Hamay Maathe Pe Bosa Do

Kabhi Hum Khoobsurat The
Kitaabon Main Basi Khushbu Ki Maanind Saans Saakin Thi
Bohat Say Ankahe Lafzon Se Tasveerain Banate The
Parindon Ke Paron Per Nazm Likh Ker

Door Ki Jheelon Main Basnay Waalay Logon Ko Sunaatay The
Jo Ham Say Door Thay Lekin Hamare Paas Rehtay The
Naye Din Ki Musaafat Jab Kiran Ke Saath
Angan Main Utartee Thi

Tou Hum Kehtay Thay
Ammi Titlion Kay Per Bohat Hee Khoobsoorat Hain
Hamain Maathay Pey Bosa Dou kay Ham Ko Titlion Kay jugnuon Ke
Des Jaana Hai
Hamain Rangon Kay Jugnoo roshni Ki Titlian Aawaz Detee Hain

Naye Din Ki Musaafat Rang Main
Doobi Hawa Kay Saath Khirki Say Bulaati Hai
Hamain Maathay Pay Bosa Do
Hamain Maathay Pay Bosa Do