Archives

Poetry / Sad

Aankhain Khuab Dekhti Hain

Aankhain khuab dekhti hain
Kisi say mil janey ka
Ya khud ko kho denay ka
Tanha reh janay ka
Khud ko aar denay ka,
Chahat haar denay ka

Aankhain khuab dekhti hain

Bichray huye lamhon ka
Kisi raastay per mil janay ka
Zakhmon kay sil janey ka
Zamanay kay guzer janay ka
Khuab kay hasil ki haqeeqat ka
Haqeeqat ka khuwab main tehleel honay ka
Bikhray khuabon ki takmeel ka
Tum to khud ik khuwab ho
Husn ka, jawani ka
Ik dard bhari kahani ka...

· 1 Like · 3 Hours Ago
Category: sad
 
Poetry / Sad

Suno Tum Laut Aao Na

Suno Tum laut aao na.
Wo dekho chand nikla hai.
Hamari muntazir ankhein,
Duain maangti ankhein.
Tumhein sochti ankhein,
Tumhein dhondti ankhein,
Tumhein wapis bulati hain,
Ye Dil jab bhi Dharakta hai.
Tumhara naam layta hai.
Ye aansu jab bhi behtay hain.
Tumharay Dukh main behtay hain.
K barish jab bhi hoti hai.
Tumhein yaad kartay hain.
Khushi koi jo aaye bhi.
Tumharay bin adhuri hai.
Suno tum laut aao na.
wo dekho chand nikla ha...

· 1 Like · 9 Hours Ago
Category: sad
 
Poetry / Sad

Bheer Men Chaaron Taraf Chehrey Anjaaney Miley

Bheer men chaaron taraf chehrey anjaaney miley
Merey apney aaj mujh sey ban k baigane miley

Tha bharosa doston par itna k mujh sey na pooch
Jin k haathon men thay pathar log pehchanay miley

Ban k marham waqt hi bharta hai har ek zakham ko
Jesey jesey waqt beeta zakham puraney miley

Kis k aagay rotay or sunatay apni dastaan
Basti thi ujri hui sunsaan thikanay miley

Ab na maangen gey Illahi zindagi ki bhek hum
Ishq men shamma ke yeh kehtey huey parwanay miley

Dil diya tha naaz sey jis jis ney apni jaan ko
Chund tootay dil k tukray unko nazranay miley

Maazi ki yaad men sab doobay huey thay es qadar
Khawab terey shehar k sab log deewaney miley...!

· 1 Like · 16 Hours Ago
Category: sad
 
Poetry / Sad

Tum Ne To Ibadat Ka Tamasha Bana Diya

Safar-E-Wafa Ki Raah Mein Manzil Jafa Ki Thi,
Kaghaz Ka Ghar Bana K Bhi Khawahish Hawa Ki Thi

Thi Jugnuon K Shehr Mein Taron Se Dushmani,
Mashooq Chand Tha Aur Tamanna Subha Ki Thi

Tum Ne To Ibadat Ka Tamasha Bana Diya,
Chahat Namaz Ki Thi Per Aadat Qaza Ki Thi,

Maine To Zindagi Ko Tere Naam Likha Tha,
Shayad Mgr Kuch Aur Hi Marzi Khuda Ki Thi,

Dard He Dena Tha To Pehle Bata Detay,
Hum Ko Bhi Azal Se He Tamana Saza Ki Thi...!!!

· 2 Like · 22 Hours Ago
Category: sad
 
Poetry / Sad

Badal Saka Na Judai K Gham Utha Kar Bhi

Badal saka na judai k gham utha kar bhi
K main dhokay main hi raha tujh say door ja kar bhi

Main sakht jaan tha es qurb say b bach nikla
Main jee raha hoon tujhe hath say ganwa kar bhi

Khuda kare tujhe doori hi raas ajaye
Tu kya kare ga bhala ab yahan par aa kar bhi

Abhi tu mere bikharne ka khail baqi hai
Main khush nahi hoon abhi apna ghar lota kar bhi

Abhi tu us ne koi bhi faisla na kiya
Wo chup hai mujhko har tarha say aazma kar bhi

Wo aur log the jin ka ajaz haal howa
Hume tu kuch na mila apna ap mita kar bhi

Khula ye bhaid k tanhaiyan hi qismat hain
Ek umar dekh liya mehfilein saja kar bhi

Ghazal kehne pay bhi sochoon ka bojh kam na howa
Sakoon na mill saka ahwal-e-dil suna kar bhi

Ruka na zulm mere rakh banne par bhi Riyaz
Hawa ki khoj tu wahi hai mujhe jala kar bhi...!

· 1 Like · 1 Days Ago
Category: sad
 
Poetry / Sad

Tum Bhi Aao Na Mujhey Had Sa Guzarta Daikho

tum bhi aao na mujhey had sa guzarta daikho
apni ankhon sa aik ajnabi pe marta daikho

me aise hi tanhai me nhi roya kerti
aao mare angan ko baharon main ujarta daikho

kis qadar pyar se hawaon ne chua tha jissay
aao us phool ko baharon main bikharta daikho

yun na samjho gay mare shiddat-e-jazbat ko
meri raton ko bas tanhai main guzarta daikho...!

