Poetry / General

Madiha Sultan

Kaisay Aaye Ga Tere Khad O Khaal Ka Mausam

Kaisay Aaye Ga Tere Khad-o-Khaal Ka Mausam ?
Qismaton Mein Jab Likha Hai Zawaal Ka Mausam
Kis Ne Khail Khaila Hai Kis Ne Hijr Jhaila Hai
Ab Guzar Gaya Jaanan Is Sawaal Ka Mausam
Kis Tarah Se Mumkin Tha Ik Shaakh Per Khiltay
Mein Ke Hijr Ka Lamha, TU Visaal Ka Mausam
Dil Ke Ab Tou Sehra Hai Aur Aisay Sehra Mein
Jaanay Kab Talak Thehre Ab Malaal Ka Mausam
Aaj Tak Bhi Thehra Hai Dil Ki Rehguzaaron Per
Tere Lams Ka, Tere Khad-o-Khaal Ka Mausam
Hum Kubhi Tou Dekhain Ge Wehshaton Ke Sehra Mein
Ay Khuda Mohabbat Ke Aitedaal Ka Mausam.

#peotry

· 14 Like · Apr 03, 2018 at 16:04
Category: general
 
Poetry / General

Sana Dimple

Kahbi Yeh Chup Main Kabhi Meri Baat Baat Main Tha

Kahbi yeh chup main kabhi meri baat baat main tha,
Tumhara akss meri saari kayenaat mein tha,
Hum ehl-e-ishq bohat bd’gumaan hote hain,

· 9 Like · Apr 03, 2018 at 04:04
Category: general
 
Poetry / General

Safia Saeed

Hamar Khoon Bhi Shamil Hai Tazeen E Gulistan Mein

· 7 Like · Nov 16, 2018 at 10:11
Category: general
 
Poetry / General

Obaidullah Khan

Hai Mohabbat Azaab, Barbaadi

Hai Mohabbat Azaab, Barbaadi
Dil Ko Ye Baat Kis Ne Samjha Di ?
Be-Wafai Ne Khaak Kar Daali
Chaahaton Ki Hari Bhari Daali
Ik Shab Vasl Ki Guzaarish Thi
Os Ne Tasveer Apni Bhijvadi
Tere Gham Ki Jazeerah-e-Dil Mein
Phailti Jaa Rahi Hai Aabaadi
Kis Qadar Baanjh Hoti Jaati Hai
Takht-e-Ikhlaas Teri Shehzaadi
Waqt Zaalim Tha Meri Har Khwaahish
Os Ne Deewaar-e-Gham Mein Chunwa Di.

#poetry #mohabbat

· 6 Like · Apr 01, 2018 at 08:04
Category: general
 
Poetry / General

Samra Mushtaq

Asi Nazuk Dil De Log Han, Sada Dil Na Yar Dukhaya Kar

asi nazuk dil de log han, sada dil na yar dukhaya kar
na jhuty wady kita kar,na jhuti kasmaan khaya kar
tenu kinni wari mein akhaya ay, menu wal wal na azmaya kar
teri yaad de wich mein mar ja saan, menu aina yaad na aya kar

#BullehShah

· 5 Like · Apr 30, 2018 at 14:04
Category: general
 
Poetry / General

Samra Mushtaq

Tum Ko Shohrat Ho Mubarak Hamien Ruswa Na Karo

Tum ko Shohrat Ho Mubarak Hamien Ruswa Na Karo..
Khud Bhi Bik Jao Gay Ek Roz Ye Soda Na Karo..

Shoq Say Parda Karo Parda Hay Wajib Lekin..
Meri Qismat K Andheroon Mien Izafa Na Karo..

Choom Lene Do Rukh-e-yar Ko Je Bhar Ke Humein,
Zindagi Pyar Hai Tum Pyar Se Humein Roka Na Karo..

Koshihien Karny Say Haalaat Badal Jaty Hien....
Khud Bigari Huwi Taqdeer Ka Shikwa Na Karo..

· 4 Like · Feb 06, 2018 at 20:02
Category: general
 
Poetry / General

Muzammil Shahzad

Nahi Milta

dil mujh say teraa haaye sitamgar nahi milta
mar jaoon gala kaat kay khanjar nahi milta

do din bhi kisi say woh barabar nahi milta
yeh aur qiyamat hai k mil kar nahi milta

ya tark-e-mulaqaat ki kho ho gayi in ko
ya yeh hai k mujh say koi behtar nahi milta

ay kash hum ab thokrain kha kar he sambhalte
sar militay hain is koochy mein pathar nahi milta

zahid ne udaaye tou sifaat malkooti
hazrat ka firshton say abhi par nahi milta

inkaar say umeed hai, iqraar say hai yaas
jab wada kya phir woh muqarrar nahi milta

