Poetry / Love

Meri neend main abhi aik khwab baqi hai
Meri mohabbat ka sawal o jawab baqi hai

AnkhooN say izhaar e mohabbat kiya to kiya
Khamoshi kay ghamooN ka hisaab baqi hai

Aapki justjoo nay aisi aag laga di dil maiN
Ab bhi shama jalti hai aur iltihaab baqi hai

Aap hi ki ankhooN main gum, madhosh rahooN
Woh sunehra lamha, shab-e-mahtaab baqi hai

Murjha chukka hai waqt intezar kartay huay
Laikin meri mohabbat ka woh gulaab baqi hai

Ranga hai mujhay kuch aisay rangooN maiN
Kay wafa ki dastaan, aik kitaab baqi hai

Chua hai aapkay labooN ko us paimanay nay
JismaiN meri zindagi, kuch sharab baqi hai

Advertisement
· 1 Like · Sep 02, 2015 at 18:09
Category: love
 

Latest Posts in poetry

Zameer
Posted by mehwish jatt
Posted on : May 24, 2016

Random Post

Sponored Video

New Pages at Social Wall

New Profiles at Social Wall

Connect with us


Facebook

Twitter

Google +

RSS