Poetry / Love

ab ke tajdid-e-vafa ka nahin imkan jaanaa
yad kya tujh ko dilayain tera paiman jaanaa

yon hi mausam ki ada dekh ke yad aya hai
kis qadar jald badal jate hain insan jaanaa

zindagi teri ataa thi so tere nam ki hai
ham ne jaise bhi basar ki tera ehsan jaanaa

dil ye kahata hai k shayad ho afsurda tu bhi
dil ki kya bat karain dil to hai nadan jaanaa

akhir akhir to ye alam hai ki ab hosh nahin
rag-e-mina sulag uthi ki rag-e-jan jaanaa

muddaton se ye alam na tavaqqo na ummid
dil pukare hi chala jata hai jana jaanaa

ham bhi kya sada the ham ne bhi samajh rakha tha
gam-e-dauran se juda hai gam-e-jaanaa jaanaa

ab ki kuch aisi saji mahafil-e-yaran jaanaa
sar-ba-zanu hai koi sar-ba-gireban jaanaa

har koi apani hi avaz se kanp uthata hai
har koi apane hi saye se hirasan jaanaa

jis ko dekho vahi zanjir-ba-pa lagata hai
shahar ka shahar hua dakhil-e-zindan jaanaa

ab tera zikr bhi shayad hi gazal main aye
aur se aur hua dard ka unvan jaanaa

ham k ruthi hui rut ko bhi manaa lete the
ham ne dekha hi na tha mausam-e-hijran jaanaa

hosh aya to sabhi khvab the reza-reza
jaise urate huye auraq-e-pareshan jaanaa

Advertisement
· 1 Like · Jul 03, 2015 at 21:07
Category: love
 

Latest Posts in poetry

i Love ALLAH
Posted by jiya daniyal
Posted on : Aug 14, 2016

Random Post

Sponored Video

New Pages at Social Wall

New Profiles at Social Wall

Connect with us


Facebook

Twitter

Google +

RSS