Poetry / Love

usay jab yaad aaye ga, ke saawan laut aaya hay
bula le ga wo mujh ko ya khud hi laut aaye ga

usay jab yaad aaye ga, main kaise muskuraata tha
to aankhein muskurayen gi, ya daaman bheeg jaaye ga

usay jab yaad aaye ga, main kaise naam leta tha
to mera naam likhe ga, ya apna bhi mitaaye ga

usay jab yaad aaye ga, mera khaamosh sa rehna
to sab ko bol de ga wo ya khud se bhi chupaaye ga

usay jab yaad aaye ga, mera nange sar phirna
to bijli ban ke karkay ga, ya baadal ban ke chaaye ga

usay jab yaad aaye ga, mera chalna, mera phirna
to raah mein khaar boye ga, ya phir palkein bichaye ga

Advertisement
· 1 Like · Jun 13, 2017 at 14:06
Category: love
 

Latest Posts in poetry

Kick: Hai Yehi Zindagi
Posted by Bollywood Music Videos
Posted on : Jan 06, 2018

Random Post

New Pages at Social Wall

New Profiles at Social Wall

Connect with us


Facebook

Twitter

Google +

RSS