Poetry / General

Ijunoon

Tum Se Ziyada

ham ko junoon kiya sikhlaate ho, ham the pareshaan tum se ziyada
chaak kiye hain ham ne azeezo chaar garebaan tum se ziyada

chhak-e-jigar muhtaaj-e-rafoo hai, aaj to daaman sirf lahoo hai
ek mausam tha ham ko rahaa hai shauq-e-baharaan tum se ziyada

ahd-e-wafa yaaron se nibhaayen, naaz-e-hareefan hans ke uThaaen
jab hamen armaan tum se siwa tha, ab hain pareeshaan tum se ziyada

ham bhi hamesha qatl huwe aur tum ne bhi dekha door se lekin
yeh na samajhna ham ko huwa hai jaan ka nuqsaan tum se ziyada

zanjeer o diwaar hi dekhi tum ne to Majrooh magar ham
koocha koocha dekh rahe hain aalam-e-zindaan tum se ziyada
,

· 1 Like · Apr 02, 2016 at 13:04
Category: general
 
Poetry / General

Ijunoon

Abhi Kuch Dair Baqi Hai…!!

Abhi kuch dair baqi hai…!!
Khizan k beet janay main,
Guloun k Muskuranay main,
Khushi k geet ganay mein,
Baharon k zamanay main,
Abhi kuch dair baqi hai..!

Main tum ko bhool jaonga..!
Na tum ko Yaad aaonga..!
Main tum se dour reh k bhi,
Tumhain jee ker dikhaonga..!
Tumhain maloom hay laikin,
Yeh sub main kar na paaonga,
K tum ko bhool janay main,
Abhi kuch dair baqi hay..!
,

· 1 Like · Apr 02, 2016 at 06:04
Category: general
 
Poetry / General

Ijunoon

Ya Rabb Gham E Hijran Mein Itna To Kia Hota

Ya Rabb gham-e-hijran mein itna to kia hota
Jo haath jigr per hai wo dast-e-dua hota

Ek ishq ka gham aafat aur us pe ye dil aafat
Ya gham na dia hota ya dil na dia hota

Nakaam-e-tamanna dil is soch mein rehta hai
Youn hota to kya hota, youn hota to kya hota

Umeed to bandh jati taskeen to ho jati
Waada na wafa krte waada to kia hota

Gheiron se kaha tum ne, gheiron se suna tum ne
Kuch hum se kaha hota kuch hum se suna hota,

· 2 Like · Apr 01, 2016 at 23:04
Category: general
 
Poetry / General

Saher

Tarap Rahi Hai Har Aik Tamanna

tarap rahi hai har aik tamanna
na tum se milte na aise hote

bujhi bujhi c hai dil ki dunia
na tum se milte na aise hote

ham aisi mehfil main kese jaen
jahan k manzar hamen jalain

agar hai jalna jalen ge tanha
na tum se milte na aise hote

na chain aaye na maut aaye
na jee rahe hain, na mar rahe hain

kahan tha pehle ye haal apna
na tum se milte na aise hote

· 1 Like · Apr 01, 2016 at 09:04
Category: general
 
Poetry / General

Saher

Aksar Socha Voh Shab O Roz Bhula Kar Dekhon

aksar socha voh shab-o-roz bhula kar dekhon
dil nahin bhoolta rootee hoee surat tairi

safar pay niklee akeli bina sochay samjhay
qadam qadam pai padtee hai zaroorat tairi

kaha thaa tunay jhelogi dar badar ka azaab
aaj yaad atee hai reh reh kay voh nasiyaat tairi

aansoo peeta raha hans hans kay vidaa karta raha
kaisay bhoolon voh muhabat voh shafqat tairi

giryaa karta hai maira dil tujhay ab paaon kahan
bana kar rakhlee hai har konay mai moorat tairi

judaiyoon kay andheray mai kho gaye manzar
ashkoon ki baarish mai dhundlaa gaee surat tairi

· 1 Like · Mar 31, 2016 at 21:03
Category: general
 
Poetry / General

Ijunoon

Main Kab Kahtaa Hun Vo Acchaa Bahut Hai

maiN kab kahtaa huN vo acchaa bahut hai
magar us ne mujhe chaaha bahut hai

Khudaa is shah’r ko mahfuuz rakhe
ye bachhoN ki tarah haNstaa bahut hai

maiN har lamhe meN sadiyaaN dekhtaa huN
tumhaare saath ek lamhaa bahut hai

meraa dil baarishoN meN phuul jaisaa
ye bacchaa raat meN rotaa bahut hai

vo ab laakhoN diloN se kheltaa hai
mujhe pehchaan le, itnaa bahut hai

· 1 Like · Mar 31, 2016 at 14:03
Category: general
 
Poetry / General

Ijunoon

Koi Neend Se Jagayega

koi neend se jagayega , ye to socha hi na tha .
khwab toot ke bikhar jaayega , ye to socha hi na tha

humne socha bahut waqt hai , keh denge kabhi
waqt chaar hi roz saath dega , ye to socha hi na tha

phool apne hi gulshan ka tha , tod lete kabhi bhi
wo kisi ki sej sajayega , ye to socha hi naa tha

mausamo ka badalna , bhula deyga , har zakhm dil ka
waqt is tarah se tham jayega , ye to socha hi na tha ,

· 1 Like · Mar 31, 2016 at 05:03
Category: general
 
Poetry / General

Ijunoon

Aik Aangan Mai Rehnay Walon Nai

Aik aangan mai rehnay walon nay
faisla karliya judaee ka

galay milkar magar buhut rooye
waqt jab agayaa vidaaee ka

jab bhi miltay hain rastay mai kaheen
shikwaa kartay hain bewafaee ka

zahir kartay hain hum hain sheer-o-shakar
dar bhi lagta hai jag hansaee ka

aksar aatee hai marsiye ki sadaa
rabta khatam howa geet say shehnaee ka

ghar bhara rehta hai sanaatay ki awaazon say
kaisay ehsaan utaroon mai tanhaee ka

· 1 Like · Mar 30, 2016 at 23:03
Category: general
 
Poetry / General

Muzammil Shahzad

Woh Hue Mehrbaan Dushman Par

woh huay meharban dushman par
phatt parrey aasman dushman par
jaan iss bay wafa ko hum nay di
jis ki jati hai jaan dushman par
apni pehchan ko qiyamat mein
kijiyej kuch nishaan dushman par
bohat achi hai aap ki talwar
kijiyej imtihaan dushman par
log kehtay hain kya ؟ suno tou sahi
jhuk para ik jahan dushman par
kis ki mehfil mein yeh hui izzat
kya barasti hai shaan dushman par
tum nay bhi kuch suna ؟ keh hai charcha
ghash hai ik nojawan dushman par
ab barasne lagey woh hum par bhi
khil gayi hai zabaan dushman par ؟
daagh tum dil ko dost samjhay ho
dosti ka gumaan dushman par ؟

· 1 Like · Mar 28, 2016 at 20:03
Category: general
 

Random Post

New Pages at Social Wall

New Profiles at Social Wall

Connect with us


Facebook

Twitter

Google +

RSS