Poetry / General

Muzammil Shahzad

Mairay Sathi

Uss nay mujh say kaha
Mairay saathi!
Tum ko mujh say gilla kia hay!
Kabhi fursat milay to yeh soacho
Manzilain kyun hain? Faaslay kia hain?
Apnay apnay safar peh niklay loag
Mushtarik raastoan parr chaltay hain
Hamrahii kay hisaar main jitnay
Dinn nikaltay, charaagh jaltay hain
Sabb kii aankhoan main jilmilaatay hain
Apni apni umeed kay darr o baam
Zindagi k safar main miltay hain
Mustakil dard, aarzi aaraam!
Tum mairay hamsafar to ho laikin
Hum kaheein say bicharr bhi saktay hain
Dair tak ikk taweel rastay parr
Saath to ajnabii bhi chaltay hain!!!!

· 1 Like · 4 Days Ago
Category: general
 
Poetry / General

Muzammil Shahzad

Jug Jeet Gaya

Ab Yaad Dilayen Kia Tumhain

Yeh Saal Bhi Akhir Beet Gaya

Aur Apna Bhi Koi Dosh Nahi

Ye Baazi Bhi Jug Jeet Gaya

Woh Sard Hawaen Ab Bhi Hain

Rangeen Fizaen Ab Bhi Hain

Woh Bheegay Bheegay Pani Ki

Pur Shor Sadayen Ab Bhi Hain

Main Ab Bhi Udhar Ko Jata Hun

Aur Dil Apna Sulghata Hun

Ab Tum Nahi Hoote Saath Mere

Hote Hain Khali Haath Mere

Pur Shor Sadayen Poochti Hain

Woh Sard Hawaen Poochti Hain

Woh Kahan Gaya Saathi Tera

Kia Phir Se Yeh Jug Jeet Gaya

· 1 Like · Apr 12, 2019 at 02:04
Category: general
 
Poetry / General

Muzammil Shahzad

Mohabbat Hum Se Karni Hai

Muhabbat Hum Se Karni Hai Tu Phir Wada Nahi Karna

Yeh Waday Hum Ne Daikhe Hain K Aksar Toot Jaate Hain

Muhabbat Hum Se Karni Hai Tu Phir Zid Bhi Nahi Karni

Yeh Zid Bhi Hum Ne Daikhi Hai K Saathi Ch’hout Jaate Hain

Muhabbat Hum Se Karni Hai Tu Phir Tohfa Nahi Daina

Yeh Tohfay Hum Ne Daikhe Hian Buaht Majboor Karte Hain

Muhabbat Hum Se Karni Hai Tu Phir Shikwa Nahi Karna

Yeh Shikway Hum Ne Daikhe Hain Dilon Ko Door Karte Hain

· 2 Like · Apr 10, 2019 at 18:04
Category: general
 
Poetry / General

Shahid Baig

Thodaa Saa Sidhaa Aur Thodaa Shaitaan Hoon

Thodaa saa sidhaa aur thodaa shaitaan hoon,
Thodaa saa chalaak to thodaa naadaan hoon,

Aksar hi maiN apna aks badalta raheta hoon,
Ek pal banu dhaara to duje mein aasmaan hoon,

Apne banaye usooloN peh hi jeeta aaya hoon,
Duniyaa ke riwaajoN se bilkul anjaan hoon,

Har dil mein apni alag si jagah banata hoon,
Kisi ka kooredan to kisi ke liye jahaan hoon,

Meri zindagi ki kitaab ke do hi safhay milenge,
Pahlay peh nek dil aur aakhari peh insaan hoon.

· 2 Like · Feb 24, 2019 at 07:02
Category: general
 
Poetry / General

Qaum K Paas Agar Thora Sa Mind Hota?

Qaum k paas agar thora sa mind hota

Hukamran apna na aisa bhi blind hota

Jab bhi woh hans k mila karta mujhye farhatje

Kuch na kuch peeich zaroor is k behind hota

Tu bhi aankhon main liye phirta kisi dard ki reet

Tera bhi khawab mere dukh main grind hota

A gaya hota agar aik bhi aankhon wala

Sheher ka sheher to aise na blind hota

Mahirbanon k nagar main,main khara sochta houn

Kaash woh shaks bhi mere liye kind hota

· 1 Like · Jan 16, 2019 at 03:01
Category: general
 
Poetry / General

Vickey

Zindagi Hai Choti

Zindagi hai choti, har pal mein khush raho...

Office me khush raho, ghar mein khush raho...

Aaj paneer nahi hai, dal mein hi khush raho...

Aaj gym jane ka samay nahi, do kadam chal ke hi khush raho...

Aaj Doston ka sath nahi, TV dekh ke hi khush raho...

Ghar ja nahi sakte to phone kar ke hi khush raho...

Aaj koi naraaz hai, uske iss andaz mein bhi khush raho...

Jise dekh nahi sakte uski awaz mein hi khush raho...

Jise paa nahi sakte uski yaad mein hi khush raho

Laptop na mila to kya, Desktop mein hi khush raho...

Peter Scotch Nahi To Kya Hua Royal Stag Main Hi Khush Raho...

Hanste hanste ye pal bitengey, aaj mein hi khush raho

· 1 Like · Dec 31, 2018 at 18:12
Category: general
 
Poetry / General

Safia Saeed

Hamar Khoon Bhi Shamil Hai Tazeen E Gulistan Mein

· 7 Like · Nov 16, 2018 at 10:11
Category: general
 
Poetry / General

Mian Chandio

Ye Dil Ka Rog Ye Chahat Khuda Kisi Ko Na De

Ye dil ka rog ye chahat khuda kisi ko na de
buri bala hai mohabbat, khuda kisi ko na de

· 0 Like · Nov 11, 2018 at 23:11
Category: general
 
Poetry / General

Asma Altaf

Pyar Bhi Karna, Zamaney Se Bhi Ghanrana Bohat

Pyar bhi karna, zamaney se bhi ghanrana bohat,
Aayino’n ka ghar banana aur pathar sochna

· 1 Like · Nov 01, 2018 at 00:11
Category: general
 
Poetry / General

Haseeb Raza

Dil Munaafiq Tha, Shab E Hijr Mein Soya Kese

Dil munaafiq tha, shab-e-hijr mein soya kese
Aur jab tujh se mila, toot ke roya kese

· 0 Like · Oct 31, 2018 at 18:10
Category: general
 
You Have Just To Learn
Posted by Mohammad Yaseen
Posted on : May 19, 2016

Random Post

New Pages at Social Wall

New Profiles at Social Wall

Connect with us


Facebook

Twitter

Google +

RSS