· 1 Like · 1 Days Ago
Category: sad
 
Poetry / Sad

Tamanna Le K Ulfat Ki Mere Aangan Main Wo Aaya

Tamanna le k ulfat ki mere aangan main wo aaya
MOHABBAT Rog hai Dil ka Usay yeh meine samjhaya

Kaha us ne Mohabbat kar shareek-e-Gham bana MUJH ko
Karonga Main Zamanay ki khushi se Aashna TUM ko

Hua Majboor main yaro kiya Iqraar ulfat ka
Laga di JAAN ki bazi samajh kar khel Qismat ka

Hui Maloom phir Uski haqeeqat yeh Zamanay se
Usay taskeen milti hai Kisi ka DIL dukhane se...!

· 2 Like · 1 Days Ago
Category: sad
 
Poetry / Sad

Kaha Tha Naa

Kaha tha naa...!!
Meri khamoshi ko...
Tum koi maani nahi daina...
Judai ki sabhi baatein...
Meri ankhon main parh laina...
Meri es muskurahat main...
Agar mehsoos kar pao...
Tu...
Meray aansoon ki tum...
Nami mehsoos kar laina...
Kaheen jo reh gayi hai...
Woh kami mehsoos kar laina...
...
Meri sochein...
Meray alfaz ka jab roop laiti hain...
Tumhara aks banta hai...
Meri neendon main jab jab...
Ratjago kay deep jaltay hain...
Tumhara zikr chalta hai...
Tumhari yaad maazi kay dareechay khol daiti hai...
Tumhari shabnami aahat yeh mujh say bol daiti hai...
Kaha tha naa...!!
Hamaray darmiyan yeh faaslay...
Qismat main likhein hain...
Aur es qismat kay likhay ko...
Badal tum bhi nahi sakti...
Badal main bhi nahi sakta...
Magar...
Mushkil yehi hai...
Hijr kay pur paich raston par...
Sambhal tum bhi nahi sakti...
Sambhal main bhi nahi sakta...
Tou behtar hai kay...
Ham ek dosray ki yaad kay hamrah ho jayen...
Kay ab kay es mohabbat say...
Nikl tum bhi nahi sakti...
Nikl main bhi nahi sakta...
Suno Jaana...!!
...
Tumhari shabnami aahat...
Meray andar dharakte hai...
Magar...
...
Jab khamoshi say tum koi maani nahi laiti...
Tou yeh dil rooth jata hai...
Meray andar kaheen par kuch...
Achaanak toot Jata hai...!!

· 2 Like · 1 Days Ago
Category: sad
 
Poetry / Sad

Main Aadhay Tirchay Khayal Sochon

Main aadhay tirchay khayal sochon...
Kay be irada kitaab likhon...
Koi shanasa ghazal trashon...
Kay ajnabi intasab likhon...
Ganwa do ek umar kay zamanay...
Kay ek ek pal ka hisaab likhon...
Meri tabiyat par munhasir hai...!!
Kay jis tarha ka bhi nisaab likhon...
Yeh meray apnay mizaj par hai...
AZAAB sochon, sawaab likhon...

Taveel tar hai safar, tumhay kya...??
Main ji raha hon magar, tumhay kya...??
Tumhay kya kay tum tou kab say...
Meray iraday ganwa chukay ho...
Jala kay saaray huroof apnay...
Meri duaen bujha chukay ho...
Suna hai sab kuch bhula chukay ho...

Tu ab meray dil pay yeh jabr kaisa...??
Yeh dil tou hadd say guzar chuka hai...
Guzar chuka hai magar tumhay kya...??
Khizaan ka mausam thehr chuka hai...
Thehr chuka hai magar tumhay kya...??
Tumhay kya kay es khizaan main...
Main Jis tarhe kay bhi khowab likhon...!!

· 1 Like · 2 Days Ago
Category: sad
 
Poetry / Sad

Suno Jana

Suno jana..!
humeiN jab sey mila hey ye sandesa..
Ab Judaai hey
humaari aankh k aansoo
taRaptay dil ki noha gari karti ye dhaRkan
Bikharti saans ka resham
merey haathoN ki ye larzish
Meri baatoN ka toota pan
merey hontoN ki neeli chup
ragoN meiN barf banta ye lahu mera
meri bikhri huwi neendoN ki kul poonji
adhooray khawaab sab merey
(tumhaarey lams ki khaahish)
tamanaoN k tootey Aainey saarey
merey kamrey meiN bikhrey heiN
mujhey har pal adhoori mout detey heiN…..
magar………
meiN kitni be-bass hooN
k kuch bhi kar nahi sakti
bicharney sey zara pehley
mukamal mar nahi sakti...!

· 1 Like · 2 Days Ago
Category: sad
 
Aey Udasi
Posted by meena kumari
Posted on : Nov 08, 2015

Random Post

New Pages at Social Wall

New Profiles at Social Wall

Connect with us


Facebook

Twitter

Google +

RSS