Poetry / Love

Dil Ki Batain Bata Deti Hain Aankhen

Dil Ki Batain Bata Deti Hain Aankhen
Dharkanon Ko Jaga Deti Hain Aankhen

Dil Pe Chalta Nahi Jadoo Cheroon Ka Kabhi
Dil Ko Tu Deewana Bana Deti Hain Aankhen

Woh Hum Se Baat Nahi Karte Tu Na Kare
Haal Sara Unke Dil Ka Suna Deti Hain Aankhen

Gham Sada Rehta Nahi Aadmi Ke Saath
Ashk Bana Kar Chalka Deti Hain Aankhen

Aata Hai Jab Doar-E-Jawani Tu Ae Dosto
Sunder Sapne Zehan Mein Basa Deti Hain Aankhen

MaNa Ke Neend Aati Hai Aankhon Hi Ke Raste
Magar Kabhi Kabhar Neend Ura Deti Hain Aankhe

Shukar Hai Khuda Ne Atta Ki
Aankhon Ki Naimat Humain

Dard-O-Gham Sare Dil Ke
Chupa Deti Hain Aankhen...!

· 1 Like · Dec 06, 2017 at 21:12
Category: love
 
Poetry / Love

Meray Har Amal Ko Nazer Main Rakh

Meray har amal ko nazer main rakh, meri chahatoon ka silla na dey
Main chragh-e-aakhir-e-shab sahi, mujhey berukhi ki saza na dey

Mujhey dushmanoo sey gila nahi, sila dostoon sey mila nahi
Mujhey jitna jeena tha jee chukka, mujhey aur jeenay ki dua na dey

Ye gaye dinoo ki baat hai, issi rah pe tum meray saath thay
Main naye safar pe hoon ga gamzan, mujhey duur jaa kay sadaa na dey

Mera hurf hurf hai dil-nasheen, kahin tu tau es main makeen nahi
Ye junoon-e-shooq-e-sukhan kahin, tera chehra sub ko dikha na dey

Ye talaash-e-baab-e-wafa sufer, mujhey tum sey duur tha lay gaya
Palat ker aaon ga yaad rakh, tera shehar mujh ko bhula na dey

Main bhula nahi bura sahi, mujh sey koi gila sahi
Tera baat baat pe roothna, naii rah mujh ko dikha na dey...!

· 1 Like · Dec 06, 2017 at 03:12
Category: love
 
Poetry / Love

Kiya Hai Tum Ne Hum Se Ek Waada Yaad Rakhna

Kiya hai tum ne hum se Ek waada yaad rakhna
Bhool na jaana kahin apna irada yaad rakhna

Ab na hamain rulana tum , ab na door jaana tum
Pehle hi seh chuke hain dukh itne ziyada yaad rakhna

Dil to na dukhao ge mujhay choar to na jao ge
Dil main hi base ho tum ab isse abad rakhna

Tum jo choar jao ge hum to mar hi jayen ge
Tumhare dam se zindagi hai sirf itna yaad rakhna

Chahaton ki duniya main roshni tumhi se hai
Dil toor kar hamain choar kar kahin na jaana yaad rakhna...!

· 1 Like · Dec 05, 2017 at 14:12
Category: love
 
Poetry / Love

Hame Apni Mohabbat Me Kho Jaane Do

Hame apni mohabbat me kho jaane do,
har lamha mar ke aaj phir jee jaane do,
Mahobbat ne dil ko aaj phir dhadkaya hei,
mujhe Mahobbat ke aaghosh mei kho jaane do
tadap ki aag hei judaai ki baahon mein
mujhe aaj es mohabbat se mill jaane do.....
meri saans chalti hei tere naam ki aahat pe,
mujh benaam ko es naam me kho jaane do,,,
kasam tujhe chalne wali hawaon ki sanam hai,
mujhe es Mahobbat ki aaj mei jal jaane do...!

· 2 Like · Dec 05, 2017 at 08:12
Category: love
 
Poetry / Love

Mohabat Mehrban Ho Gi

Mohabat Mehrban ho gi

Preshan tum nhi hona

Kabi chuup kr nhi rona

Judai zehr hoti he

Muj maloom hay lekin

Firaq o hijar ka mausam

Yaqeenan beet jaye ga,

Yaqeenan wasl k Lamhe

Dobara laot aaen ge,

Wohi shamen

wohi raten

Wohi qisse

wohi baten

Wohi phir dastan hogi,

Mohabat mehrban hogi...!

