftaguu bhi ho

jheel sii gaharii sabz aaNkhon me
Duub jaane kii aarazuu bhii ho

sirf tere badan ki shamaa jale
or aNdheraa saa chaar soo bhi ho

· 1 Like · Jun 26, 2017 at 12:06
Category: love
 
Poetry / Love

Har Tarannum Me Mile He Teri Awaz Mujhe

har tarannum me mile he teri awaz mujhe
ek hii naghma sunata hai har ek saaz mujhe

ishq ka bhi koi anjaam hua karta hai
ishq me yaad hai aghaz hi aghaz mujhe

jaise virani se Takaraa ke palatti hai sadaa
dil ke har goshe se aa_ii terii aavaaz mujhe

jo kisi ko bhi na chaahe usay chahana
umar bhar apni muhabbat par raha naaz mujhe

· 1 Like · Jun 26, 2017 at 06:06
Category: love
 
Poetry / Love

Soz E Dil Bhi Nahi Sukoon Bhi Nahi

soz-e-dil bhi nahi sukoon bhi nahi
zindagani vabaal yuun bhi hai

teri Khowish or es qadar Khowish
vajah-e-haasil sahii junoon bhi hai

Khush bhi hai iltafaat-e-dost se dil
Gairat-e-ishq sar nigo bhi hai

jal ke bujh bhi gai Zia aksar
aag siine men joon ki tou bhi hai

· 1 Like · Jun 25, 2017 at 16:06
Category: love
 
Poetry / Love

Ab Un Say Khayaalon Mein Hi Ho Jaati Hein Baaten

gum shudah mohabbat ke khwaaboN ki tarah hai
woh rooh ke sehraa mein saraabon ki tarah hai

woh zeest kay maktab meiN nisaaboN ki tarah hai
paRhta hooN usay roz kitaaboN ki tarah hai

ab un say khayaaloN meiN hi ho jaati heiN baateN
go beech meiN parda sa hijaaboN ki tarah hai

us shakhs kay lehjay meiN sheeshe ki khanak hai
rag rag meiN utarta hai sharaaboN ki tarah hai

us shakhs kay paikar meiN hai shaakhoN ki lachak si
us shakhs ka chehraa bhi gulaaboN ki tarah hai

jo wasl ki raatoN meiN hai ik maah-e-munawwar
furqat meiN wohi shakhs azaboon ki tarah hai

· 1 Like · Jun 25, 2017 at 09:06
Category: love
 

Random Post

New Pages at Social Wall

New Profiles at Social Wall

Connect with us


Facebook

Twitter

Google +

RSS