Poetry / Sad

Muzammil Shahzad

Niyyat hi Agar Theek Zamane ki Nahi Hai
Jaldi to Mujhe Bhi Kahin Jaane Ki Nahi Hai

Jin Khwabon Ki Taabir Per israr Hai Tum ko
Un Khwabon Ki Tabeer Batane Ki Nahi Hai

Jis Baat Ko Phirte Ho Chupaye Hue Dil Main
Wo Baat Kisi Se Bhi Chupane Ki Nahi Hai

Is Bheer Main Saaye Se Bicharta Hua Saaya
Kahta Hai Yahan Saath Nibhane Ki Nahi Hai

Jalte Hue Shahron Main izafa Hi to Hoga
Jab Rasm Koi Aag Bujhane Ki Nahi Hai

Chehron Se Parho Jabr-e-Mah-o-Saal Ki Tareekh
Ye DaastaN Duniya Ko Sunane Ki Nahi Hai

Sab Log Khazane Ki Taraf Dor Rahe Hain
Chabhi to Kisi k Pass Khazane Ki Nahi Hai

Jo tere Liye WaQt Se Ladte Hain Abhi tak
Un ko to Khabar Hi Tere Aane Ki Nahi Hai

Dukh ye Hai tu Sach Sunne Ka Aadi Nahi Warna
Ye Umr Tujhe Khwab Dikhane Ki Nahi Hai
,

Advertisement
· 1 Like · May 29, 2016 at 08:05
Category: sad
 

Latest Posts in poetry

Every Girl
Posted by sofia abid
Posted on : Aug 16, 2016

Random Post

Sponored Video

New Pages at Social Wall

New Profiles at Social Wall

Connect with us


Facebook

Twitter

Google +

RSS