Poetry / Love

Tare Naam Zindgani Hay Yehi Meri Kahaani

Yeh ajeeb marhalay hain, Yeh ajeeb silsilay hain
ke jahaaN say hum chalay thay, ussi moR pay kharay hain

Wohi raasta hamara hay wohi dagar humari
jo na jaaey manziloN tak yeh wohi to raastay hain

rahay sath sath har pal na gumaan hoa yeh mil kar
jissey dostii thay kehtay woh kuch aur silsilay hain

ye saraab to nahi he koi khawaab to nahi hay
zara aap hi bataain yeh jo hum mein hain fasilain

nahiN mumkin uss ko paana tou phir uss say kyuN milaiN hum
karaiN justuju bhii kyuN hum issi soch meiN paRRay haiN

tare naam zindgani hay yehi meri kahaani
meri zindagi me roshan teri yaad ke diye hain

meri qurbatoon se pehlay, zara juratoon say pehlay
merii jaan soch lenaa keh yeh raastay karray haiN

· 1 Like · Jun 25, 2017 at 03:06
Category: love
 
Poetry / Love

Mujhay Pyaar Krna Sikha Gya Mera Dost Kitna Zaheen Tha

Usey barishon ne chura lia, K woh badlon ka makeen tha

kabhi murr k ye bhi to daikhta k wajood mera zameen tha

Wohi aik sach tha k es k baad sari tohmatain jhoot hain

Meray dil ko poora yakeen hy wo Mohabatoon ka ameen tha

Usy shoq tha k kisi jazeeray pr us k naam ka phool ho

Mujhay pyaar krna sikha gya mera dost kitna zaheen tha

Kabhi sahiloon pr phiro gy tu tumhain seepiyan ye bataain gi

Meri aankh mein jo simat gya wo ashk sb sy haseen tha

· 1 Like · Jun 24, 2017 at 02:06
Category: love
 
Poetry / Love

Apni He Rawani Men Behta Nazar Aata Hai

apni he rawani men behta nazar aata hai
yeh shehar bulandi say darya nazar aata hai


deta hai koi apnay daaman ki hawa isko
shola sa meray dil men jalta nazar aata hai


us haath ka tohfa tha ik daagh meray dil par
wo daagh bhi ab lekin jata nazar aata hai


aankhon kay muqabil hai kesa yeh ajab manzar
sehra to nhi hai lekin sehra nazar aata hai


ik shakal see banti hai her shab meri neendon men
ik phool sa khowaboon men khilta nazar aata hai


aankhon nay nhi dekhi us jism ki ranaie
yeh chaar taraf jis ka saya nazar aata hai


darya ko kinaray say kya dekhtay rehtay ho
ander say kabhi dekho kesa nazar aata hai

· 1 Like · Jun 22, 2017 at 12:06
Category: love
 
Poetry / Love

Es Dil Nay Teray Bad Mohabbat Bhi Nahi Ki

es DIL Nay Teray Bad Mohabbat Bhi Nahi Ki
Hadd Ye Keh Dharaknay Ki Jasarat Bhi Nahi Ki

Tabeer Ka Aizaaz Howa Hay Usay Hasil
Jis Nay Meray Khowabon Main Sharakat Bhi Nahi Ki

Ulfat Tu Bari Baat Hay Hum Say Tu Sar -e- Shehar
Logon Nay Kabhi Dhang Say Nafrat Bhi Nahi Ki

Aadab -e- Safar Ab Wo Sikhetay Hain Jinho Nay
Do Chaar Qadam Tay Ye Musafat Bhi Nahi Ki

Kia Apni Safai Main Bayaan Detay Ke Hum Nay
Na Karda Gunahoon Ki Wazahat Bhi Nahi Ki

Khamosh Tamashai Kay Manind Sar -e- Bazam
So Zakham Sahay Dil Pay, Shikayat Bhi Nahi Ki

Us Ghar Kay Sab Hi Log Mujhay Chornay Aaye
Dehleez Talak Us Nay Ye Zehmat Bhi Nahi Ki

Us Nay Bhi Ghulamon Ki Safoon Main Humay Rakha
es DIL Pay Kabhi Jis Nay Hakomat Bhi Nahi Ki

