Poetry / Love

Gali Kochoon Mai Barg Khushk Ki Surat

gali kochoon mai barg khushk ki surat bikharna tha
hawa say dostii ka koi tau anjaam hona tha

ye sari umr kiss aashuftagi mai raigan kar dii
usee ko yaad rakkha hai jisay dil say bhulana tha

ajab wehshat ka aalam hai samajh mai kuch nahi aata
safar ki shab musafir ko kahan khema lagana tha

diye jo baam par rakhay the mainay bujh gaye saray
isii taareek shab mai usko meray ghar aana tha

wo jab ojhal huwa to ham bhi apnay aap say chonkay
usay aawaz deni thi usay wapas bulana tha

· 1 Like · 3 Days Ago
Category: love
 
Poetry / Love

Ik Din Shararatan Us K Kamre Me Ja Kr

ik din shararatan us k kamre me ja kr,

deewar pe likhe kuch harf parhna chahe,,

ja baja hath se bani tasveeron ko samjhna chaha,

kahin sookhe gulab ki patian thin,

kahin takiya aansoun se num tha,

phr kitabon se aisi kitab mere hath lagi,

jis k safha awal pe mera naam tha,

kuch lafaz likhay the,mera hath laraz utha,

chehra paseene se tar tha,

meri sada mere kanoon mn gonjne lagi,

MUJHE KHABAR BHI NAHI

K WOH KHAMOSH SA SHAKSH,

MUJHE ES QADAR CHAHTA HAY

· 1 Like · 6 Days Ago
Category: love
 
Poetry / Love

Tujh Say Yun Rabta Bahaal Raha

Tujh Say Yun Rabta Bahaal Raha
Lamha Lamha Tera Khayaal Raha

Haath Jab Bhi UthaYE Dua kay Liay
Meray HontoN pay ek Sawaal raha

Jo Bhi Manga Teray Liay Manga
Apnay Daaman Ka Nah Kuch Khayal Raha

Tum Milay Zindagi Main Jan Aai
Dukh Raha Nah Koi Malaal Raha

Teri Yaaden jo chHoo Gaeen Mujh Ko
Phir to Her Lamha Kuch Khayaal Raha

Door Reh Ker Bhi Pass Rehtay Ho
Apnay Rishtay Ka Yeh Kamaal Raha

· 2 Like · 6 Days Ago
Category: love
 
Poetry / Love

Kabhi Tum Apni Muhabbat Ka Aitebaar To Do

KABHI TUM APNI MUHABBAT KA AITEBAAR TO DO
MAIN CHAHON TUM KO TOOT K YE IKHTIAAR TO DO

GUZARTI HI NAHI MUJH SAY YE ZINDAGI TANHA
SAHARA PYAR KA DE KAR ISSAY GUZAAR TO DO

ME SOCHTI HOON TUMHARAY BAGHAIR KYA HOGA
DIL O DIMAAGH PER IK BOOJH HE UTAAR TO DO

MERAY KHAYAL KI RAAHOUN KO KEHKASHAAN KAR DO
K ROSHNI SAY MERI ZINDAGI SUNWAAR TO DO

UMEED WAFA,GHAM HIJRA KA MADAWA HE
MAIN INTEZAAR KAROUN MAGAR ZABT INTEZAAR TO DO

· 1 Like · 6 Days Ago
Category: love
 
Poetry / Love

Na Yaqeen Wajod Pe Kaar Kr

Na yaqeen wajod pe kaar kr
na rida-e-yaas me aaon ga
Jo libas tujh ko pasand ho
main usi libas me aaon ga

Mujhe raygan na talash kr
main safar me tha
main safar me hon
Kabi noor-e-harf ki raah se
dil-e-khud shanas me aaon ga

Mujhe doosron se talab na kr
mujhe khud se maang k dekhna
Main barang-e-aks-e-gohar numa
kaf-e-iltamas me aaon ga

Meri justaju ne jo dam lya
mere be karan ne kaha mujhe
K main aagahi se hon mawara
na had-e-hawaas me aaon ga

Mujhe ab to shook se bhool ja
yehi naaz kam to nahi k main
Teri chahton ki kitab k
ksi iqtabas me aaon ga

Kabi mujh ko MOHSIN nye dino
ki tapish me dhonday ga wo kahin
Kabi yaad usko gye dino
k safar ki baas me aaon ga

