iJunoon Archives |2015 | July

Us Din Ko Yaad Kartaa Hoon To Aankhain Bheeg Jaati Hain

Na Karo Mujh Pay Itnaa Zulm Kay Aajaiy Ambulance
Dandaa Jab Uthaati Ho To Aankhain Bheeg Jaati Hain


Kuch To Khudaa Ka Khouf Karo Reham Mujh Pay Tum Karo
Ghussa Jab Dikhati Ho To Aankhain Bheeg Jaati Hain


Sirf Thappar Say Hee Kar Lo Guzara Aaj Tum Baigam
Kay Chappal Jab Uthati Ho To Aankhain Bheeg Jaati Hain


Jab Bhee Daikhta Hoon Main Tumhaaray Haath Main Dandaa
Wohee Din Yaad Aata Hay To Aankhain Bheeg Jaati Hain


KiYa Tha Kia Qusoor Kion Mara Mujh Ko Baigam Nay
Yeh Jab Bhee Soochta Hoon Main To Aankhain Bheeg Jati Hain


Main Is Qadar Hogaya Hoon Hassas Us Din Say
Kisi Ko Pittay Daikhtaa Hoon To Aankhain Bheeg Jaati Hain

Laut Aai Tere Lams Se Mahaki Hui Shaamen
Phir Aag Lagaa Di Teri Saanson Ne Hava mein

Raqsaan Hain Isi Lay Pe Sitaaron Ki Shabnam
Kya Sehar Hai Is Dil Ke Dharakne Ki Sadaa Mein

Ik Noor Ka Sailaab Hai Band Aankhon Ke Andar
Lipate Hue Chehare Hain Andhere Ki Ridaa Mein

Kis Aag Ne Rakkha Hai Qadam Dil Ki Zameen Pe
Sooraj Se Damakate Hain Nishaan-E-Kaf-E-Paa Mein

Is Khauf Se Ik Umr Hamen Neend Na Aayi
Ik Chor Chhupa Baitha Hai Seene Ki Gufaa Mein

Jaag Uthaa Hai Dil Mein Koi Soya Hua Vehshi
Ham Ghar Mein Hain 'Shehzad' K Jangal Ki Fazaa Men

Jo Shajar Sookh Gaya Hai Vo Hara Kaise Ho
Main Payamabar To Nahin Mera Kaha Kaise Ho

Dil Ke Har Zarre Pe Hai Naqsh Muhabbat Usaki
Noor Aankhon Ka Hai Aankhon Se Juda Kaise Ho

Jis Ko Jaana Hi Nahin Usko Khuda Kyun Maane
Aur Jise Jaan Chuke Hain, Vo Khuda Kaise Ho

Umr Saari To Andhere Mein Nahin Kat Sakati
Ham Agar Dil Na Jalaayen To Zia Kaise Ho

Jis Se Do Roz Bhi Khul Kar Na Mulaqaat Hui
Muddaton Baad Mile Bhi To Gilaa Kaise Ho

Kin Nigaahon Se Usey Dekh Raha Hun "Shehzad"
Mujh Ko Maaluum Nahin, Us Ko Pata Kaise Ho