Poetry / Love


Aankhon Main Baaqi Reh Gaye, Ab Teray Khad o Khaal Se
Lub Pe Hain Kuch Sawal Se, Dil Main Hain Kuch Malaal Se

Tu Jo Gaya To Yuun Laga, Tanha Hoon Kainaat Main
Raatain Thaki Thaki Meri, Din Bhi Meray Nidhaal Se

Itne Qareeb Hoon Teray, Rasta Na Wehem Ko Milay
So jao Teray Hisaar Main, Jagoon Teray Jamal Se

Mujh Ko Hain Kaam Aur Bhi, Kuch To Karo Mera Khayal
Aatay Ho Jab Khayal Main, Jatay Nahi Khayal Se

Tujh Si Haseen Ghazal Koi, Mujh Sa Ghazal Sara Koi
Dunia Main Ho Ager Kaheen, Waazeh Karo Misaal Se

Uss Se Gila Ay Dosto, Itna Sa Hai Ke Wo Mujhe
Samjha Nahi Hai Aaj Tak, Ghaafil Hai Meray Haal Se

Advertisement
· 1 Like · Jun 17, 2017 at 02:06
Category: love
 

Latest Posts in poetry

Colorfull
Posted by Simran Chaudhry
Posted on : May 13, 2019

Random Post

New Pages at Social Wall

New Profiles at Social Wall

Connect with us


Facebook

Twitter

Google +

RSS