Poetry / 0

Ijunoon

Kya Sarokaar Ab Kise Se Mujhe

kya sarokaar ab kise se mujhe
vasta tha to tha tujh hi se mujhe

be hisi ka bhi ab nahi ehsaas
kyaa huaa terii beruKhii se mujhe

maut kii aarazuu bhii kar daikho
kya umeedain thi zindagi se mujhe

phir kisi par na aitabaar aaye
yuun uttaro na apne jii se mujhe

tera Gam bhi na ho to kya jeena
kuch tasalli hai dard hii se mujhe

kar gaye kis qadar tabaah Zia
dushman, andaaz-e-dostii se mujhe

· 1 Like · 1 Days Ago
Category: 0
 
Poetry / 0

Ijunoon

Zindagi ek Raat hai

Zindagi ek

Raat hai

Jis main Na Jaane

Kitne Khuwab

hain

Jo mil Jayen wo

Apne hain

Jo Toot Jayen wo

Sapne hain!

· 1 Like · May 29, 2017 at 23:05
Category: 0
 
Poetry / 0

Ijunoon

Tera Hijr Meraa Naseeb

teraa hijr meraa naseeb hai teraa Gam hii merii hayaat hai
mujhe teri doori ka Gham ho kyu tu kahin bhi ho mere sath hai

mere vaaste tere naam par koii harf aaye nahi
mujhe Khauf-e-duniyaa nahi magar mere ruu-ba-ruu terii zaat hai

tera ishq mujh pe hai meherabaN mere dil ko hasil hai do jahaaN
merii jaan-e-jaaN isii baat par meri jaan jaye to baat hai

· 1 Like · May 17, 2017 at 06:05
Category: 0
 
Poetry / 0

Ijunoon

Mein Nay Apni Mihabbat Sapurd Ki Hai Tujhay

MEIN NAY APNI MIHABBAT SAPURD KI HAI TUJHAY

SO DEKH! MERI AMAANAT SANBHAAL KE RAKHNA

ISAY BAHAARON KE NARM HATON NAY PAALA HAI

SOO ES KO GARAM HAWA SAY BOHAT BACHA KE RAKHNA

MIZAAJ ISKA HAWAAON KI TARHA SARKASH HAI

SO ISKI JUNBISH E ABROO KO DEKHTAY REHNA

NAHIN YEH SUNNAY KA AADI NHI RAHA HAI KABHI

SO ISKI BAAT!WO KESI HO,MANTAY REHNA

· 1 Like · Apr 29, 2017 at 17:04
Category: 0
 
Poetry / 0

Ijunoon

Hazaar Rasta Badal K Dekha

HAMEN PTA HAI KE

HUM NAY KITNA SANBHAL K DEKHA

NAEE AUR ANJANI REHGUZAARON PAY CHAL K DEKHA

HAZAAR RSTA BADAL K DEKHA

MGAR MERI JAAN

HER AIK RSTA TUMHARI JANIB PALAT GAYA HAI

TAMAAM NAQSHA ULAT GAYA HAI

AUR ES SAFAR MEI

WAJOOD ZAKHMON SAY TOOT GAYA HAI

· 1 Like · Apr 28, 2017 at 15:04
Category: 0
 
Poetry / 0

Ijunoon

Hay Ye Ghalati Keh Mohabbat Ko Sapna Samjha Tum Nay

Hay Ye Ghalati Keh Mohabbat Ko Sapna Samjha Tum Nay
Mohabbat Kartay Hi Mohabbat Ko Apna Samjha Tum Nay

Kar Kay Mohabbat Tum es qadar Kho Gaye
Us Kay Inkaar Ko Be Wafai Samjha Tum Nay

es Kdar Mehsoos Kia Tum Nay Zakhmo Ko Apnay
Phoolon Main Bhi Zakham Ka Ahsaas Kia Tum Nay

Thay Mohabbat Main Apni Tum Aisay Gum Sum
Sab Kay Dukh Ko Bhi Tum Nay Hansi Samjha Tum Nay

Dewanay es qadar Ho Gaye Tum Chahat Main Apni
Mohabbat Ko Bhi Khud Se Begana Samjha Tum Nay

Chahat Dil Per Kuch Aisa Naqsh Kar Gaii "Fariha"
Un Ko Bholnay Ki Chah Main Sab Ko Bhula Dia Tum Nay

