Poetry / Love

Haq Mehar

Kehne laga kon hai tera jeewan sathi?
Mein ne kaha yadain hain kisi ki.

Kehne laga kis ne parhaya tha tera Nikah?
Mein ne kaha mustaqbil ke khwabon ne.

Wo bola kesi guzar rahi hai zindagi?
Mein bolne hi wala tha k aankhon se aansu chalak paray.

Wo bola usay chhor kyun nahi deta?
Mein ne kaha
HAQ MEHAR mein apni Zindagi likhi huwi hai...!

· 1 Like · Dec 27, 2017 at 19:12
Category: love
 
Poetry / Love

Wo Mujhse Pooch Raha Tha

Wo mujhse pooch raha tha..
Tumhara mujhse kya rishta ha..?

Main usay kese samjhati..
kay mera aur uska rishta..

lafzon ki lughat mai hai hee nahee..
Mera us se rishta bus itna ha..

Kay agar main aankhen band karun..
Tau mujhko bus wo hee dkhta ha..

Kay agar main aankhen kholun..
Tab bhee wo hee dikhta ha..

Usay ja kay itna batla do..
KAy mera khud say..

aur uska us say jo rishta ha..
Humara Bus Itna He Rishta ha..!!!!!!

· 1 Like · Dec 27, 2017 at 00:12
Category: love
 
Poetry / Love

Ek Aas

Ek aas…Ek ehsas…Meri soch…
Or Bus TUM…!
Ek sawaal…Ek majaal…Tumhara khayaal
Or Bus TUM…!
Ek baat…Ek sham…Tumhara saath
Or Bus TUM…!
Ek dua…Ek faryaad,Tumhari yaad
Or Bus TUM…!
Mera junoon…Mera sukoon…
Bus TUM…Or Bus TUM...!

· 1 Like · Dec 26, 2017 at 17:12
Category: love
 
Poetry / Love

Sans Lena Bhi Kaisi Aadat Hai

sans lena bhi kaisi aadat hai
jiye jana bhi kya ravayat hai
koi aahat nahi badan mein kaheen
koi saya nahi hai aankhon mein
behis hain, chalte jate hain
ik safar hai jo bahata rehta hai
kitne barason se, kitni sadiyon se
jiye jate hain, jiye jate hain
aadaten bhi ajeeb hoti hain...!

· 1 Like · Dec 26, 2017 at 11:12
Category: love
 
Poetry / Love

Kuch Likhna Chahati Hoon

Kuch Likhna Chahati Hoon
Sochti Hoon Kya Likhoon?

Pholoon Ki Woh Mehakti Khushboo
Barish Ka Woh Bhega Pani
Aur Hawa Mein Thi Jo Rawani
Kya Uss Mousam Ka Khumaar Likhoon?

Kuch Likhna Chahati Hoon
Sochti Hoon Kya Likhoon?
Thi Chehrey Par Unkey Masomiyat
Aankhoon Mein Thi Thori Shararat
Aur Baatoon Mein Woh Nazakat
Kya Unka Rangeen Mizaaj Likhoon?

Kuch Likhna chahati Hoon
Sochti Hoon Kya Likhoon?
Unka Aaker Muskurana
Jo Rooth Jaon To Manana
Jate Jate Phir Rulana
Kya Unka Yeh Andaaz Likhoon?


Kuch Likhna Chahati Hoon
Sochti Hoon Kya Likhoon?
Yaadoon Mein Unki Ashk Bahana
Her Shaam Ek Diya Jalana
Soi Umeed Ko Roz Jagana
Kya Unka Yeh Intezar Likhoon?


Kuch Likhna Chahati Hoon
Sochti Hoon Kya Likhon..?

· 1 Like · Dec 25, 2017 at 16:12
Category: love
 
Poetry / Love

Mujhey Har Kaam Se Pehlay

Mujhey har kaam se pehlay
Har sehar har shaam se pehlay
Yehi ek kaam karna hai
Tumhara naam lena hai
Tumhi ko yaad karna hai
Tumhari yaad hai dil main
Koi barbad hai dil main
Usey aabad karna hai
Tumhara naam lena hai
Tumhi ko yaad karna hai...!

· 1 Like · Dec 24, 2017 at 14:12
Category: love
 
Poetry / Love

Kuch Es Tarah Say Guzray

Kuch es Tarah Say Guzray
Ye Zindagi Khudaya . . . ..!

Wo ik Nazr jo Dekhay . . .
Uss Ki raza k mujh per
Sab Bhaid Khultay jaain ....!

wo jab mujhay pukaray
main pankh pankh bikhro
aur wo mujhay samaitay .... !

meri kisi khata per
us ka mizaaj bigray
aur meri aankh bhegay .....
To wo mujhay manaye ....!!

main Sirf Uss Ko Chaahon
wo Sirf mujh Ko Chaahay ....

Bas es Tarah Say Guzray
Ye Zindagi Khudaya ..!!

· 1 Like · Dec 24, 2017 at 02:12
Category: love
 
Poetry / Love

Mera Tamam Fann

Mera tamam fann, meri kawish, mera riyaaz
Ek natamam geet k misry hyn jin k beech
Maani ka rabt hy na kisi qafiye ka mail
Anjaam jis ka tay na hoa ho ek aesa khayal
Meri mtaa bs yehi jadu hy ishq ka
Seekha hy jis ko maine barri mushkiloon k sath
Lekin ye seher e ishq ka tohfa ajeeb hy
Khulta nahi hy kuch k haqiqat me kya hy ye
Taqdeer ki ataa hy ya koi sazaa hy ye
Kis sy kahen ay jaan k ye qissa ajeeb hy
Kehny ko yun to ishq ka jadu hy mery paas
Pr mery dil k wasty itna hy es ka bojh
Seeny sy ek pahar sa hatta nahi hy ye
Lekin asar k baab me halka hy es qadr
Tujh py agr chlaon to chalta nahi hy ye...!

· 1 Like · Dec 23, 2017 at 13:12
Category: love
 
Poetry / Love

Na Koi Subha Na Koi Apni Shaam Dete Ho

Na Koi Subha Na Koi Apni Shaam Dete Ho

Dil Dharakne Ko Mohabbat Ka Naam Dete Ho

Roz Chale Aate Ho Mere Khowab Mein Tum

In Aankhon Ko Tum Na Ek Pal Araam Dete Ho,

Tum Se To Na Poocha Gaya Mera Hal-e-Dil Aur

Ghairon Ko Roz Naya Salam Dete Ho,

Jab Kaat Diya Apne Aangan Se Shajar

Phir Kyun Sada Hum Ko Sar-e-Aam Dete Ho

Hum Ne Yaad Rakha Phir Bhi Mujrim Thehre

Shayad Bhoolne Per Tum Inaam Dete Ho...!

· 2 Like · Dec 21, 2017 at 23:12
Category: love
 

Random Post

New Pages at Social Wall

New Profiles at Social Wall

Connect with us


Facebook

Twitter

Google +

RSS