kya puchhte ho bazm mein kya dhoundh rahay ho
lo saaf bata dun dil-e-muztar nahi milta

tasweer tou paida hai musawir nahi paida
ainaa tou milta hai sikander nahi milta

har aablay mein khaar hai har zakhm mein
milnay say meri jaan koi kiyon kar nahi milta

kiyon kar nah marain mout pe bemaar muhabbat
aisa yeh maza hai k mukarrar nahi milta

kya eid kay din bhi ramzan hai k jo saqi
mujh ko nahi milta koi saghar nahi milta

mehfil mein tari eid kay din mairay galay say
woh kon sa fitnah hai jo uth kar nahi milta

parwanay ka bhi waqt hai bulbul ka bhi mousam
marta hon jo mashooq gharri bhar nahi milta

ya rab marey ashqon say na taseer juda ho
is qaafley say koi bicher kar nahi milta

har waqt parhay jatay hain kiyon daagh kay ashaar
kya tum ko koi aur sukhan war nahi milta

· 4 Like · Jan 18, 2018 at 07:01
Category: general
 
Poetry / General

Muzammil Shahzad

Ab K Muqabile Pe

Vafaa ke bhes men koi raqeeb-e-shahar bhi hai
Hazar! ke shahar ke qaatil tabib-e-shahar bhi hai

Vahi sipaah-e-sitam Khemaazan hai chaaron taraf
Jo mere baKht mien thaa ab nasib-e-shahar bhi hai

Udhar ki aag idhar bhi pahuNch na jaaye kahin
Havaa bhi tez hai jangal qarib-e-shahar bhi hai

Ab us ke hijr mien rotey hain us ke ghaayal bhi
Khabar na thi ke vo zaalim habib-e-shahar bhi hai

Ye raaz naaraa-e-mansoor hi se ham pe Khulaa
Ke choob-e-minbar-e-masjid salib-e-shahar bhi hai

Kari hai jang ke ab ke muqaabile pe `Faraz`
Ameer-e-shahar bhi hai aur khateeb-e-shahar bhi hai

· 3 Like · Nov 22, 2015 at 06:11
Category: general
 
Poetry / General

Waqt Nahi

WAQT NAHI
Har khushi Hai Logon Ke Daman Mein
Par Ek Hansi Ke Liye Waqt Nahi.
Din Raat Daudti Duniya Mein
Zindagi Ke Liye Hi Waqt Nahi.

Maa Ki Loree Ka Ehsaas To Hai
Par Maa Ko Maa Kehne Ka Waqt Nahi.
Saare Rishton Ko To Hum Maar Chuke
Ab Unhe Dafnane Ka Bhi Waqt Nahi.

Saare Naam Mobile Mein Hain
Par Dosti Ke Lye Waqt Nahi.
Gairon Ki Kya Baat Karen
Jab Apno Ke Liye Hi Waqt Nahi.

Aankhon Me Hai Neend Bhari
Par Sone Ka Waqt Nahi.
Dil Hai Ghamon Se Bhara Hua
Par Rone Ka Bhi Waqt Nahi.

Paison ki Daud Me Aise Daude
K Thakne ka Bhi Waqt Nahi.
Paraye Ehsason Ki Kya Kadr Karein
Jab Apne Sapno Ke Liye Hi Waqt Nahi.

Tu Hi Bata ae Zindagi
Iss Zindagi Ka Kya Hoga,
K Har Pal Marne Walon Ko
Jeene Ke Liye Bhi Waqt Nahi

· 3 Like · Jul 06, 2015 at 05:07
Category: general
 
Poetry / General

Muzammil Shahzad

Mujhay Aur Kahin Le Chal Sanwal

Mujhay aur kahin le chal sanwal

jahan raat kabhi b soi na ho
jahan subah kissi peh roi na ho
jahan hijer ne wehshat boi na ho
jahan koi kissi ka koi na ho

Mujhay aur kahin le chal sanwal

jahan shaher hoon sare wairane
jahan loog sabhi hoon baigane
jahan sab k sab hoon dewane
jahan koi humain na pehchane

Mujhay aur kahin le chal sanwal

jahan nafrat dil mein bus na sake
jahan koi kissi ko duss na sake
jahan koi kissi peh hunss na sake
jahan koi b gunjal kuss na sake !

Mujhay aur kahin le chal sanwal

jahan dard kissi ko raas na ho
jahan koi b uddas na ho
jahan zulmat ki boo baas na ho
jahan tou b ziada pass na ho

Mujhay aur kahin le chal sanwal

· 3 Like · Feb 09, 2015 at 18:02
Category: general
 
Saba Qamar Different Faces
Posted by farah gulzar
Posted on : Jul 12, 2018

Random Post

New Pages at Social Wall

New Profiles at Social Wall

Connect with us


Facebook

Twitter

Google +

RSS