· 1 Like · Jun 22, 2017 at 05:06
Category: love
 
Poetry / Love

Chehra Mera Tha Nigaheen Us Ki

Chehra Mera Tha Nigaheen Us Ki
Khamoshi Main Bhi Wo Baatein Us Ki


Meray Chehray Pay Ghazal Likhti Gaii
Sher Kehti Hoi Aankhain Us Ki


Shokh Lamhon Ka Pata Denay Lagi
Taiz Hoti Hoi Saansay Us Ki


Aisay Mousam Bhi Guzara Hum Nay
Subhain Apni Thi Shamain Us Ki

Dehaan Main Us Kay Yeh Aalam Tha Kabhi
Aankhay Mahataab Ki Yaaday Us Ki


Faislay Mouj -e- Hawa Nay Likhay
Aandhiyaan Meri Baharain Us Ki


Neend us Soch Say Tooti Aksar
Kis Tarah Kaati Hain Raatain Us Ki


Door Reh Kar Bhi Sada Rehti Hain
Mujh Ko Thamay Hoe Bahain Us Ki

· 1 Like · Jun 21, 2017 at 08:06
Category: love
 
Poetry / Love

Yeh Pichlay Ishq Ki Baatein Hein

Yeh pichlay ishq ki baatein hein
jab aankh mein khwaab damaktay thay
jab dil mein daagh chamaktay thay
jab palkein sheher ke raston main
ashkon ka noor lutati thein
jab saansein ujlay chehron k
tan-man mein phool sajati thein
sochon mein bhanwar parr jaatay thay
jab aik talatum rehta tha

apnay beant khayalon mein
har ehad nibhanay ki qasmain
khat khoon se likhnay ki rasmain
jab aam thein hum dil walon mein
ab apni ujri aankhon mein
jitni roshan si raatein hein
us umer ki sab soughatain hein
jis umer ke khwaab khayaal huye
woh pichli umer thi beet gai
woh umer beetay saal huye

ab apni deed ke rastay mein
kuch rang hai guzray lamhon ka
kuch ashk ki baratain hein
kuch bhoolay bisray chehray hein
kuch yaadon ki barsaatein hein
yeh sab pichlay ishq ki baatein hein

· 1 Like · Jun 20, 2017 at 07:06
Category: love
 
Poetry / Love

Usey Barish Pasand Hai

Usey Barish pasand Hai.

Mujha Barish Mein Wo…

Usey Hasna Pasand Hai..

Mujhe Hastey Hoe Wo…

Usey Bolna Pasand Hai..

Mujha Bolti Hoi Wo…

Usey Sub Kuch Pasand Hai…

Aur Mujha Bus Wo….

· 1 Like · Jun 20, 2017 at 00:06
Category: love
 
Poetry / Love

Yeh Jo Waqt He Meray Shehar Par Kayi Mosmoon Sy Ruka Hoa

Yeh jo waqt he meray shehar par kayi mosmooN sy ruka hoa
issay izn day k safar karay
issay hukm day k chal parray, meray aasmaaN say door ho
koyi chand chehra kushaa karay, koyi aaftaab zahoor ho
k nawa-e-chashm-e-kheyaal mein woh jo khwaab thay, woh dhuaaN hoye
woh jo aag thi woh naheen rahi, jo yaqeen thay woh gumaaN hoye
koyi dhund hai jissay dekhtay meri aankh baraf si ho gayi
woh ibarat-e-sir-e-loh-e-dil, kissi rabt say naheen aashna
k jo roshni thi kitaab mein wohi harf harf si ho gayi
koyi gardbaad uthay kaheen, kissi zalzalay ki namood ho
meri aankh mein yeh jo raat hai, meri umr si, issay taal day
meray dasht-e-raig-e-malaal ko kissi khushkhabri ka ghazal day
yeh falk pe jitnay nujoom hain teray hukm kay hain yeh muntazir
woh jo subh-e-nau ka naqeeb ho meri simt us ko uchhaal day

· 1 Like · Jun 19, 2017 at 17:06
Category: love
 
Poetry / Love

Zindgi Kay Mailay Main

zindgi kay mailay main,khowishon kay railay main
tum say kya kahain jana!
es qadar jhamailay main
waqt ki rawani hai,bakht ki girani hai
sakht bay zameeni hai,sakht la makani hai
hijr kay samandar main
takht aur takhtay ki ek hi khani hai
Tum ko jo sunani hai
Baat go zara si hai
Baat umar bhar ki hai
Umar bhar ki baatain kab do gharri main hoti hain?
dard kay samandar main
un ginat jaziray hain,bay shumar moti hain
aankh kay dareechay par tum nay jo sajaya tha
Baat us diay ki hai,baat us gilay ki hai
jo lahoo ki khilwat main chor ban kay aata hai
lafz ki fasiloon par toot toot jata hai
zindgi say lambi hai,baat ratjagay ki hai
PYAAR KARNAY WALON KO EK NIGAH KAFI HAI
ho sakay to sun jaao ek din akailay main
Tum say kaya kahain jana!es qadar jhamailay main!!!

· 1 Like · Jun 19, 2017 at 10:06
Category: love
 

Random Post

New Pages at Social Wall

New Profiles at Social Wall

Connect with us


Facebook

Twitter

Google +

RSS