ڈالر کی شرح تبادلہ بہتری،سونااور خام تیل کی قیمتوں میں نمایاں کمیلندن …عالمی کرنسیوں کے مقابلے میں ڈالر کی شرح تبادلہ بہتر ہونے کی وجہ سے سونے اور خام تیل کے ساتھ ساتھ دیگر کموڈٹیز کی قیمتوں میں کمی دیکھی جارہی ہے۔ غیر ملکی ذرائع ابلاغ کے مطابق سال2009کے مقابلے میں سال2010 کے آغاز پر ڈالر کی قدر میں دیگر کرنسیوں کے مقابلے میں شرح تبادلہ بہتر ہوئی ہے جس کی وجہ سے سونے اور خام تیل کی قیمتوں میں نمایاں کمی دیکھی جارہی ہے۔عالمی مارکیٹ میں سونے کی قیمت میں اپنی بلند ترین سطح کے مقابلے میں15 فیصد کمی ہوئی ہے جبکہ خام تیل کی قیمت10 فیصد کمی کے بعد71ڈالر کے قریب ہے۔ ماہرین کا کہنا ہے کہ امریکی معیشت میں یورپ کے مقابلے میں زیادہ بہتری نظر آرہی ہے، اور اسی وجہ سے ڈالر عالمی کرنسی مارکیٹ میں ایک مرتبہ پھر بہتری آرہی ہے اور آنے والے دنوں میں ڈالر مزید مضبوط ہوگا جس کا منفی اثر سونے اور خام تیل کے ساتھ ساتھ دیگر کموڈٹیز کی قیمتوں میں کمی دیکھی جاسکتی ہے۔
