Poetry / Love

Muzammil Shahzad

Ae umer-e-ravaan
Aa paas mere
Ik raaz ki baat batani hai
Ik khowab sunana hai tujh ko
Ik dard ki tees si dil main hai
Ik rang dikhana hai tujh ko
Ae umer-e-ravaan
Aa pass mere
Yah neem shabi ki khamoshi
Yah neend ki palkain bojhal si
Ik khuff sa zahan-o-dil par hai
tanhai meri chupke se kahe
Ae umer-e-ravaan
Aa pass mere
Tujh se faqat kahna hai mujhe
Raftaar ko apni dheema rakh
Ik shaks se milna hai mujh ko
Milne ki ghari jo thahri hai
Do char saddi ya ab k baras
Ae umer-e-ravaan
Aa pass mere

Advertisement
· 2 Like · Jan 06, 2015 at 21:01
Category: love
 

Latest Posts in poetry

Achay Taaluqat aur Buri Aadat
Posted by Javed Ashraf
Posted on : Nov 10, 2015

Random Post

Sponored Video

New Pages at Social Wall

New Profiles at Social Wall

Connect with us


Facebook

Twitter

Google +

RSS