Ham tujh se kis hawas ki falak justaju karen

Ham tujh se kis hawas ki falak justaju karen
Dil hi nahin raha hai jo kuchh arazu karen

MiT jayain ek an main kasarat namayan
Ham aine ke samane a kar jo hu karen

Tar-damani pe sheiKh hamari na jaio
Daman nichor den to farishte wazu karen

Sar ta qadam zaban hai jun shama go ke ham
Par yai kahan majal jo kuchh guftagu karen

Har chand aina hun par itana na qabul
Munh pher le wo jisake mujhe ru-ba-ru karen

Ne gul ko hai sabat ne ham ko aitabar
Kis bat par chaman hawas-e-rang-o-bu karen,