Poetry / Sad

hazoor-e-yaar men harf iltija kay rakhay thay
chiragh saamnay jesay hawa kay rakhay thay

bus ik ashk-e-nadaamat nay saaf kar daalay
woh sab hisaab jo hum nay utha rakhay thay

tumhi nay paaon na rakha wagarna wasl ki shab
zameen pay hum nay sitaray bichha kay rakhay thay

bikhar rahay thay so hum nay utha liay khud he
gulab jo teri khatir saja kay rakhay thay

hawa kay pehlay hi jhonkay say haar maan gaey
wohi chiragh jo hum nay bachaa kay rakhay thay

mita saki na unhain roz o shab ki barish bhi
dilon men naqsh jo rang-e-hina kay rakhay thay

hasool-e-manzil-e-duniya kuch aisa kaam na tha
magar jo raah men pathar ana kay rakhay thay...!

Advertisement
· 1 Like · Aug 12, 2017 at 01:08
Category: sad
 

Latest Posts in poetry

Sumbal Iqbal
Posted by iJunoon
Posted on : Dec 03, 2014

Random Post

New Pages at Social Wall

New Profiles at Social Wall

Connect with us


Facebook

Twitter

Google +

RSS