Poetry / Love

Muzammil Shahzad

Tum Kehtay Ho To Such Ho Ga

Tum kehtay ho to such ho ga
Aag mein gul khil saktay hongay
mil kar dil kho saktay hongay
kho kar dil mil saktay hongay

Tum kehtay ho to such ho ga
rang berang kay saaray panchi
mil jul kar urr saktay hongay
Aan hee Aan mein jeevan sapnay
toot k phir jurr saktay hongay

Tum kehtay ho to such ho ga
Yeh sab kuch ho sakta ho ga
lekin baat ik aur bhee hai
meray ilawa bhee kya koi
tum ko yun such maanay ga?

· 1 Like · Mar 04, 2017 at 08:03
Category: love
 
Poetry / Love

Muzammil Shahzad

Tere Khayaal Me Kuch Aise Gum Raha Barson

Tere Khayaal Me Kuch Aise Gum Raha Barson
Mai Apney Aap Say Bhi Mil Naa Saka Barson

Kaheein Wo Zaiqa Tehleel Hi Naa Ho Jaye
Mai Us Say Mil Ke Kisi Say Nahi Mila Barson

Kaha Tha Tumne Ke Tum Laut Aao Gay EK Din
So Mai Jahan Tha Wahein Par Khara Raha Barson

Tairay Baghair Meri Umer Rayagan Guzri
Koi Bhi Kaam Nahi Theak Say Howa Barson

Tumhare Haath Ki Dastak Ki Aas Me Mazhar
Mai Apney Ghar Say Kaheein Bhi Nahi Gaya Barson

· 1 Like · Mar 01, 2017 at 16:03
Category: love
 
Poetry / Love

Muzammil Shahzad

husn e shama likhon ya sharab likhon

husn-e- shama likhon ya sharab likhon
hamdam likhon sathi likhon ya khawab likhon

tairay sarapa-e-husn se heraan hon main
mehjabeen likhon sehar likhon ya aaftaab likhon

teri zulf jo chupaati hay chehra tera
raqeeb likhon nagin likhon ya naqaab likhon

nazar utha k jo chal diye aap
be rukhi likhon bewfa likhon ya hijaab likhon

khatam ho jata he zakhera-e-alfaaz
dil to kehta he teri taareef be panaah likhon

· 1 Like · Feb 28, 2017 at 13:02
Category: love
 
Poetry / Love

Muzammil Shahzad

Wo Shaks Raat Phir Meri Hansti Pay Chaah Gia

Wo Shaks Raat Phir Meri Hansti Pay Chaah Gia
Itna Qareeb Aaya Ke Dil Main Sama Gia

Wo Ak Pal Jo Day Gia Aasoodgi Ki Lehar
Jazbon Ki Taaza Dhoop Main Pagal Bana Gia


Pehlay Wo Meray Wajood Pay Utra Wo Boond Boond
Barsa Wo Phir Ghata Ki Tarah Mujh Pay Chaah Gia

· 2 Like · Feb 26, 2017 at 14:02
Category: love
 
Poetry / Love

Muzammil Shahzad

Dil Dharaknay Ka Sabab Yaad Aaya

Dil Dharaknay Ka Sabab Yaad Aaya
Wo Teri Yaad Thi Yaad Aaya

Aaj Mushkil Tha Sambhalna Ay Dost
Tu Musibat Main Ajab Yaad Aaya

Haal -e- Dil Ham Bhi Sunatay Lakin
Jab Wo Rukhsat Howa Tab Yaad Aaya

Beth Kar Saya -e- Gul Main Nasir
Ham Bohat Roye Wo Yaad Aaya

· 1 Like · Feb 25, 2017 at 16:02
Category: love
 
Poetry / Love

Muzammil Shahzad

Meri Soch Musafir Mera Qalam Rahgir Hai

Meri Soch Musafir Mera QalaM Rahgir Hai
Mera Andaz-E-Bayan Mera ZoQ-E-Aagahi Ki Tafseer Hai

Khaak Hoon Manzil Bhi Meri Khak Magar Sach Hai
Duniya Kuch Nahi FaQat Mere Khwabon Ki Tafseer Hai

Main Rond Gaya Hota Kab Se Dar-E-Wahshat
Meri Wafa Magar Mere Paon Ki Zanjeer Hai

Mere Andaz-E-Bayan Se Nala youn Na Hona Ke
Mera Sach Hi Mera MujasaM Meri Tasveer Hai

Bhatakti Chahat Par Pehre Bithana Kab Aasan Hua
Ye Chahat Ye Ulfat To Zindagi Ka Safar Hai

Mere Warison Mein Wirasat Ka Zikr Hai Asfer
Kya Bataun? Chahat Poonji Chahat Hi Jagir Hai

· 1 Like · Feb 23, 2017 at 15:02
Category: love
 
Poetry / Love

Muzammil Shahzad

Tujay Orhoun Ya Tera Libaas Ho Jaoon

TUJAY ORHOUN YA TERA LIBAAS HO JAOON
TERI RAGON ME DHAL KAR EK AHSAS HO JAOON

EK RAAT JO MILAY MUJAY TERI ZAAT SE
TU SAMANDAR BANAY, MAIN PYAS HO JAOON

TERE WAJOOD SE HE HAI MERE CHEHRAY PE RONAQ
TERA CHEHRA NA DEKHOON TO UDAAS HO JAOON

FAQAT ITNI C KHAISH HAI TERI ZINDAGI ME SHAMIL HOON
PHIR BHALLAY QISSA BANOON YA QAYAS HO JAOON

TERE LAB TERE HATH MERA HAR NAQSH AMAR KAR LAIN
TU MUJAY BHOOL NA PAYE ME ITNA KHAS HO JAOON

· 1 Like · Feb 23, 2017 at 04:02
Category: love
 
Poetry / Love

Muzammil Shahzad

Ak Arzoo Hay Puri Parwar Digaar Karay

Ak Arzoo Hay Puri Parwar Digaar Karay
Main Deir Say Jao Wo Mera Intazar Karay

Apnay Haathon Say Sanwaroon Zulfain Us Ki
Wo Sharma Kay Mohabbat Ka Iqraar Karay

Ho Shab -e- Wasl Aisi Yaarab
K Bheegi Zulfon Say Mujhay Be Dar Karay

Jab Usay Chorr Kay Jana Chahon Wasi
Wo Rokay Or Ak Raat Ka Israar Karay

Main Kise Or Ki Ho Nahi Sakti
Ye Wada -e- Wafa Baar Baar Karay

· 1 Like · Feb 22, 2017 at 18:02
Category: love
 
Poetry / Love

Ijunoon

Chehra Mera Tha Nigahen Us Ki

chehra mera tha nigahen us ki
khamushi main bhi wo baten us ki

mere chehre pe gazal likhti gain
sher kahti hui ankhen us ki

shokh lamhon ka pata dene lagin
tez hoti hui sansen us ki

aise mausam bhi guzare ham ne
subhen jab apni thin shaamain us ki

dhyan main us k ye alam tha kabhi
ankh mahtab ki yaden us ki

faisala mauj-e-hawa ne likkha
andhiyan meri baharen us ki

nind is soch se tuti aksar
kis tarah katti hain raten us ki

door reh kar bhi sada rahti hai
mujh ko thamay hue bahain us ki

· 1 Like · Feb 20, 2017 at 13:02
Category: love
 
Teen Aadmi Aqal Mand Hain
Posted by Omar Hassan
Posted on : May 09, 2016

Random Post

New Pages at Social Wall

New Profiles at Social Wall

Connect with us


Facebook

Twitter

Google +

RSS