Poetry / Sad

Mujhe ek manzil-e-khaas ka na pata chala, yeh bura hua
meri justaju, meri aarzoo, hui raigan, yeh bura hua

meri zest maut se kam nahi, mera gham bhi ab mera gham nahi
teri dastaaN meiN sama gai meri dastaaN, yeh bura hua

mujhe apne naghmoN se hai gila, mera raaz raaz na reh saka
woh jale chiraaghoN ki tarha, woh utha dhuwaan, yeh bura hua

tere intezaar meiN baith kar, mujhe zindagi to mili magar
mera sath choD ke chal diya, mera karwaN, yeh bura hua

mujhe yaad thi yeh na thi khabar, mere gham meiN hai bada asar
meri ek aah se jal gaye, kai aashiyaaN, yeh bura hua

Advertisement
· 1 Like · Jun 18, 2017 at 22:06
Category: sad
 

Latest Posts in poetry

No More Love Please!
Posted by arsalan ahmed
Posted on : Apr 23, 2016

Random Post

Sponored Video

New Pages at Social Wall

New Profiles at Social Wall

Connect with us


Facebook

Twitter

Google +

RSS