Poetry / Political

Muzammil Shahzad

Shoes Shop

Nahi Tera Nashiman White House K Aiwanon Par
Tu Bush Hai Basera Kar Jooton Ki Dukanon Par

· 1 Like · Apr 20, 2019 at 13:04
Category: political
 
Poetry / Political

Muzammil Shahzad

Basathwan Saal

awam bud haal to hukmran mala maal
hogaya arz watan to bilkul kangaal

luttay luttay ye to hona he tha ik din
iss mulk ka hai aakhir ye basathwan saal

· 1 Like · Apr 20, 2019 at 07:04
Category: political
 
Poetry / Political

Muzammil Shahzad

Musharraf

khawab jitney be hum nay daikhe thay
woh saaray he dhaage kachay thay

waqt bure say bura aa reha hai abhi
shah musharaf he hum ko achay thay

· 1 Like · Apr 20, 2019 at 00:04
Category: political
 
Poetry / Political

Muzammil Shahzad

Zulm Ki Raat K Baad

Nisf Sadi Hone Ko Aaei
Mera Ghar Aur Meri Basti
Zulm Ki Aag Mein Jal Jal k Raakh Mein Dhalte Hain
Mere Log,Mere Bache
Khuwabon Aur Sarabon Ke Ik Jaal Mein Uljhe
Kattay Marte Jate Hain
Charon Janib Lahoo Ki Daldal Hai
Gali Gali Tazeer Ke Pehre,Koocha Koocha Maqtal Hai
Aur Yeh Dunya
Aalamgeer Akhuwat Ki Taqdees Ki Pehredar Yeh Dunya
Hum Ko Jalte,Kattay,Marte
Dekhti Hai Aur Chup Rehti Hai
Zor Aawar Ke Zulm Ka Saya Pal Pal Lamba Hota Hai
Wadi Ki Har Sham Ka Chehra Khoon Mein Lathra Hota Hai
Lekin Yeh Jo Khoon-E-Shaheedan Ki Shamen Hain
Jab Tak In Ki Loien Salamat
Jab Tak In Ki Aag Farozan
Dard Ki Aakhri Hud Peh Bhi Yeh Dil Ko Sahara Hota Hai
Har Ik Kali Raat Ke Peeche Ek Sawera Hota Hai

· 1 Like · Apr 19, 2019 at 17:04
Category: political
 
Poetry / Political

Muzammil Shahzad

Chahra Badla , Kirdaar Wahi Hai

chehra badla ، qirdar wohi hai
hum peh qabiz ghaddar wohi hai

kufr kay haath bakka hai jo bhi
qabeelay ka apnay sardar wohi hai

dehshat gardee ki jaari jung hai
beopari badla ، beopaar wohi hai

wohi hain maslay jo darpaish thay phley
dariya badla ، manjhdhar wohi hai

apnon ko beech rahay hain apnay
yousaf nahi hai ، bazaar wohi hai

· 1 Like · Apr 19, 2019 at 11:04
Category: political
 
Poetry / Political

Muzammil Shahzad

Haan Me Ghaddar Hoon

mujh ko phanci charha dou mita dou mjhy
qatl mein zindah jila dou mjhy
mein hoon mansoor suli charha dou mjhy
iss say barh kar bhi hai to saza dou mjhy

han mein ghaddar hoon aisay jamhoor ka
gham kay manshoor ka kale dastoor ka

patharon ki tarah kaisey zindah rahon
zulm sehta rahon moun say kuch nah kahoon
qatl insaan ki baat kaisey karoon
aisay dastoor kay saath kaisey chaloon

han mein ghaddar hoon aisay jamhoor ka
gham kay manshoor ka kale dastoor ka

mujh ko mara gaya mujh ko petta gaya
mujh ko sadakon peh jabran gaya
kya khataa thi meri keb ye pocha gaya
mujh ko baghi mein likha gaya

