Poetry / General

Muzammil Shahzad

Sitaara Apni Bhi Taabindagi Na Dekh Sakaa
Vo Dhundh Thi K Ye Manzar Koi Na Dekh Saka

Talaash Karte Hue Ungaliyaan Jalaa Daalin
Vo Teergi Thi Ki Main Shama Bhi Na Dekh Saka

Mila Tha Shaam Mujhe Ik Bujha Hua Suraj
Main Us Ke Baad Phir Raushani Na Dekh Saka

Jo Rabt Baqi The Sab Qataa Kar Liye Us Ne
Vo Meharabaan Merii Bechaargi Na Dekh Saka

Nigaah Vaise To Baam-E-Falak Ko Chu Aai
Main Jis Zameen Pe Khara Tha Vahi Na Dekh Saka

Vahi Hai Aainaa Khaana Vahi Hain Tasveeren
Main Umr Bhar Koi Surat Nayi Na Dekh Saka

Tamaam Shahar Men Vo Deeda var Hua MashHoor
Vo Apni Naak Se Aage Kabhi Na Dekh Saka

Advertisement
· 1 Like · Oct 16, 2015 at 11:10
Category: general
 

Latest Posts in poetry

agar sooraj na niklay to kya hoga?
Posted by sadaf zeeshan
Posted on : Jul 30, 2018

Random Post

New Pages at Social Wall

New Profiles at Social Wall

Connect with us


Facebook

Twitter

Google +

RSS