Poetry / Sad

Muzammil Shahzad

Na aansu aaNkh meN hai aur na dil meN beqaraari hai
Magar woh dard jo tum ne diya tha ab bhi jaari hai

Dikhane ke liye yuuN to tabassum lub pe hai lekin
Ik aalam karb ka ab tak hamare dil pe taari hai

Yeh bateN ishq waloN ki haiN inko tum na samjho ge
Woh hai phooloN ki baarish jo bazaahir sangbaari hai

Shab-e Gham kya hai, kya hai hijr bus itna samjh lo tum
Ke saari zindagee ki subHoN per ik shaam bhaari hai

Hamara pyaar ik sachchai hai aur ik Haqeeqat bhee
Tumhara pyaar bus ik rasm hai ik duniya dari hai

Saraaye hai yahaN har aane wala lauT jayega
Kisee ki "Arzoo" kal thee kisee ki aaj baari hai

Advertisement
· 1 Like · Feb 17, 2018 at 21:02
Category: sad
 

Latest Posts in poetry

Liquor Bottle Lamp.
Posted by amnah khan
Posted on : Oct 18, 2015

Random Post

Sponored Video

New Pages at Social Wall

New Profiles at Social Wall

Connect with us


Facebook

Twitter

Google +

RSS