Poetry / Love

Abdul Rehman Rehman

Kal hamesha ki tarha uss ney kaha ye fone par

Mein buhut masroof hoon mujh ko buhut sey kaam hain



Iss liye tum aao milney mein tou aa sakti nahi

Har riwayat torh kar iss baar mein ney keh diya



Tum jo ho masroof mein bhi buhut masroof hoon

Tum jo ho mashoor tou mein bhi buhut maroof hoo



Tum agar ghamgeen ho mein bhi buhut ranjoor hoo

Tum thakan sey choor tou mein bhi thakan sey choor hoon



Jan-e-mann hai waqt mera bhi buhut hi qeemti

Kuch puraney dostoon ney milney aana hai abhi



Mein bhi ab farigh nahi mujh ko bhi lakhon kaam hain

Warna kehney ko tou sab lamhey tumharey naam hain



Meri aankhein bhi buhut bojhal hain sona hai mujhey

Rat'jagon key baad ab neendon mein khona hai mujhey



Mein lahoo apni anaoo ka baha sakta nahi

Tum nahi aati tou milney mein bhi aa sakta nahi



Uss ko ye keh kar wasi mein ney reciever rakh diya

Aur phir apni ana key paaon peh sar rakh diya.



Wasi Shah

Advertisement
· 3 Like · Feb 27, 2019 at 21:02
Category: love
 

Latest Posts in poetry

Zindagi ka Falsafa
Posted by farhan bilal
Posted on : Nov 04, 2018

Random Post

New Pages at Social Wall

New Profiles at Social Wall

Connect with us


Facebook

Twitter

Google +

RSS