Mohabbat Karna Un Say Jo Kartay Hain Mohabbat Tum Say
Yeh Samajh Lena Keh Us Din Sab Kuch Paa Lia Tum Nay

Karay Koii Mohabbat Tum Se Or Ho Jao Tum Hasil
Sikander Phir Mohabbat Ko Hasil Kar Lia Tum Nay

· 1 Like · Apr 14, 2017 at 05:04
Category: 0
 
Poetry / 0

Ijunoon

Mera Aaina Mera Aks Bhi

Mera Aaina, Mera Aks Bhi
Mere Meharbaan Ki Nazar Howa
Meri Siskiyaan, Meri Hichkiyaan
Meri Aarzu, Meri Justajoo
Meri Chashm-e-Tar
Mera Har Safar
Meri Soch Kay Sabhi Zaviye
Woh Diya Jo Usnay Bhujha Diya
Meri Hastiyan, Meri Bastiyaan
Meri Shairy, Meri Raagni
Mere Saath Jinka Guzar Howa
Mere Meharbaan Ki Nazar Howa!!

· 1 Like · Apr 02, 2017 at 23:04
Category: 0
 
Poetry / 0

Ijunoon

Kehne Ko Ik Ainaa Toota Bikher Gaya

Kehne ko ik ainaa toota bikher gaya!
Lekin mere wujood ko kirchiyon se bhar gaya

Main tu kissi khayal kay tanha safar mein tha
Phir kyun laga, qareeb se koi guzar gaya

Ik aashna se dard ne chonka diya mujhe
Main tu samajh raha tha mera zakham bhar gaya

Shayed kay intezaar issi pal ka tha usay
Kashti kay doobtey hi woh dariya utar gaya

Muddat se us ki chhaon mein betha nahin koi
Woh saya'daar pairr issi gham main marr gaya

Shayed tamaam nisbatain us ko mujhi se thiin
Apni har aik yaad mere naam kar gaya

Ik aur shaam dhal gayi sochoon kay dasht mein
Ik aur din bhi khaak uratay guzar gaya

Mere hi saath SHAAD safar khatam ho gaya
Main ruk gaya jahan waheen rasta thehar gaya

· 1 Like · Feb 27, 2017 at 03:02
Category: 0
 
Poetry / 0

Ijunoon

Zehn K Khayalon Mein

Zehn k khayalon mein
Rooh k ujalon mein

Zindagi ki jheelon mein
Zaat ki faseelon mein

Ratjagon k daman mein
Khawahishon k aangan mein

Dil k khushk sehra mein
Chashm-e-tar k darya mein

Dard k jahan mein bhi
Ashq-e-be zuban mein bhi

Aur khuch nahin rehta
"Teri Yaad Rehti Hai"

· 1 Like · Dec 15, 2016 at 17:12
Category: 0
 
Poetry / 0

Bila Jawaz Rakhay Khud Ko Be Qaraar Bhi Kyun

Bila Jawaz Rakhay Khud Ko Be Qaraar Bhi Kyun
Jo Tu Nahi Hay Tu Pher Tera Intazaar Bhi Kyun

Akelay Pan Ka Safar Jab Mera Muqadar Hay
Tu Phir Ay Wada -e- Shikan Teri Rah-Guzar Bhi Kyun

Usay Ganwa Kay Rahon Ab Khezaon Ki Zadd Main
Jo Wo Nahi Hay Tu Pher Mousam -e- Bahaar Bhi Kyun

Ager Bhulaye Hoay Us Ko Ak Umar Hoi
Tu Phir Yeh Aaj Tabiyat Hay, Sogwaar Bhi Kyun

Wo Jin Labon Pay Yaqeen -e- Wafa Mehak Na Sakay
Phir Un Kay Lams Ki Khowahish Ho Ak Baar Bhi Kyun

Jab Us Ko Shouq Tha Rasto Ki Dhool Honay Ka
Palat Kay Dekhta Jata Hay Baar Baar Bhi Kyun

· 1 Like · Nov 27, 2016 at 16:11
Category: 0
 
Healthy Lemons
Posted by minu malik
Posted on : Nov 12, 2015

Random Post

New Pages at Social Wall

New Profiles at Social Wall

Connect with us


Facebook

Twitter

Google +

RSS