Hua Hai Haal yeh Barish Ki Mehrbhani Se

Hua Hai Haal yeh Barish Ki Mehrbhani Se,
Zameen K Zakham Haray Hogaye Hain pani Se,

Dhalay Hain Ashak Shab-e-Gham Bari Rawani Se,
Abhi Charagh Jalaye Hain Humne Pani Se,

Na Kaam Ayi Meri Jurrat-e-Lab-e-Izhar,
Woh Badgumaan Hi Hua Aur Khushbayani Se,

Main Chahta Hun Tumara Bharam Rahay Qayim,
Nikaal Do Mere Kirdaar Ko Kahani Se,

Mujhe Bhi Chehra Shinasi Ka Agaya Hai Hunar,
Mila Kamaal Yeh Dushman Ki Mehrbhani Se,

Kissi Se Kuch Na Kaha Aur Kehdiya Sab Kuch,
Zubaan Ka Kaam Liya Maine Be-Zubani Se,

Abhi Zameen Se Nahi Rabta Mera "AIJAAZ",
Guzar Raha Hun Abhi Dor-e-Asmaani Se......!!!!