han mein ghaddar hoon aisay jamhoor ka
gham kay manshoor ka kale dastoor ka

phool kalyon ki chadar kahan kho gayi
baad zulmat chaman mein ye kya bo gayi
mousam gul mein taari khizan ho kai
gul peh daikho saba ro gayi

han mein ghaddar hoon aisay jamhoor ka
gham kay manshoor ka kale dastoor ka

· -1 Like · Apr 19, 2019 at 05:04
Category: political
 
Poetry / Political

Muzammil Shahzad

Aao Shahido Sair Karen

Aao Shahido Sair Karain Tum Ko Pakistan Ki
Jis Ki Khatir Tum Nay Di Qurbani Lakhon Jan Ki

Bum Dhmakon Aur Khud Kush Hamlon Ka Hain Bazar Yahan
Roab Sadarat Aur Jalan Ka Sab Kay Sar Par Khab Yahan

Boorhi Lagti Hai Muravat Nafrat Ka Har Vaar Jaman
Betee Pal Bas Yaden Hain Ab Asy Din Aur Raat Kahan

Asa Lagta Hai Sipah Utri Hai Yahan Khakhan Ki
Kasy Tum ko Sair Karain Apne Pakistan Ki

Bolo Shahido O Shahido Kyon Banaya Pakistan
Nara Ye Tum Ne Kyon Lagaya Lay Ke Rahen Gay Pakistan

Apni Janat Apna Ghar Hi Kahlaye Ga Pakistan
Aik Hi Dhun Thi Pakistan Pakistan Pakistan

Watan Mai Basnay Valon Nay Is Ki Tabahi Thaan Li
Kasy Tum Ko Sair Karain Pory Pakistan Ki


AMIR LIAQAT

· 1 Like · Apr 18, 2019 at 22:04
Category: political
 
Poetry / Political

Muzammil Shahzad

Safar Kathin He Sahi

Safar Kathan Hi Sahi Jan Se Guzrna Kia
Jo Chal Perain To Ab Rah Main Tehrna Kia

Chal Parain Hain Apni Manzil Ki Janib Hum
Cheen Lain Ge Kafir Se Ab Apna Mulk

Phir Buland Karain Ge Islam Ka Parcham Sare Jahan Main
Itne Karib Akar Ab Humain Kisi Se Darna Kia

Jis Ne Ye Jhosh Dilaya Hai
Wo Hi Himmat Bhi Deta Hai

Osi Ne Jeetna Bhi Sikhaya Hai
Fatah To Musalmanon Ki Hi Hogi Ab

Youn Ghut Ghut K Marna Kia
Safar Kathan Hi Sahi Jan Se Guzrna Kia

· 1 Like · Apr 18, 2019 at 16:04
Category: political
 
Poetry / Political

Muzammil Shahzad

Is Arz E Pak Pe Vehshi Na Chal Saken Ge Kabhi

Jawan raat key seeney pey dhoodhiya aanchal
Machal raha hai kisi khuwab-e-Marmareen ki tarha
Haseen phool, haseen Pattiyan, haseen shakhein
Lachak rahi hain kisi jism e nazneen ki tarha
Fiza mein khil sey gaye hain ufaq key narm khutoot
zameen haseen hai khuwabon ki sarzameen ki tarha
Tasavurat ki parchaiyan ubharti hain

Kabhi gumaan ki surat kabhi yaqeen ki tarha
woh paidr jin key taley hum panah letey they
kharey hain aaj bhi sakit kisi ameen ki tarha