· 1 Like · Dec 04, 2017 at 20:12
Category: love
 
Poetry / Love

Dareecha E Khayal Jab Bhi Khulay

Dareecha-e-khayal jab bhi khulay
teri yaad tera tasawar bunay

khmoshi ke ghooar sanatay main
mairy samait teri nida sunay

wasal-e-umeed main doob ker yeah dil
lamas ke jazeeray se chahat ke moti chunnay

mairy ghazal main tera husan-e-bayan jana
jaisay ankh ki jheel main chahat ka rung ghulay...!

· 2 Like · Dec 04, 2017 at 01:12
Category: love
 
Poetry / Love

Neelay Libas Main Janne Wo Kia Lag Rahi Thi

neelay libas main janne wo kia lag rahi thi
Chand ne kaha apsara lag rahi thi

badal ne kaha ghata lag rahi thi
Dhanak ne kaha qos-e-qaza lag rahi thi

Sitaroon ne kaha roshni lag rahi thi
pholoon ne kaha kali lag rahi thi

Falak ne kaha Asman lag rahi thi
raat ne kaha kehkashan lag rahi thi

sagir ne kaha bhanwar lag rahi thi
suraj ne kaha saher lag rahi thi

shabnam ne kaha ghulab lag rahi thi
chandni ne kaha mahtab lag rahi thi

hawa ne kaha ehsas lag rahi thi
sham ne kaha khush libas lag rahi thi

subha ne kaha bad-e-saba lag rahi thi
neelay libas main janne wo kia lag rahi thi....

tasawar hi tasawar main jab sochta hoon
main jaa ke wahan pohanchta hoon

hathoon pe hina bhi sajaye hoi hai
lagta hai koi pari ayi hoi hai

wo sitaroon main mahtab lag rahi hai
pholoon main jaisay ghulab lag rahi hai

wo sab se juda aur haseen lag rahi hai
khayaloon main mairay mah jabeen lag rahi hai

janne kab tasawar ke angan se lout ata hoon
Aur neend ki wadi main puhanch jata hoon....!

· 2 Like · Dec 03, 2017 at 06:12
Category: love
 
Poetry / Love

Abhi Nasar Nasar Hai Zindagi Meri

Abhi nasar nasar hai zindagi meri zindagi ko ghazal karo
Kabhi aarzuon ke jheel mein meri khwahishon ko kanwal karo


Kabhi khauf hijr-e-taweel ka kabhi shauq hai teri deed ka
Dil-e-muztarib k ye maslay hain jo aao to inhe hal karo


Ye jo sar bureda wajood hai isey apney honton ka lams do
Mujhay zindagi ki talab nahi mere naam bus koi pal karo


Na main khush guman hun wisaal se na tu badguman ho firaaq se
Tere dil ka jo bhi hai faisla meri jaa’n usi pe amal karo


Mere saath chalna hai gar chalo mere dil pe shahi tumhari hai
Mujhey chhorna hai to chhor do jo bhi faisla hai atal karo....!

· 2 Like · Dec 02, 2017 at 12:12
Category: love
 
Poetry / Love

Apney Jazbaat Ankh Mein Rakh Lo

Apney jazbaat ankh mein rakh lo
Bus yehi baat ankh mein rakh lo

Zindagi to safar hai sehra ka
Thori barsaat ankh mein rakh lo

Din se jana kabhi chhupa k mujhey
Sirf ik raat ankh mein rakh lo

Main hu mehwar tumhari chahat ka
Tum meri zaat ankh mein rakh lo

Jin se khawabon mein rang bhar jayen
Aisey lamhaat ankh mein rakh lo

Shahi hum se wafa paraston ki
Koi to baat ankh mein rakh lo...!

· 1 Like · Dec 02, 2017 at 06:12
Category: love
 
When i Grow Up
Posted by Aras Rahes
Posted on : Oct 25, 2016

Random Post

New Pages at Social Wall

New Profiles at Social Wall

Connect with us


Facebook

Twitter

Google +

RSS