· 1 Like · Jul 17, 2017 at 20:07
Category: love
 
Poetry / Love

Usay Khud Se Juda Rakha Nahi Hay

usay khud se juda rakha nahi hay
wo mera ho ke bhii mera nahi hay

jisay khone ka hay darr mujh ko itna
usay mein nay abhii paya nahi hay

zamanay ko bhala badle ga wo kya?
ke jis ka khud pe bas chalta nahi hay

terii yaadon se raushan hay mera dil
ye wo sooraj hay jo dhalta nahi hay

merii ankhon ka ye darya ajab hay
ke behta hay to phir thamta nahi hay

khushii ka ho ya koi gham ka lamha
guzar jaata hay kyun rukta nahi hay

naqoosh ab zehn se mitne lagay hein
bohat din se usay dekha nahi hay

suna hay phool ab khilte nahi hein
to kya khul kar wo ab hansta nahi hay

nagar choRa hay jab se us ghazal ne
koii shayer ghazal kehta nahi hay

es shehr mein chehre bohat hein
magar koii bhii us jaisa nahi hay

· 1 Like · Jul 16, 2017 at 17:07
Category: love
 
Poetry / Love

Kuch Dekhna Nahi Hai Tujhe Dekh Kar Mujhe

Aawaaz de rahi hai ye kis ki nazar mujhe?
Shayed mile kinara wahin doob kar mujhe

Chaha Tujhe to khud se Mohabbat si ho gaii
Khone ke bad mil gaii apni khabar mujhe

Har har qadam pe saath hoon saya hoon main tera
Ay bewafa! dikha to zara bhool kar mujhe

Dunya ko bhool kar teri dunya main aa gaya
Le jaa raha hai kaun idhar se udhar mujhe?

Dunya ka har nazara nigahon se chean le
Kuch dekhna nahi hai tujhe dekh kar mujhe

· 1 Like · Jul 16, 2017 at 09:07
Category: love
 
Poetry / Love

Mujhko Bachpan Wo Yaad Aata Hai

Mujhko bachpan wo yaad aata hai
Roz aakar mujhe rulata hai
Meri maa jab mujhe lagati gale
Abbu kandhe pe jab uthate the
Meri behnain mujhe satati thi
Bhai mere mujhe hansate the
Kitna pyara tha wo mera bachpan
Kitni pyari thi wo meri sakhiyan
Meri gudia ki jab hui shadi
Meri ankhon se ashq behte the
Yaad aye bidai meri mujhe
Ghar ke sab ro rhe the jab mere
Bebasi mei main bhi roi thi
Apne babul ka choar kar angna
Praye desh mein the log anjane
Ro rahi aankh yaad kar ke wo din
Dil mera bhi tarap raha hai yahan
Meri maa bhi wahan roti hai bahut
Na mein un ki rahi na apni hoon
Ab to bas zindgi mein hain yaadein
Aur mein hun meri tanhayi hai
Meri bachpan ki sirf yadein hein
Apna bachpan yad jaab bhi karo
Yeh nazam padh ke khoob ro lena!!!!

· 2 Like · Jul 16, 2017 at 03:07
Category: love
 
Poetry / Love

Jaa Apney Liye Dhoondh Ley Kisi Ahl E Mehal Ko

Chehrey pe gard pairoN meiN safar hey ke nahi hey
tu deikh ke meri manzil pe nazar hey k nahi hey!

jaa apney liye dhoondh ley kisi ahl-e-mehal ko
naa jaaney meri qismat mein ghar hey k nahi hey

terey paas heiN abhi aur dard to wo bhi mujhey dey
naa pooch ke mujh meiN aur sabar hey k nahi hey

ye soch ke ley aya hooN meiN jungle sey kuch jugnu
naa jaaney ab qismat meiN sehar hey k nahi hey

tu deikh mera shaoq, meri shikastoN ko na deikh
peron taley terey ghar ki dagar hey k nahi hey!

maaNga hey tujhey Rab sey k ik zid si hey kab sey
dekhooN to meri duaoN mein asar hey k nahi hey!

· 1 Like · Jul 14, 2017 at 13:07
Category: love
 
Poetry / Love

Woh Aik Masoom Si Chahat

Woh aik masoom si chahat, woh aik bay naam si ulfat

woh meri zaat ka hissa, woh meri zaat ka qissa

mujhay mehsoos hota hai, woh mairay paas hai ab bhi

woh jab jab yaad aata hai, negahon mein samata hai


zabaan khamosh hoti hai, magar yeh aankhh roti hai

mein khud say puuch laita hon, jisay mein yaad karta hon

usay kya pyar hai mujh say, jawaab haan soch laita hon

usay bhi pyar hai shayad. ..

issi shayad say wabsta hai ab tou har khushi meri

yahi aik lafz shayad ban gaya hai zindagi meri.

· 1 Like · Jul 14, 2017 at 07:07
Category: love
 
How i think my viva will be...
Posted by anam lateef
Posted on : Nov 24, 2015

Random Post

New Pages at Social Wall

New Profiles at Social Wall

Connect with us


Facebook

Twitter

Google +

RSS