Unheen key saaye mein phir aaj dou dharaktey dil
khamosh honton sey kuch kehney sun-ney aye hain
najaney kitni kishakash sey, kitni kawish sey
yeh sotey jagtey lamhey chura key laye hain

yahi fiza thi, yahi rut, yahi zamana tha
yaheen sey hum ney mohabbat ki ibtida ki thi
dharaktey dil sey, larazti hui nigahon sey
huzoor-e-ghaib mein nanni sey ilteja ki thi

keh aarzu key kanwal khil key phool ho jayein
dil-o-nazar ki du'ain qabool ho jayein
Tasavurat ki parchaiyan ubharti hain

tum a rahi ho zamaney ki aaankh sey bach kar
nazar churaye huey aur badan churaye huey
khud apney qadmon ki aahat sey jheenpti, darti
khud apney saaye ki junbish sey khof khaye huey
Tasavurat ki parchaiyan ubharti hain

rawaan hai choti si kashti hawaon key rukh par
nadi key saaye pey mallaah geet gata hai
tumhara jism har ik lehr key jhakoley sey
meri khuli hui baahon mein jhool jata hai
Tasavurat ki parchaiyan ubharti hain

mein phool taank raha hoon tumharey jorey mein
tumhari aankh musarrat sey jhukti jaati hai
Tasavurat ki parchaiyan ubharti hain

merey galey mein tumhari gadaaz baahein hain
tumharey honton pey mairey labon key saaye hain
mujhay yaqeen key hum ab kabhi na bichraingey
tumhein gumaan key hum mil key bhi paraye hain
Tasavurat ki parchaiyan ubharti hain

merey palang pey bhikri hui kitabon ko
adayey ijz-o-karam sey utha rahi ho tum
suhaag raat jo dholak pey gaye jatey hain
dabey suron mein wohi geet ga rahi ho tum
Tasavurat ki parchaiyan ubharti hain

Woh lamhey kitney dilkash they, Woh garhyaan kitni pyari theen
woh sehrey kitney nazuk they, Woh laryan kitni pyari theen
Basti ki har ik shadaab gali, khuwabon ka jazeera thi goya
har moj e nafas haz moj e saba, naghmon ka zakheera thi goya

Nagaah lehektey khaiton sey taapon ki sadayein aaney lageen
Barood ki bojhal boo leykar picham sey hawayein aaney lageen
Tameer key roshan chehrey par takhreeb ka badal phail gaya
har gaon mein vehshat naach uthi, har sheher mein jangal phail gaya

Maghrib key muhazzib mulkon sey kuch khaki wardi posh aye
ithlatey huey maghroor aye, lehratey huey madhosh aye

Khamosh zameen key seeney mein khaimon ki tanabein garhney lageen
makhan si mulayim raahon par booton ki kharashein parney lageen
faujon key bhiyanak baind taley charkhon ki sadayein doob gayeen
jeepon ki sulagti dhool talley phoolon ki qabayein doob gayeen

Insaan ki qeemat girney lagi, ijnaas key bhao charney lagey
chopal ki ronaq ghatney lagi, bharti key dafatir badrhney lagey
basti key sajeeley shokh jawaan ban ban key sipahi janey lagey
jis raah sey kam he lot sakey us raah pey raahi janey lagey
Un janey waley daston mein ghairat bhi gayee barnai bhi
maaon key jawaan betay bhi gaye, behnon key chaheetey bhai bhi

Basti pey udhasi chaney lagi, mailon ki baharein khatm hueen
Aamon ki lachakti shakhon sey jhoolon ki qatarein khatm hueen
dhool udrney lagi bazaron mein, bhook ugney lagi khalyanon mein
har cheez dukanon sey uth kar ruposh huee teh-khanon mein
badhaal gharon ki badhaali barhtey barhtey janjaal bani
mehengai barh kar kaal bani, sari basti kangaal bani

charwahian rasta bhool gayeen, pinharian panghat chor gayeen
kitni he kanwari ablayein maan baap ki chokhat chor gayeen

Aflaas zada dehqanon key hal bail bikey, khalyaan bikey
jeeney ki tamana key haaton, jeeney k

· 1 Like · Apr 18, 2019 at 10:04
Category: political
 

Random Post

New Pages at Social Wall

New Profiles at Social Wall

Connect with us


Facebook

Twitter

Google +

RSS