Poetry / General

Muzammil Shahzad

Kisi Morr Per...

Milay kab they hum kisi mod per na ussay khaber na mujhe khaber
K khayal-o-khawab ka tha safer,na ussay khaber na mujhe khaber

Na woh saan main na guman main , na salam tha na payam tha
Kisay kis nay dekha tha chonk ker,na ussay khaber na mujhe khaber

Dar-e-dil pay naram see dastakein , kisay roktay kisay tokatay
Woh mehak thi jan main gai utar,na ussay khaber na mujhe khaber

Kabhi uss kay seenay main mera dil , bada natawaan , bada muzmahal
Meray rukh pay uss ki hai chashm-e-ter,na ussay khaber na mujhe khaber

Dil muztarab, rahin kab talak kisi bay khaber kay khayal main
Kisay dhoondatay rahin umer bhar,na ussay khaber na mujhe khaber

Kabhi kho gay sabhi rastay kabhi rastoon say palat gay
Kahan uss ka ghar,kahan mera ghar,na ussay khaber na mujhe khaber

They nazar main ajnabi rastay to yeh kaisay aa gaya yak ba'yk
Sir-e-rah chahtoon ka nager,na ussay khaber na mujhe khaber.....!!!!,

· 1 Like · May 13, 2016 at 08:05
Category: general
 
Poetry / General

Mohammad Asif

Kaho Kia Bhool Jao Gay ?

Kaho kia bhool jao gay ?
MSN ki woh mulakatein
woh pyar bhari baatein
woh LOGIN hone ka intezar
woh intezar ki sa'atein

kaho kia bhool jao gay ?
woh farzi naam ka batana
HAHA likh ker jhoota kehkaha lagana
woh ASL poochne per
apni umer ko aur kam batana

kaho kia bhool jao gay ?
woh pyar bhari tehrirein
woh MSN ki EMOTICON tasveerein
woh NICK mein haal-e-dil likhna
woh NET ko taiz karne ki tadberain

kaho kia bhool jao gay ?
woh typing se ungliyon mein dard hona
kisi baat per ghussey se chehre ka zard hona
lafz sorry ka screen per aate hi
lehjey ka phir se sard hona

kaho kia bhool jao gay ?
woh jaagna rooz raaton mein
woh jhalakna pyar baaton mein
woh TYPE karte karte
leina MOUSE hathoon mein

kaho kia bhool jao gay ?
woh MSN per dosron ko ignore karna
her jumley per buhat ghour karna
woh dil per hath rakh ker BYE kehna
aur zara aur rukhne per zoor daina

kaho kia bhool jao gay ?
tumarhe LOGIN hotey hi
doston ka woh jhumghata lag jana
tum se baat karne ki khatir
sir dard ka woh jhoota bahana

kaho kia bhool jao gay ?
bewaja baaton per takraar karna
bar bar NETMEETING la israar karna
woh roman urdu mein ki gayeen baatein
pyar ka dabay lehjey mein izhar karna

kaho kia bhool jao gay ?
woh doston se tumhari ID chupana
kabhi FONT badalna kabhi gun gunana
dair se jawab aane per
BUSY hone ka ilzaam lagana

per lagta hai tum bhool gaye ...
MSN ke aanchal per likhi hoi kahani
per mujh ko yaad hai her ek lafz zabani
khuda ra na tum aisa sitam karo
na karo tum aisi naadani ...,

· 1 Like · May 12, 2016 at 13:05
Category: general
 
Poetry / General

Muzammil Shahzad

Izzaton Say Barh Ker Tou Aur Kuch Nahee Hota

Izzaton say barh ker tou aur kuch nahee hota
Chahton ki dori bhi,
Torna hi parti hay
Manzilon ki kashti bhi,
Morna hi parti hay
Bhoolna hi parta hay,
Khud say piyaray logon ko
Aur dil kay aangan mein,
Naqsh un ki tasweerain
Kuch haseen lafzon ki,
Kuch haseen tehreerain
Paaon jin mein jakrain hon,
Kholna hi parti hain
Khoobrurat aankhon mein basnay walay khawbon ko
Nochna hi parta hay
Dil say milta her rishta torna hi parta hay......
kiun keh......
Izzaton say barh ker tou aur kuch nahee hota!!!,

· 1 Like · May 06, 2016 at 21:05
Category: general
 
Poetry / General

Muzammil Shahzad

Din Guzar Gaya Aitbaar Mein

Din guzar gaya aitbaar mein
Raat kat gayi intezaar mein

Woh maza kahan vasl e yaar mein
Lutf jo mila intezaar mein

Un ki ik nazar kaam ker gayi
Hosh ab kahan hoshyaar mein

Mere qabze mein kainaat hay
Main hon aap k ikhtayaar mein

Aankh tou uthi un ki taraf
Dil ulajh gaya husn e khaar mein

Tujh se kia kahain kitne ghum sahe
Hum ne bewafa tere payaar mein

Fikar e ashiyaan har khazaon ki
Aashiyan jala per bahaar mein

Kis terha yeh ghum bhol jayen hum
Woh juda hua is bahaar mein,

· 1 Like · May 06, 2016 at 04:05
Category: general
 
Poetry / General

Muzammil Shahzad

Ghar K Andar Kis Ne Aag Lagai Hai

Ik ik patthar jor ke main ne jo diwar banai hai
Jhankhu us ke piche to ruswai hi ruswai hai

Yon lagata hai sote jagate auron ka mohataj hun main
Ankhen meri apani hain par un may nind parai hai

Dekh rahe hain sab hairat se nile nile pani ko
Puche kaun samandar se tujh may kitani gaharai hai

Sab kahate hain ik jannat utari hai meri dharati par
Main dil may sochun shayad kamzor meri binai hai

Bahar sahan may peron par kuch jalate bujhate juganu the
Hairat hai phir ghar ke andar kis ne aag lagai hai

Aj hua malum mujhe is shahar ke chand sayanon se
Apani rah badalate rahana sabase bari danai hai

Tor gaye paiman e wafa is daur may kaise kaise log
Ye mat soch `qateel` ki bas ik yar tera harjai hai,

· 1 Like · May 04, 2016 at 19:05
Category: general
 
Poetry / General

Muzammil Shahzad

Kuch Ishq Tha Kuch Majbori Thi

Kuch Ishq Tha Kuch Majboori Thi So Main Ne Jeevan Waar Dia,
Main Kaisa Zinda Aadmi Tha, Ik Shakhs Ne Mujh Ko Maar Dia.

Ik Sabz Shaakh Gulab Ki Thi, Ik Duniya Apny Khwab Ki Thi,
Wo Ek Bahaar Jo Aai Nahi, Us K Liye Sab Haar Dia.

Ye Saja Sajaya Ghar Sathi Meri Zaat Nahi Mera Haal Nahi,
Ay Kash Kabhi Tum Jaan Sako, Is Sukh Ne Jo Aazaar Dia.

Main Khuli Hui Ik Sachai Mujhy Jan'ny Waly Janty Hen,
Main Ne Kin Logon Se Nafrat Ki Aur Kin Logon Ne Piyar Dia.

Wo Ishq Boht Mushkil Tha Mgr Aasan Na Tha Yun Jeena Bhi,,
Is Ishq Ne Zinda Rehny Ka Mujhy Zarf Dia Pindaar Dia..
,

· 1 Like · May 01, 2016 at 09:05
Category: general
 
Poetry / General

Muzammil Shahzad

Ghuroor Lehjy Mein Aa Gaya To Kalam Mumkin Nahi Rahy Ga

Ye Naam Mumkin Nahi Rahy Ga, Maqam Mumkin Nahi Rahy Ga,
Ghuroor Lehjy Mein Aa Gaya To Kalam Mumkin Nahi Rahy Ga..

Ye Barf Mosam Jo Shehar-E-Jaan Mein Kuch Aur Lamhy Thehr Gaya To..
Lahu Ka Dil Ki Kisi Gali Mein Qayam Mumkin Nahi Rahy Ga..

Wafa Ka Kaghaz To Bheeg Jaye Ga Badgumani Ki Barishon Mein,
Khaton Ki Baaten To Khawab Hon Gi Payam Mumkin Nahi Rahy Ga.

Main Janti Hun Mujhy Yaqeen Hai Agr Kabhi Tu Mujhy Bhula De,
To Teri Ankhon Mein Roshni Ka Qayam Mumkin Nahi Rahy Ga.

Ye Hum Mohabbat Mein La'taaluq Se Ho Rahy Hain To Dekh Lena,,
Duaen To Khair Kon De Ga Salam Mumkin Nahi Rahy Ga..
,

· 1 Like · Apr 29, 2016 at 16:04
Category: general
 
Poetry / General

Muzammil Shahzad

Tanha Ghar Se Bahir Jana Theek Nahi

Tanha Ghar Se Bahir Jana Theek Nahi,
Tum Masoom Ho Aur Zamana Theek Nahi.

Saaf Dilon Ko Phir Se Maila Kr Den Gi,
Guzri Baaton Ko Dohraana Theek Nahi.

Aisi Cheezen Door Se Achhi Lagti Hain,
Chaand Ko Apny Paas Bulana Theek Nahi.

Aao Mery Haath Pe Apna Haath Rakho,
Saail Ko Khali Loutana Theek Nahi.

Rafta Rafta Tabeeren Beh Jati Hen,
Num Aankhon Mein Khawab Sajana Theek Nahi.

Chorr MOHSIN In Pathar Dil Insanon Ko,,
Apny Dil Ka Haal Sunana Theek Nahi..
,

· 1 Like · Apr 29, 2016 at 10:04
Category: general
 
Poetry / General

Muzammil Shahzad

Sagar Se Lab Laga K Bohat Khush Hai Zindagi

Sagar Se Lab Laga k Bohat Khush Hai Zindagi
Sehn-e-Chamn mai Aa k bohat khush hai zindagi

Aa Jao or B Zara Nazdeek Jane Man
Tum Ko Qareeb Pa k Boht Khush Hai Zindagi

Hota Hai Mahal Bhi To Kya Puchhte Ho Phir
Be-wjah Muskura k Boht Khush Hai zindagi

Saahil pe Bhi To Itni Shagufta Rwish na Thi
Tufan K beech Aa k Boht Khush Hai Zindagi

Veeran Dil Hai Aur “Adam Zindagi ka Raqs
Jangal Main Ghar Bana k Boht Khush Hai Zindagi,

· 1 Like · Apr 28, 2016 at 16:04
Category: general
 

Random Post

New Pages at Social Wall

New Profiles at Social Wall

Connect with us


Facebook

Twitter

Google +

RSS